Asebter amenzawi

Tacirt n ufus: GS Petroliers terbeḥ talɣuɣa tagraɣlant n Sarah-Babahoun

WEHṚAN – Terbeḥ teɣlamt n GS Petroliers (Amsegraw Anaddal n Yipitṛuliyen) n tlawin talɣuɣa tagraɣlant n tcirt n ufus n Sara-Babahoun mi terna, deg temlilit taneggarut, taɣlamt taɣelnawt n Tunes n ddaw 20 n yiseggasen s ugmuḍ n 24 ɣer 15, ass n ssebt tameddit deg tzeqqa takkaddalt n « Hachemi Hantaz » n Trouville deg Ɛin Ṭṭerk (Wehṛan).

Amkan wis 3 iṣaḥ-d taɣlamt n HBC Lebyar (timeqranin) ay yernan taɣlamt tamaṣrit n ddaw 20 n yiseggasen s ugmuḍ n 25 ɣer 24.

8 n teɣlamin ay yettekkan deg telɣuɣa-a tagraɣlant ay d-yellan d tajmilt i tmarirt taqburt n teɣlamt taɣelnawt, Sarah Babahoun, yerna ti d tiɣlamin tiɣelnawin n tlawin n Maṣer, Tunes d Lezzayer n ddaw 20 n yiseggasen, 3 n teɣlamin n tmeqranin seg ugmuḍ (ccerq), talemmast d utaram (lɣerb) n tmurt, d teɣlamin n Umsegraw Anaddal n Yipitṛuliyen (GSP) n Lezzayer Tamaneɣt d HBC Lebyar.

Deg yijifeṛ n umsizwer-a anaddal, ay yeḍḍfen 4 n wussan ddaw leɛnaya n tmehla n yilemẓiyen n waddal s umɛawen d temɣunt (rabiṭa) tamnaḍant n tcirt n ufus, rzan daɣ yimttekkiyen ɣef yimukan n uḥewwes d wid n umezruy yellan deg twilayt n Wehṛan, am wakken ay ḥedṛen yiwen n uhanay (ɛarḍ) deg umkan anda ay nsan.

Ttiɛad-a anaddal n tlawin ifuk s tmeɣra n tukci n warrazen d yisefka (hadaya) i wid ay irebḥen, s uḥdaṛ n yiduba idiganen, wid yettekkan deg temɣunt tamnaḍant n tcirt n ufus, igensasen n tmehla n yilemẓiyen d waddal d tmaririn tigraɣlanin tiqburin n tcirt n uḍar.