ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵍⴰⵛ ⵜⴰⵍⴰⵙⵜ ⵉ ⵓⵙⵙⵓⵜⴻⵔ ⵏ ⵓⵒⴰⵙⵒⵓⵕ ⴰⴱⵢⵓⵎⵉⵜⵔⵉ ⵉ ⵢⵉⵎⵉⵏⵉⴳⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⴷ ⴰⴽⴽⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵓⵣⵖⴰⵔ ⵓⵔ ⵙⵄⵉⵏ ⴰⵔⴰ ⵜⴰⵍⴰⵙⵜ ⴷⴻⴳ ⵡⴰⴽⵓⴷ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⵓⵜⴻⵔ ⵏ ⵓⵒⴰⵙⵒⵓⵕ-ⵏⵙⴻⵏ ⴰⴱⵢⵓⵎⵉⵜⵔⵉ.

ⵉⴷⵣⴰⵢⵔⵉⵢⴻⵏ ⵉⵎⵉⵏⵉⴳⴻⵏ ⴰⵢ ⵡⴻⵔⵄⴰⴷ ⵓⵔ ⵙⵙⵓⵜⵔⴻⵏ ⴰⵔⴰ ⴰⵒⴰⵙⵒⵓⵕ-ⵏⵙⴻⵏ ⵢⴻⵔⵏⴰ ⵓⵔ ⵜⴻⵏ-ⵜⴻⵔⵔⵉ ⴰⵔⴰ ⵜⵎⴰⵔⴰ ⴰⴷ ⵚⴰⴼⵔⴻⵏ ⴷⴻⴳ ⵡⴰⵢⵢⵓⵔⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ ⵣⴻⵎⵔⴻⵏ ⴰⴷ ⵙⵙⵓⵜⵔⴻⵏ ⴰⵒⴰⵙⵒⵓⵕ-ⵏⵙⴻⵏ ⴰⴱⵢⵓⵎⵉⵜⵔⵉ ⵎⴻⵍⵎⵉ ⴰⵢ ⴰⵙⴻⵏ-ⵢⴻⵀⵡⴰ ⴷⴻⴳ ⵓⵙⴻⴳⴳⴰⵙ ⵏ 2016 ⵏⴻⵖ ⴷⴻⴼⴼⵉⵔ ⵓⵙⴻⴳⴳⴰⵙ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⴰ.

ⴰⵣⴻⵎⵣ (ⵜⴰⵔⵉⵅ) ⵏ 24 ⵏⵡⴻⵎⴱⴻⵕ 2015 ⵢⴻⵔⵣⴰ « ⴰⵍⴰ » ⴰⵒⴰⵙⵒⵓⵕ ⵏ ⵎⴻⵏⵡⴰⵍⴰ (ⵡⵉⵏ ⵓⵔ ⵢⴻⵍⵍⵉⵏ ⴷ ⴰⴱⵢⵓⵎⵉⵜⵔⵉ) ⴰⴷ ⵢⵓⵖⴰⵍⴻⵏ ⵙⴻⴳ ⵡⴰⵙⵙ-ⵏⵏⵉ ⴷ ⴰⵙⴰⵡⴻⵏ ⵓⵔ ⵢⴻⵚⵍⵉⵃ ⴰⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.