ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵏⴻⵔⵏⵉ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⴷ ⴰⵢⴻⵏ ⵢⴻⵣⵡⴰⵔⴻⵏ

ⵜⴱⴻⵙⵙⴰ – ⴰⵙⵏⴻⴼⵍⵉ (ⵜⴰⵏⵎⵉⵢⴰ) ⴷ ⵓⵙⵙⴻⵜⵔⴻⵔ (ⵄⴰⵚⵏⴰⵔⴰ) ⵏ ⵓⴱⵔⵉⴷ ⵏ ⵡⵓⵣⵣⴰⵍ ⴷ ⵜⵓⵣⵡⵉⵔⵜ ⵉ ⵍⵎⴻⵏⴷ ⵏ ⵓⵙⵏⴻⴼⵍⵉ ⵏ ⵜⵎⵓⵔⵜ ⴷ ⵓⵙⵙⴻⴵⵀⴻⴷ ⵏ ⵓⵎⴱⴰⴷⴷⴻⵍ ⵏ ⵜⵜⵊⴰⵕⴰ ⴳⴰⵔ ⵜⵡⵉⵍⴰⵢⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ ⵏ ⵓⵎⴻⵙⵏⵉ, ⴱⵧⵓⴷⵊⴻⵎⴰⴰ ⵜⴰⵍⴰⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⴱⴻⵙⵙⴰ.

ⴰⴱⵔⵉⴷ ⵏ ⵡⵓⵣⵣⴰⵍ ⵢⴻⵙⵄⴰ ⴰⵣⴰⵍ ⴷ ⴰⵎⴻⵇⵔⴰⵏ ⵎⵉ ⴰⴷ ⵏⵡⴰⵍⵉ ⵍⴼⴰⵢⴷⴰ ⴰⵢⵢⴻⵙ ⴰⴷ ⴷ-ⵢⴻⴳⵍⵉ ⵉ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴼⴼⵉⵔ ⵎⴰ ⵢⴻⴹⴼⴻⵔ, ⴷⴻⴳ ⵜⴻⵎⵏⴰⴹⵜ ⵏ ⵜⵖⵉⵡⴰⵏⵜ ⵏ ⵍⴻⵄⵡⵉⵏⴰⵜ ⵢⵉⵡⴻⵏ ⵏ ⵓⵏⴻⵙⴽⵉⵏ (ⵄⴰⵔⴹ) ⵖⴻⴼ ⵓⵙⴻⵏⴼⴰⵔ ⵏ ⵓⵙⵙⴻⴵⵀⴻⴷ, ⵜⵓⵇⵇⵏⴰ ⵖⴻⵔ ⵜⵔⵉⵙⵉⵜⵉ ⴷ ⵓⵙⵙⵉⵙⵍⴻⴳ (ⵎⵓⴹⴰⵄⴰⴼⴰ) ⵏ ⵓⴱⵔⵉⴷ ⵏ ⵡⵓⵣⵣⴰⵍ ⵢⴻⵇⵇⵏⴻⵏ ⴵⴱⴻⵍ ⵍⵄⵓⵏⵇ ⵖⴻⵔ ⵄⴻⵏⵏⴰⴱⴰ (413 ⵏ ⵢⵉⴽⵉⵍⵓⵎⵉⵜⵔⴻⵏ).

ⴰⵙⴻⵏⴼⴰⵔ-ⴰ ⴷ ⵡⵉⵏ ⴰⴷ ⵉⴹⴻⵎⵏⴻⵏ ⴰⵙⵙⵉⵡⴻⴹ ⵏ ⵡⴰⴽⴰⵍ ⵏ ⵡⵓⵣⵣⴰⵍ ⴷ ⵓⴼⵓⵙⴼⴰⵟ ⵙⴻⴳ ⵍⵎⵉⵏⴰⵜ ⵏ ⵜⴻⵎⵏⴰⴹⵜ-ⴰ ⵏ ⵜⴱⴻⵙⵙⴰ ⵖⴻⵔ ⵍⵍⵓⵣⵉⵏⴰⵜ ⵏ ⵄⴻⵏⵏⴰⴱⴰ, ⵖⴻⴼ ⵡⴰⴽⴽⴻⵏⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵓⵇⴱⴻⵍ ⵎⴰ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵜⵉⵣⵔⴰⵡⵉⵏ (ⴷⵉⵔⴰⵙⴰⵜ) ⴰⵢ ⵢⴻⵙⵙⴻⴼⴽⴻⵏ ⵓⵇⴱⴻⵍ ⵓⵚⴻⴳⴳⴻⵎ ⵏ ⵓⴱⵔⵉⴷ-ⴰ ⴰⴷ ⴷ-ⵡⴻⵊⴷⴻⵏⵜ ⴷⴻⴳ ⵎⴻⵖⵔⴻⵙ ⵏ 2016.

Ɣⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⴰⵢ ⴰⵙ-ⴷ-ⵙⴼⴻⵀⵎⴻⵏ ⵢⵉⵎⴹⴻⴱⴱⵔⴻⵏ ⵏ ⴰⵏⴻⵙⵔⵉⴼ (ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵜⴻⵣⵔⴰⵡⵉⵏ ⴷ ⵓⴹⴼⴰⵔ ⵏ ⵓⵙⵙⴻⴹⵔⵓ ⵏ ⵢⵉⵙⵙⴻⴼⵜⵉⵢⴻⵏ ⵏ ⵓⴱⵔⵉⴷ ⵏ ⵡⵓⵣⵣⴰⵍ), ⵉⵅⴻⴷⴷⵉⵎⴻⵏ ⴰⵢ ⵙⵙⴻⴼⵔⴰⵢⴻⵏ ⴰⴷ ⵜⴻⵏ-ⴳⴻⵏ ⵢⴻⵍⵍⴰ-ⴷ ⴳⴰⵔ-ⴰⵙⴻⵏ ⵓⵚⴻⴳⴳⴻⵎ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⴰⵇⴱⵓⵔ ⴷ ⵜⵓⵇⵇⵏⴰ-ⵏⵏⴻⵙ ⵖⴻⵔ ⵜⵔⵉⵙⵉⵜⵉ, ⴰⵙⵙⴻⵔⵙⵉ ⵏ ⵢⵉⴳⴰⵍⵉⵙⴻⵏ (ⵍⴰⴼⵉⵜⴰⵜ) ⵏ ⵜⴰⴼⴰⵜ ⴷ ⵜⵜⴰⵡⵉⵍⴰⵜ ⵏ ⵍⴰⵎⴰⵏ.

ⴷⵖⴰ ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⴰⵖⴻⵍⵍⴻⵜ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⵏ ⴵⴱⴻⵍ ⵍⵄⵓⵏⵇ-ⵄⴻⵏⵏⴰⴱⴰ ⴰⴷ ⵢⴻⵙⵙⵉⴼⵙⴻⵙ ⵍⵃⴻⵕⵙ ⵖⴻⴼ ⵢⵉⴱⵔⵉⴷⴻⵏ ⵏ ⵜⴻⵎⵏⴰⴹⵜ-ⴰ ⴰⵢ ⵢⴻⵞⵞⵓⵕⴻⵏ ⴷ ⵉⴽⴰⵎⵢⵓⵏⴻⵏ ⵉⵎⴰⵥⴰⵢⴻⵏ ⵏ ⵙⵙⴻⵍⵄⴰ.