Asebter amenzawi
Seg Tasanayt s tmaziɣt imunen
Lezzayer terna Tanzanya s 7 ɣer 0
LEBLIDA (Lezzayer) – Terna teɣlamt tadzayrit n tcirt n uḍar taɣlamt n Tanzanya s 7 ɣer 0 (azgen n wakud ifuk s 3 ɣer 0) deg temlilit n tuzzya tis snat n temliliyin n waffas (taṣfiyat) ay d-yellan ass n ttlata tameddit deg Leblida. Dɣa d aya ad yeǧǧen Lezzayer ad tɛeddi ɣer tuzzya tis 3 yerna d taneggarut deg temliliyin n waffas i Teqbuct n Umaḍal n 2018.
Iswan n temlilit-a ssadfen-ten Brahimi (1), Ghoulam (tadqiqt tis 23 d tis 59), Mahrez (43), Slimani (49 d 75) d Medjani (72). Deg temlilit n twadda ay d-yellan ass n ssebt deg Dar Es-Salam (Tanzanya), Lezzayer d Tanzanya msefraqent s 2 ɣer 2.
