ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵖⴰⵍⴻⵏ-ⴷ ⵢⵉⴷⵓⴱⴰ ⵏ ⵢⴰⵎⴰⵏ ⵖⴻⵔ ⵜⴻⵎⴷⵉⵏⵜ ⵏ ⵄⴰⴷⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴷⴷⴰ ⵜⴻⴳⵏⵉⵜ ⵖⴻⵔ ⵙⴷⴰⵜ ⴷⴻⴳ ⵢⴰⵎⴰⵏ ⴷⴻⴼⴼⵉⵔ ⵎⴰ ⵢⵓⵖⴰⵍ-ⴷ ⵓⵙⴻⵍⵡⴰⵢ ⴰⵢⴰⵎⴰⵏⵉ, ⴰⴱⴷ ⵔⴰⴱⴱⵧ ⵎⴰⵏⵙⵧⵓⵔ ⵀⴰⴷⵉ, ⵖⴻⵔ ⵄⴰⴷⴻⵏ, ⵖⴻⵔ ⵢⵉⴷⵉⵙ ⵏ ⵢⵉⵖⴻⴼ ⵏ ⵓⵏⴰⴱⴰⴹ (ⵃⵓⴽⵓⵎⴰ), ⴽⵀⴰⵍⴻⴷ ⴱⴰⵀⴰⵀ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵎⴰⵣⴰⵍ ⵢⴻⵜⵜⴽⴻⵎⵎⵉⵍ ⵢⵉⵎⴻⵏⵖⵉ ⵎⴳⴰⵍ ⵢⵉⵖⴻⵡⵡⴰⵖⴻⵏ (ⵎⵓⵜⴰⵎⴰⵔⵔⵉⴷⵉⵏ) ⵉⵛⵉⵄⵉⵢⴻⵏ ⵉⵃⵓⵜⵉⵢⴻⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⴰⵄⴻⵣ (ⴰⵏⵥⵓⵍ-ⵓⵜⵔⵉⵎ), ⴷ ⵉⵎⴻⵏⵖⵉ ⴰⵢ ⴷ-ⵢⴻⴱⴷⴰⵏ 2 ⵡⵓⵙⵙⴰⵏ ⴰⵢⴰ.

ⴰⵙⴻⵍⵡⴰⵢ ⴰⵢⴰⵎⴰⵏⵉ ⵢⵓⵖⴰⵍ-ⴷ ⴰⵙⵙ ⵏ ⵜⵜⵍⴰⵜⴰ ⵜⴰⵚⴻⴱⵃⵉⵜ ⵖⴻⵔ ⵜⵎⴰⵏⴻⵖⵜ « ⵜⵓⵄⴹⵉⵍⵜ » ⵏ ⵢⴰⵎⴰⵏ, ⵄⴰⴷⴻⵏ, ⴷⴻⴼⴼⵉⵔ ⵎⴰ ⵢⴻⴽⴽⴰ 8 ⵏ ⵡⴰⵢⵢⵓⵔⴻⵏ ⴷ ⵉⵎⴻⵏⵏⴻⵊⵍⵉ ⴷⴻⴳ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ. ⵉ ⵓⵙⵎⴻⴽⵜⵉ, ⴷ ⵚⴻⵏⵄⴰ ⴰⵢ ⴷ ⵜⴰⵎⴰⵏⴻⵖⵜ ⵜⵓⵏⵚⵉⴱⵜ ⵏ ⵢⴰⵎⴰⵏ, ⵢⴻⵔⵏⴰ ⵜⴻⵖⵍⵉ ⴷⴻⴳ ⵛⵜⴻⵎⴱⴻⵕ ⵏ 2014 ⴳⴰⵔ ⵢⵉⴼⴰⵙⵙⴻⵏ ⵏ ⵢⵉⵃⵓⵜⵉⵢⴻⵏ ⴰⵢ ⵎⴰⵣⴰⵍ ⴹⴹⴼⴻⵏ ⴰⵟⴰⵙ ⵏ ⵜⵏⴻⴱⴹⵉⵢⵉⵏ (ⵎⵓⵇⴰⵟⴰⵄⴰⵜ) ⴷⴻⴳ ⵓⴳⴰⴼⴰ ⵏ ⵜⵎⵓⵔⵜ.

ⵎⴰⵙⵙ ⵀⴰⴷⵉ ⵢⵓⵖⴰⵍ ⵢⴰⴳⵉ ⵖⴻⵔ ⵄⴰⴷⴻⵏ ⴷⴻⴳ 22 ⵛⵜⴻⵎⴱⴻⵕ, ⴷⴻⴼⴼⵉⵔ ⵎⴰ ⵄⴰⵡⴷⴻⵏ ⴹⴹⴼⴻⵏ-ⵜⵜ ⵢⵉⵖⴰⵍⵍⴻⵏ-ⵏⵏⴻⵙ ⵙ ⵓⵄⴰⵡⴻⵏ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴷⴻⴳ ⵢⵓⵍⵢⵓ. ⵎⴰⵛⴰ ⵢⴻⴽⴽⴰ-ⵏ ⴷⵉⵏ ⴰⵍⴰ ⴽⵔⴰ ⵏ ⵡⵓⵙⵙⴰⵏ ⵢⴻⵔⵏⴰ ⵢⵓⵖⴰⵍ ⵖⴻⵔ ⵜⵎⴰⵏⴻⵖⵜ ⵜⴰⵙⴰⵄⵓⴷⵉⵜ, ⵔⵉⵢⴰⴷⵀ ⴷⴻⴼⴼⵉⵔ ⵎⴰ ⵜⴻⵍⵍⴰ-ⴷ ⵜⵅⴰⵣⵣⴰⴱⵉⵜ ⴰⵙⵙ ⵏ 6 ⵜⵓⴱⴻⵕ ⴷⴻⴳ ⵓⵅⵅⴰⵎ ⵓⵄⴹⵉⵍ ⵏ ⵓⵏⴰⴱⴰⴹ ⴰⵢⴰⵎⴰⵏⵉ ⴷⴻⴳ ⵢⵉⵡⴻⵏ ⵏ ⵓⵙⴻⵏⵙⵓ (ⴼⵓⵏⴷⵓⵇ) ⵏ ⵄⴰⴷⴻⵏ.

ⵎⴰ ⴷ ⴽⵀⴰⵍⴻⴷ ⴱⴰⵀⴰⵀ, ⵢⴻⵡⵡⴻⴹ ⴰⵙⵙ ⵏ ⵍⵃⴻⴷⴷ ⵖⴻⵔ ⵜⴻⴳⵣⵉⵔⵜ ⵏ ⵙⵓⵇⵓⵟⵔⴰ ⴰⵢ ⵉⴱⴻⵄⴷⴻⵏ 350 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵢⴰⵎⴰⵏ, ⵢⴻⵔⵏⴰ ⵙⴻⴳ-ⵉⵏ ⴰⵢ ⴷ-ⵉⵅⴻⴱⴱⴻⵔ ⴷ ⴰⴽⴽⴻⵏ « ⵢⵓⵖⴰⵍ-ⴷ ⵓⵏⴰⴱⴰⴹ, ⵙ ⵡⴰⴽⴽ ⵉⵎⴰⵙⵍⴰⴹⴻⵏ-ⵏⵏⴻⵙ (ⴰⵄⴹⴰ’), ⴰⴽⴽⴻⵏ ⴰⴷ ⵢⴻⴱⴷⵓ ⴰⵅⴻⴷⴷⵉⵎ ⵙⴷⴰⵅⴻⵍ ⵜⵎⵓⵔⵜ ⵏ ⵢⴰⵎⴰⵏ ».