Asebter amenzawi
Azal n 30 n tkebbaniyin ay yebɣan ad ttekkint deg uxdam n tkeṛṛusin
LEZZAYER TAMANEɣT – Taseqqamut tuzzigt (xaṣṣa) n Unmager n Yiɣfawen n Tkebbaniyin i unadi ɣef tkebbaniyin ay izemren ad ttekkint deg uxdam n tkeṛṛusin tufa-d azal n 30 n tkebbaniyin tidzayriyin ay izemren ad gent aya, ɣef wakken ay d-yenna ass n ttlata deg Lezzayer Tamaneɣt uselway n tseqqamut n wassaɣen d tsuda deg Unmager-a, Mohamed Bairi.
« Llant tzemmar deg Lezzayer: nezmer ad d-nebder tikebbaniyin umi ad yettwawekkel uxdam n yimawaɣen (makabiḥ), lexyuḍ n trisiti d tɣawsiwin niḍen. Aya d ayen yessewhamen », ɣef wakken ay d-yenna Mass Bairi s tumert (lfeṛḥ).
"Les capacités existent en Algérie: on peut parler des sous filières freinage, câblage, faisceaux électriques et autres. C'est extraordinaire", s'est félicité M. Bairi, également vice-président de l'Association des concessionnaires automobiles d'Algérie.
Mass Bairi, yellan daɣ d anmazul n uselway n Tiddukla n Tkebbaniyin Yesnuzuyen Tikeṛṛusin deg Lezzayer, yefka-d amedya n tkebbanit n ddula « Africaver » ay ixeddmen zzǧaǧ yerna tezmer ad d-tettekki s unnummed (indimaǧ) n uxdam n tkeṛṛusin deg Lezzayer s 20%.
Yenna-d daɣ Mass Bairi, deg usarag n tɣemsa ay d-yellan deg yijifeṛ n Wass wis 4 n Tkebbanit Tadzayrit, d akken ad d-yili umyager, deg tezwara n Dujembeṛ gar tkebbaniyin ay d-ixeddmen tikeṛṛusin d tkebbaniyin umi ad ttwawekklen kra n lecɣal deg unrar-a akken ad d-tili ticcurka gar sin-a n yidisan.
« Amyager-a ad yesseddu tamsalt ɣer sdat deg wayen yerzan asselken (ichad) d ticcurka », ɣef wakken ay d-yenna.
ɣef leḥsab n Mass Bairi, tamsalt n uwekkel n lecɣal i tkebbaniyin deg Lezzayer d « acanṭi aɣezfan yerna yewɛeṛ », maca la yettaẓ ɣer sdat. Dɣa yebder-d deg temsalt-a amɛawen d Tkebbanit Taɣelnawt n Yimseddayen Imguranen (SNVI) i usnerni n uḥric-a ay la d-yettenkaren.
Ma d aselway n Unmager n Yiɣfawen n Tkebbaniyin, Ali Haddad, yenna-d seg yidis-nnes d akken 7 n yimseftiyen yettekkan deg Unmager-a ay yebɣan ad reẓmen lluzinat n tkeṛṛusin d yikamyunen s ticcurka d tkebbaniyin tibeṛṛaniyin.
« Nesɛa tikebbaniyin ay izemren ad d-xedment tikeṛṛusin deg Lezzayer. Yessefk ad asen-nili i lmendad yerna ad asen-nefk ttawil amguran (ṣinaɛi) ayyes ad xedmen », ɣef wakken ay d-yenna Mass Haddad.
