ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴷⴷⵓⵕ ⵏ ⵢⵉⵙⴽⵓⵜⵉⵢⴻⵏ ⵉⵏⵙⴻⵍⵎⴻⵏ ⵉⴷⵣⴰⵢⵔⵉⵢⴻⵏ ⴷⴻⴳ ⵜⴻⴳⵔⴰⵡⵍⴰ
ⵜⵍⴻⵎⵙⴰⵏ – ⵡⴻⴽⴽⴷⴻⵏ-ⴷ ⵢⵉⵎⵜⵜⴻⴽⴽⵉⵢⴻⵏ ⴷⴻⴳ ⵓⵙⴰⵔⴰⴳ ⴰⵢ ⴷ-ⵢⴻⵍⵍⴰⵏ ⵖⴻⴼ ⴷⴷⵓⵕ ⵏ ⵢⵉⵙⴽⵓⵜⵉⵢⴻⵏ ⵉⴷⵣⴰⵢⵔⵉⵢⴻⵏ ⴷⴻⴳ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵍⴻⵎⵙⴰⵏ, ⴷ ⴰⴽⴽⴻⵏ ⵉⵙⴽⵓⵜⵉⵢⴻⵏ ⵓⵔⴰⵔⴻⵏ ⴷⴷⵓⵕ ⴷⴻⴳ ⵓⵙⵙⵉⵍⴻⵖ (ⵜⴰⴽⵡⵉⵏ) ⵏ ⵢⵉⵍⴻⵎⵥⵉⵢⴻⵏ ⴰⵢ ⵢⵓⵖⴰⵍⴻⵏ, ⵙⴰⴽⴽⵉⵏ, ⴷ ⵉⵎⵊⴰⵀⴷⴻⵏ ⴷⴻⴳ ⵢⵉⴳⴻⵏ (ⴵⴰⵢⵛ) ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ.
ⵜⵜⴻⴽⴽⴰⵏ ⴷⴻⴳ ⵓⵙⴰⵔⴰⴳ-ⴰ ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⵏ ⵢⵉⵙⴽⵓⵜⵉⵢⴻⵏ, ⵢⴻⵔⵏⴰ ⵢⴻⵍⵍⴰ-ⴷ ⵓⵎⵢⴰⴳⴻⵔ-ⴰ ⴷ ⴰⵃⵔⵉⵛ ⵙⴻⴳ ⵜⴻⴷⵢⴰⵏⵜ ⵏ « ⵡⴰⵢⵢⵓⵔ ⵏ ⵜⴻⴳⵔⴰⵡⵍⴰ » ⴰⵢ ⴷ-ⴳⴰⵏ ⴷⴻⴳ ⵓⵙⴰⵍⴰⵢ (ⵎⵓⵜⵃⴰⴼ) ⴰⵖⴻⵍⵏⴰⵡ ⵏ ⵜⵥⵓⵔⵉⵢⵉⵏ ⴷ ⵓⵎⴻⵣⵔⵓⵢ ⵏ ⵜⵍⴻⵎⵙⴰⵏ, ⵙ ⵓⵎⵄⴰⵡⴻⵏ ⴷ ⵓⵙⴻⵇⵇⴰⵎⵓ ⵏ ⵜⵡⵉⵍⴰⵢⵜ ⵏ ⵢⵉⵙⴽⵓⵜⵉⵢⴻⵏ ⵉⵏⵙⴻⵍⵎⴻⵏ ⵉⴷⵣⴰⵢⵔⵉⵢⴻⵏ, ⵢⴻⵔⵏⴰ ⵏⵏⴰⵏ-ⴷ ⵢⵉⵎⵜⵜⴻⴽⴽⵉⵢⴻⵏ ⴷⴻⴳ ⵓⵙⴰⵔⴰⴳ-ⴰ ⴷ ⴰⴽⴽⴻⵏ ⵉⵙⴽⵓⵜⵉⵢⴻⵏ ⵍⵍⴰⵏ ⴷ ⴰⵖⴻⵔⴱⴰⵣ ⴰⵢ ⴷ-ⵢⴻⵙⵙⵓⴼⴼⵖⴻⵏ ⵉⵎⴷⴰⵏⴻⵏ ⴰⵢ ⵉⵃⴻⵎⵎⵍⴻⵏ ⵜⴰⵎⵓⵔⵜ-ⵏⵙⴻⵏ ⵢⴻⵔⵏⴰ ⵜⵜⴰⵎⵏⴻⵏ ⵙ ⵡⴰⵣⴰⵍⴻⵏ-ⵏⵏⴻⵙ.
ⵎⴰⵙⵙ ⵙⴰⵉⴷⵉ ⵎⵧⵀⴰⵎⴻⴷ ⵢⴻⵙⵎⴻⴽⵜⵉ-ⴷ, ⴷⴻⴳ ⵓⵙⴰⵔⴰⴳ-ⵏⵏⴻⵙ, ⴰⵎⴻⵛⵡⴰⵕ ⵏ ⵓⵎⴻⵖⵏⴰⵙ ⵎⵧⵀⴰⵎⴻⴷ ⴱⵧⵓⵔⴰⵙ, ⵉⵎⵙⴻⴱⴷⴻⴷ ⵏ ⵜⴻⴳⵔⴰⵡⵜ ⵜⴰⵎⴻⵣⵡⴰⵔⵓⵜ ⵏ ⵢⵉⵙⴽⵓⵜⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵓⵙⴻⴳⴳⴰⵙ ⵏ 1935, ⴷ ⵜⴰⴳⵔⴰⵡⵜ ⵓⵎⵉ ⵙⴻⵎⵎⴰⵏ « ⴻⵍ ⴼⴰⵍⴰⵀ », ⵙⴰⴽⴽⵉⵏ ⵉⴽⴻⵎⵎⴻⵍ ⵎⴰⵙⵙ ⵙⴰⵉⴷⵉ ⴰⵡⴰⵍ ⵖⴻⴼ ⵜⴻⴳⵏⵉⵜ ⴰⵢⴷⴻⴳ ⴷ-ⵜⴻⵏⵏⵓⵍⴼⴰⵏⵜ ⵜⴻⴳⵔⴰⵡⵉⵏ ⵏⵉⴹⴻⵏ ⵏ ⵢⵉⵙⴽⵓⵜⵉⵢⴻⵏ ⴷⴻⴳ ⵜⴻⵎⴷⵉⵏⵉⵏ ⵏⵉⴹⴻⵏ ⵏ ⵜⵎⵓⵔⵜ ⵓⵇⴱⴻⵍ ⵎⴰ ⵢⴻⵍⵍⴰ-ⴷ ⵓⵎⴰⵣⵉⵔ (ⵎⵓⵅⴰⵢⵢⴰⵎ) ⵏ ⵢⵉⵙⴽⵓⵜⵉⵢⴻⵏ ⵏ ⵍⵃⴻⵕⵕⴰⵛ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵙⵙⴻⴱⴷⴻⴷ ⵏ ⵜⴼⵉⴷⵉⵕⴰⵍⵉⵜ ⵜⴰⵙⴽⵓⵜⵉⵜ, ⴱⴻⴹⴹⵓ-ⵏⵏⴻⵙ ⵖⴻⴼ 3 ⵏ ⵜⴻⵎⵏⴰⴹⵉⵏ ⴷ ⵓⵙⵙⴻⴱⴷⴻⴷ ⵏ ⵍⵍⵙⵉⵙⴰⵏ ⵏ ⵓⵎⵓⵙⵙⵓ (ⵃⴰⵔⴰⴽⴰ) ⵏ ⵢⵉⵙⴽⵓⵜⵉⵢⴻⵏ ⵉⴷⵣⴰⵢⵔⵉⵢⴻⵏ ⴷⴻⴳ ⵜⴰⵍⵍⵉⵜ-ⵏⵏⵉ.
ⵎⴰⵙⵙ ⵙⴰⵉⴷⵉ, ⵢⴻⵍⵍⴰⵏ ⴷ ⴰⴽⴰⵜⴰⵔ (ⵉⵟⴰⵔ) ⴷⴻⴳ ⵢⵉⵙⴽⵓⵜⵉⵢⴻⵏ ⵏ ⵜⵍⴻⵎⵙⴰⵏ, ⵢⴻⵙⵎⴻⴽⵜⵉ-ⴷ ⴷⴰⵖ ⴰⵎⵢⴰⴳⴻⵔ ⵏ 1944 ⴷⴻⴳ ⵓⴳⵏⵉ ⵏ ⵍⴰⵍⵍⴰ ⵙⴻⵜⵜⵉ, ⵏⵏⵉⴳ ⵜⴻⵎⴷⵉⵏⵜ ⵏ ⵜⵍⴻⵎⵙⴰⵏ, ⴰⵏⴷⴰ ⴰⵢ ⴷ-ⵎⵙⴻⴳⵔⴰⵡⴻⵏ ⵢⵉⵖⴼⴰⵡⴻⵏ ⵏ ⵜⴻⴳⵔⴰⵡⵉⵏ ⵜⵉⵙⴽⵓⵜⵉⵢⵉⵏ ⵏ ⵜⵎⵓⵔⵜ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⴽⵓⴷ ⴰⵢⴷⴻⴳ ⵢⴻⵙⵙⴻⵔⴼⴰ ⵡⴰⵢⴰ ⵜⴰⴷⴱⴻⵍⵜ ⵜⴰⴼⵕⴻⵏⵙⵉⵙⵜ.
ⴷⴻⴳ ⵓⵎⵢⴰⴳⴻⵔ-ⵏⵏⵉ ⵃⴻⴷⵕⴻⵏ ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⵉⵙⴻⵔⵜⵉⵢⴻⵏ ⵉⴷⵣⴰⵢⵔⵉⵢⴻⵏ ⴰⵎ ⴼⴻⵔⵀⴰⵜ ⴰⴱⴱⴰⵙ ⴷ ⴽⵔⴰ ⵏ ⵢⵉⵎⴰⵙⵍⴰⴹⴻⵏ (ⴰⵄⴹⴰ’) ⵏ ⵜⵉⴷⴷⵓⴽⵍⴰ ⵏ ⵢⵉⵎⴰⵙⵙⴰⵏⴻⵏ ⵉⵏⵙⴻⵍⵎⴻⵏ ⵉⴷⵣⴰⵢⵔⵉⵢⴻⵏ ⴳⴰⵔ-ⴰⵙⴻⵏ ⴻⵍ ⴱⴰⵛⵀⵉⵔ ⴻⵍ ⵉⴱⵔⴰⵀⵉⵎⵉ ⴷ ⵍⴰⵔⴱⵉ ⵜⴻⴱⴻⵙⵙⵉ, ⴷ ⴽⵔⴰ ⵏ ⵢⵉⵏⴻⴱⴳⵉⵡⴻⵏ ⵉⵙⴻⵔⵜⵉⵢⴻⵏ ⴷ ⵢⵉⴷⴻⵍⵙⴰⵏⴻⵏ ⵏⵉⴹⴻⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵃⴷⴻⵕ ⵓⵍⴰ ⴷ ⵢⵉⵡⴻⵜ ⵏ ⵜⵎⴰⴳⵍⴰ (ⵡⴰⴼⴷ) ⵜⴰⴼⵕⴻⵏⵙⵉⵙⵜ ⵓⵎⵉ ⵜⴻⵄⵊⴻⴱ ⵜⴻⵎⵍⵉⵍⵉⵜ-ⵏⵏⵉ ⵉⵎⵉ ⴰⵢ ⵜⵜ-ⵙⵙⵓⴷⴷⵙⴻⵏ ⵢⵉⵙⴽⵓⵜⵉⵢⴻⵏ ⵎⵍⵉⵃ, ⵢⴰⵍ ⵢⵉⵡⴻⵏ ⵉⵇⵓⴷⴻⵔ ⵛⵛⵖⴻⵍ-ⵏⵏⴻⵙ ⴻⵢⵔⵏⴰ ⵅⴻⴷⵎⴻⵏ ⵙⴻⴳ ⵡⵓⵍ, ⵓⵍⴰ ⵎⴰ ⵉⵅⵓⵚⵚ ⵜⵜⴰⵡⵉⵍ ⵉⵎⵉⵔ-ⵏⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⴰⵉⴷⵉ.
