Asebter amenzawi

Aqebṭan n uɣerrabu ay yebbin tinelli n Internet deg ccṛeɛ

ƐENNABA – Iɛedda deg ccṛeɛ, ass n ttlata deg Ɛennaba, uqebṭan n uɣerabu-nni apanami, Paovasa-Ace, ay yebbin deg tgara n Tubeṛ yezrin, agatu-nni (kabil) n Internet. Aqebṭan-a isem-nnes D. Cheng Leng yerna d Acinwat, ɣef wakken ay aɣ-d-tenna yiwet n teɣbalut n ccṛeɛ.

Iɛedda uqebṭan-nni sdat yimwekkel n tegduda deg uxxam n ccṛeɛ n Ɛennaba imi ay d-teccetka tkebbanit n Algerie Telecom ɣef tubbya n ugatu-nni n Internet ay d-yeglan s ccwal d ameqran deg Internet deg tumurt n Lezzayer, am wakken ay yessexṣer waya idrimen d imeqranen i tkebbanit-a n usawal, ɣef wakken ay d-tenna teɣbalut-a (maṣdar).

Deffir ma yesla yimwekkel i uqebṭan n uɣerrabu, yefka akaram (milaf) n temsalt-a i lqaḍi n uḥtac ay ikemmlen yeḥtec deg temsalt-a ass n ttlata tameddit.

I usmekti, aɣerrabu n Paovasa-Ace yeḥbes deg yiwet n tama yettwagedlen (mamnuɛa) akken ad ḥebsen deg-s yiɣerruba, dɣa yesseɣres s tgersa-nnes agatu n SMWE4 (Marseille-Ɛennaba) deg umkan-a ay ibeɛden 13 n yikilumitren ɣef teftist n Sidi Salem.

ɣef waya ay yebbi Internet qrib akk deg tmurt n Lezzayer, yerna teqqim tegnit-a 6 n wussan, yerna yegla-d waya s lexṣara n 100 n yimelyunen n yidinaṛen deg wass i Algerie Telecom.