Asebter amenzawi

Agraw n Tfidiṛalit n Tcirt n Uḍar deg Sidi Musa

LEZZAYER TAMANEɣT – Ad teg Tfidiṛalit Tadzayrit n Tcirt n Uḍar ass n 25 Nwembeṛ ay d-yetteddun, ɣef 10s30 n tṣebḥit, agraw afeɣnami (ɣayr ɛadi) deg Wammas Atekni n Sidi Musa (Lezzayer Tamaneɣt) ɣef leḥsab n yiwet n tebṛat ay d-yuzen i lmend n waya i wid ad yettekkin deg ugraw-a.

Ulac akk kra n ttfaṣil deg wayen yerzan ahil n temlilit-a ad d-yilin kra n wayyuren uqbel ugraw anuman (ɛadi) n tfidiṛalit taɣelnawt ay yennummen tetteg agraw-nnes deg Meɣres n yal aseggas.

Tafidiṛalit n Tcirt n Uḍar yellan ddaw tselwit n Mohamed Raouraoua tuɣal, deg yiseggasen-a ineggura, tesɛa idrimen akken ad tesseddu lecɣal-nnes, yerna tanarit-nnes (maktab) tafidiṛalit tenna-d deg Tubeṛ n 2015 d akken tuɣal ur teḥwaǧ ara lemɛawna taseggasant n 35 n yimelyunen n yidinaṛen ay as-d-yettakf uwanak (dawla).