ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⴻⴷⴷⵓ ⵏ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵢⵉⵅⴻⴷⴷⵉⵎⴻⵏ ⵏ ⵓⴱⵔⵉⴷ ⴷⴻⴳ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵔⵥⴻⵎ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ) ⵜⵉⵙ 13 ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵇⵚⴻⵔ ⵏ ⵜⵣⵉⴽⴽⵏⵉⵏ (ⴷⴻⴳ ⵓⵣⵓⵎⴱⵉ ⵏ ⵢⵉⵍⴻⵍ, ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⵙ ⵓⵜⵜⴻⴽⴽⵉ ⵏ 360 ⵏ ⵢⵉⵎⵣⵉⴽⴽⵏⴻⵏ, ⴳⴰⵔ-ⴰⵙⴻⵏ 167 ⵏ ⵜⴽⴻⴱⴱⴰⵏⵉⵢⵉⵏ ⵙⴻⴳ 12 ⵏ ⵜⵎⵓⵔⴰ ⵢⴻⵔⵏⴰ ⴷ ⵟⵟⴰⵍⵢⴰⵏ ⴰⵢ ⴷ ⵜⵉⵏⴻⴱⴳⵉⵜ ⵏ ⵢⵉⵙⴻⵖ ⵏ ⵓⵙⴻⴳⴳⴰⵙ-ⴰ.

ⵜⴻⵜⵜⵡⴰⵔⵥⴻⵎ ⵜⵎⴻⵙⵔⵉⵜ-ⴰ ⵙ ⵓⵃⴷⴰⵕ ⵏ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⴷ ⵢⵉⵏⴻⵖⵍⴰⴼⴻⵏ ⵏⵉⴹⴻⵏ ⵏ ⵓⵏⴰⴱⴰⴹ (ⵃⵓⴽⵓⵎⴰ), ⵖⴻⵔ ⵢⵉⴷⵉⵙ ⵏ ⵓⵏⴻⵖⵍⴰⴼ ⴰⵟⴰⵍⵢⴰⵏⵉ ⵏ ⵜⴷⵓⵎⵚⵓⴽⵉⵡⵉⵏ ⴷ ⵓⵎⴻⵙⵏⵉ (ⵏⴰⵇⵍ), ⴳⵔⴰⵣⵉⴰⵏⵧ ⴷⴻⵍⵔⵉⵧ.

ⵜⵉⵎⵓⵔⴰ ⵜⵉⴱⴻⵕⵕⴰⵏⵉⵢⵉⵏ ⴰⵢ ⵢⴻⵜⵜⴻⴽⴽⴰⵏ ⵏⵉⵜⴻⵏⵜⵉ ⴷ ⵍⴰⵍⵎⴰⵏ, ⴱⵉⵍⵊⵉⴽ, ⵛⵛⵉⵏⵡⴰ, ⵙⵒⴻⵏⵢⵓⵍ, ⴼⵕⴰⵏⵙⴰ, ⵎⴰⵊⴰⵕ, ⵉⵏⴷⵓⵏⵉⵙⵢⴰ, ⵟⵟⴰⵍⵢⴰⵏ, ⵒⵓⵕⵜⵓⴳⴰⵍ, ⵕⵓⵎⴰⵏⵢⴰ, ⵜⵓⵏⴻⵙ ⴷ ⵟⵟⴻⵔⴽ.

ⵜⴻⵍⵍⴰ-ⴷ ⵜⵎⴻⵙⵔⵉⵜ-ⴰ ⵙ ⵓⵙⴻⵏⵜⴻⵍ (ⵎⵉⵃⵡⴰⵔ) ⵏ « ⵜⴷⵓⵎⵚⵓⴽⵉⵡⵉⵏ ⵏ ⵍⵍⵙⴰⵙ, ⴷ ⴰⴱⵔⵉⴷ ⵉ ⵓⵙⵏⴻⴼⵍⵉ ⴰⴷⴰⵎⵙⴰⵏ: ⴰⴷ ⵏⴻⴱⵏⵓⵜ ⵢⴻⵔⵏⴰ ⴰⴷ ⵏⵃⴻⵔⵣⴻⵜ ».

ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⵓⵛⵔⵉⴽ ⴷ ⵓⵏⴻⵖⵍⴰⴼ-ⵏⵏⵉ ⴰⵟⴰⵍⵢⴰⵏⵉ, ⵢⴻⵏⵏⴰ-ⴷ ⵎⴰⵙⵙ ⵧⵓⴰⵍⵉ ⴷ ⴰⴽⴽⴻⵏ « ⵢⵓⵎⴰⵔ » (ⵢⴻⴼⵕⴻⵃ) ⵙ ⵓⵜⵜⴻⴽⴽⵉ ⴰⵎⴻⵇⵔⴰⵏ ⴰⵢ ⴷ-ⵢⴻⵍⵍⴰⵏ ⴰⵎⴰ ⵙⵖⵓⵔ ⵜⴽⴻⴱⴱⴰⵏⵉⵢⵉⵏ ⵜⵉⵖⴻⵍⵏⴰⵡⵉⵏ, ⴰⵎⴰ ⵙⵖⵓⵔ ⵜⵉⴷ ⵏ ⵜⵎⵓⵔⴰ ⵜⵉⴱⴻⵕⵕⴰⵏⵉⵢⵉⵏ, ⵢⴻⵔⵏⴰ ⵜⴻⵜⵜⵖⵉⵎⵉ-ⴷ ⵟⵟⴰⵍⵢⴰⵏ ⴷ ⵜⴰⵛⵔⵉⴽⵜ ⵜⴰⵙⵓⴷⴷⵙⴰⵏⵜ (ⵉⵙⵜⵔⴰⵜⵉⴵⵉⵢⵢⴰ) ⵉ ⵍⴻⵣⵣⴰⵢⴻⵔ ⴷⴻⴳ ⵓⵏⵔⴰⵔ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ.