ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⵉⴼⵙⴻⵙ ⴷⴻⴳ ⵍⴻⵖⵔⴰⵎⴰ ⵉ ⵜⵏⴻⴳⴳⵉⵡⵉⵏ ⵏ ⵓⵚⴰⴼⴻⵔ

ⵇⵙⴻⵏⵟⵉⵏⴰ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷ ⵜⵎⴻⵔⵔⵉⵜ, ⴰⵎⴰⵔ ⴳⵀⵧⵓⵍ, ⴷ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵙⵉⴼⵙⴻⵙ ⴷⴻⴳ ⵓⵏⵔⴰⵔ ⵏ ⵍⴻⵖⵔⴰⵎⴰ ⵙⴻⴳ 2016 ⴷ ⴰⵙⴰⵡⴻⵏ ⵉ ⵍⴼⴰⵢⴷⴰ ⵏ ⵜⵏⴻⴳⴳⵉⵡⵉⵏ ⵏ ⵓⵙⵙⵉⴽⴻⵍ (ⵡⴰⴽⴰⵍⴰⵜ ⴰⵍ-ⴰⵙⴼⴰⵔ) ⵉⵎⵉ ⴰⵢ ⵢⴻⴱⵖⴰ ⵓⵡⴰⵏⴰⴽ (ⴷⴰⵡⵍⴰ) ⴰⴷ ⵢⴻⴳ ⵉⴼⴰⴷⴷⴻⵏ ⵉ ⵜⵎⴻⵔⵔⵉⵜ ⵏ ⴷⴰⵅⴻⵍ ⵜⵎⵓⵔⵜ.

ⴰⵏⴻⵖⵍⴰⴼ ⴰⵢ ⵢⴻⵔⵣⴰⵏ ⵖⴻⴼ ⵍⴻⵇⵚⴻⵔ ⵏ ⵢⵉⴷⵍⴻⵙ ⵏ ⵎⵧⵀⴰⵎⴻⴷ-ⵍⴰⵉⴷ ⴰⵍ ⴽⵀⴰⵍⵉⴼⴰ, ⵖⴻⵔ ⵢⵉⴷⵉⵙ ⵏ ⵜⵏⴻⵖⵍⴰⴼⵜ ⵜⴰⵏⴻⵙⵎⵉⴳⴰⵍⵜ (ⵎⴰⵏⴷⵓⴱⴰ) ⴷ-ⵢⴻⵍⵀⴰⵏ ⵙ ⵜⴻⵏⴹⵉ (ⵚⵉⵏⴰⵄⴰ ⵜⴰⵇⵍⵉⴷⵉⵢⵢⴰ), ⴰⵉⵛⵀⴰ ⵜⴰⴳⴰⴱⵧⵓ, ⵢⴻⵥⵔⴰ-ⴷ ⴷⵉⵏ ⵢⵉⵡⴻⵜ ⵏ ⵜⵣⵉⴽⴽⴻⵏⵜ ⵏ ⵜⴻⵏⴹⵉ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⴷⴷⵓⵕⵜ ⵏ ⵜⵜⴻⵊⵕⵉⴱⴰ ⴷⴻⴳ ⵚⵚⴻⵏⵄⴰ ⵏ ⵜⴻⵎⵏⴰⴹⵜ-ⴰ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵜⵏⴻⴳⴳⵉⵡⵉⵏ ⵏ ⵓⵙⵙⵉⴽⴻⵍ ⴷⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ ⴰⴽⴽⴻⵏ ⴰⴷ ⴳⴻⵏⵜ ⵍⴻⵄⵇⵓⴷⴰⵜ ⴳⴰⵔ-ⴰⵙⴻⵏⵜ ⴰⴽⴽⴻⵏ ⴰⴷ ⴷ-ⵙⵏⴻⵇⵙⴻⵏⵜ ⵙⵙⵓⵎⴰⵜ ⵉ ⵓⵃⴻⵡⵡⴻⵙ ⵏ ⵜⵡⴰⵛⵓⵍⵉⵏ ⵜⵉⵥⴰⵡⴰⵍⵉⵢⵉⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵡⴻⵚⵚⴰ ⵎⴰⵙⵙ ⴳⵀⵧⵓⵍ ⵉⵎⴹⴻⴱⴱⵔⴻⵏ ⵏ ⵜⵎⴻⵔⵔⵉⵜ ⴷⴻⴳ ⵜⴻⵎⵏⴰⴹⵜ-ⴰ ⴰⴽⴽⴻⵏ ⴰⴷ ⵄⴻⵔⴹⴻⵏ ⴰⴷ ⴰⵡⴹⴻⵏ ⵖⴻⵔ ⵓⵙⵡⵉⵔ ⵏ « ⵜⵖⴰⵔⴰ (ⵏⴰⵡⵄⵉⵢⵢⴰ), ⵢⴻⵔⵏⴰ ⴰⴷ ⵙⵙⵉⵍⵖⴻⵏ ⵉⵅⴻⴷⴷⴰⵎⴻⵏ ⵉ ⵍⵎⴻⵏⴷ ⵏ ⵓⵙⵙⴻⴷⴷⵓ ⵢⴻⵍⵀⴰⵏ ⵏ ⵢⵉⵎⵓⴽⴰⵏ ⵏ ⵜⵎⴻⵔⵔⵉⵜ, ⵍⴰⴷⵖⴰ ⵉⵙⴻⵏⵙⴰ ».

ⴷⵖⴰ ⵢⴻⵙⵙⵓⵜⴻⵔ, ⴷⴻⴳ ⵜⴻⵎⵙⴰⵍⵜ-ⴰ, ⵙⴻⴳ ⵢⵉⵎⴹⴻⴱⴱⵔⴻⵏ ⵏ ⵢⵉⵙⴻⵏⵙⴰ ⴰⴷ ⴷ-ⴰⴳⵎⴻⵏ ⵙⴻⴳ ⵜⵜⴻⵊⵕⵉⴱⴰ ⵏ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ-ⴰ ⵍⴻⵣⵣⴰⵢⴻⵔ, ⴷⵖⴰ ⴷ ⴰⵢⴰ ⴰⴷ ⵢⴻⴵⴵⴻⵏ, ⵖⴻⴼ ⵍⴻⵃⵙⴰⴱ-ⵏⵏⴻⵙ, « ⴰⴷ ⵜⵜⵡⴰⵙⵙⴻⵖⵜⵓⵏⵜ (ⴰⴷ ⵜⵜⵡⴰⵚⴻⵃⵃⴻⵏⵜ) ⴽⵔⴰ ⵏ ⵜⵓⵛⵛⴹⵉⵡⵉⵏ ».

ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴷ ⴰⴽⴽⴻⵏ ⵇⵙⴻⵏⵟⵉⵏⴰ ⵜⴻⴷⴷⴰ ⵖⴻⵔ ⵙⴷⴰⵜ, ⴷⴻⴳ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⴱⵏⵉ ⴷ ⵓⵙⵙⴻⵍⵀⵓ ⵏ ⵜⵖⴰⵔⴰ ⵏ ⵢⵉⵙⴻⵏⵙⴰ, ⵢⴻⵔⵏⴰ ⵜⵜⵡⴰⴱⵏⴰⵏ ⴰⵟⴰⵙ ⵏ ⵢⵉⵎⵓⴽⴰⵏ ⵏ ⵜⵎⴻⵔⵔⵉⵜ ⴷⴻⴳ ⵓⴽⴰⵜⴰⵔ ⵏ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⴰⵖⴻⵍⵏⴰⵡ ⵏ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵜⵎⴻⵔⵔⵉⵜ.

ⴷⴻⴳ ⵜⵓⵣⵣⵢⴰ-ⵏⵏⴻⵙ ⵖⴻⴼ ⵇⵙⴻⵏⵟⵉⵏⴰ ⵖⴻⵔ ⵢⵉⴷⵉⵙ ⵏ ⵎⴰⵙⵙⴰ ⵜⴰⴳⴰⴱⵧⵓ ⴷ ⵢⵉⴷⵓⴱⴰ ⵉⴷⵉⴳⴰⵏⴻⵏ (ⵙⵓⵍⵓⵟⴰⵜ ⵎⴰⵃⴰⵍⵍⵉⵢⵢⴰ), ⵢⴻⵙⵙⴻⴼⵇⴻⴷ ⵎⴰⵙⵙ ⴳⵀⵧⵓⵍ ⵉⵙⴻⵏⴼⴰⵔⴻⵏ ⵏ ⵢⵉⵙⴻⵏⵙⴰ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⵏⴻⵖ ⵍⴰ ⵢⴻⵜⵜⵡⴰⵚⴻⴳⴳⴰⵎⴻⵏ ⴷⴻⴳ ⵜⵡⵉⵍⴰⵢⵜ ⵏ ⵇⵙⴻⵏⵟⵉⵏⴰ, ⴷⵖⴰ ⵢⴻⵔⵣⴰ ⵖⴻⴼ ⵍⴻⵅⵔⵓⴱ ⴰⵏⴷⴰ ⴰⵢ ⵢⴻⴷⵍⴰ ⵖⴻⴼ ⵓⵙⴻⵏⵙⵓ ⵏ ⵙⴽⴻⵏⴷⴻⵕ, ⴰⵢ ⵢⴻⵙⵄⴰⵏ 104 ⵏ ⵜⴻⵅⵅⴰⵎⵉⵏ ⵢⴻⵔⵏⴰ ⵜⴻⴱⵏⴰ-ⵜ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵜⵓⵙⵍⵉⴳⵜ. ⴰⵙⴻⵏⵙⵓ-ⴰ ⴰⴷ ⴷ-ⵢⴻⵡⵊⴻⴷ ⴷⴻⴳ ⴷⵓⵊⴻⵎⴱⴻⵕ ⵏ 2016. ⵢⴻⵔⵣⴰ ⵓⵏⴻⵖⵍⴰⴼ, ⵙⴰⴽⴽⵉⵏ, ⵖⴻⴼ ⵓⵙⴻⵏⵙⵓ ⵏ ⴻⵍ ⴱⴻⵢ ⵢⴻⵙⵄⴰⵏ 60 ⵏ ⵜⴻⵅⵅⴰⵎⵉⵏ, ⴷ ⴰⵙⴻⵏⵙⵓ ⴰⵢ ⵉⴼⵓⴽⴻⵏ ⵢⴻⵔⵏⴰ ⴰⴷ ⵢⴻⵔⵥⴻⵎ ⴷⴻⴳ ⵜⴳⴰⵔⴰ ⵏ ⵡⴰⵢⵢⵓⵔ-ⴰ.