ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⵓⵖⴰⵍ-ⴷ ⵓⵔⵓⴳⴱⵢ ⵖⴻⵔ ⵍⴻⵣⵣⴰⵢⴻⵔ ⴷⴻⴼⴼⵉⵔ 43 ⵏ ⵢⵉⵙⴻⴳⴳⴰⵙⴻⵏ ⵏ ⵓⵃⴱⴰⵙ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙⴻⴳ 1972 ⴰⵢ ⵉⵖⴰⴱ ⵡⴰⴷⴷⴰⵍ ⵏ ⵓⵔⵓⴳⴱⵢ ⵙⴻⴳ ⵍⴻⵣⵣⴰⵢⴻⵔ, ⵎⴰⵛⴰ ⴰⵙⴻⴳⴳⴰⵙ-ⴰ ⵢⵓⵖⴰⵍ-ⴷ ⵙ ⵜⵍⴰⵍⵉⵜ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵔⵓⴳⴱⵢ ⴰⵢⵢⴻⵙ ⵜⴻⵙⵜⴻⵄⵕⴻⴱ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵡⵧⵔⵍⴷ ⵔⵓⴳⴱⵢ ⴰⵢ ⴷ-ⵢⴻⵍⵀⴰⵏ ⵙ ⵓⵔⵓⴳⴱⵢ ⵏ 15 ⴷ ⵡⵉⵏ ⵏ 7 ⵏ ⵢⵉⵎⴰⵔⵉⵔⴻⵏ.
ⴰⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⵢⴻⵙⵜⴻⵄⵕⴻⴼ ⵢⴰⴳⵉ ⵙ ⵜⵉⴷⴷⵓⴽⵍⴰ ⵜⴰⵖⴻⵍⵏⴰⵡⵜ ⵏ ⵓⵔⵓⴳⴱⵢ ⴰⴷⵣⴰⵢⵔⵉ, ⴷ ⵜⵉⴷⴷⵓⴽⵍⴰ ⵢⴻⵍⵍⴰⵏ ⴷⴷⴰⵡ ⵜⵙⴻⵍⵡⵉⵜ ⵏ ⵙⵧⴼⵉⴰⵏⴻ ⴱⴻⵏⵀⴰⵙⵙⴻⵏ ⴰⵢ ⴷ-ⵢⴻⵙⵏⵓⵍⴼⴰⵏ ⵜⴰⵖⵍⴰⵎⵜ ⵜⴰⵎⴻⵣⵡⴰⵔⵓⵜ ⴷⴻⴳ 2008 ⴷⴻⴳ ⵓⵙⴰⵔⵉⵔ (ⵎⴰⵍⵄⴰⴱ) ⴰⵡⴻⵀⵕⴰⵏⵉ, ⴰⵎ ⵡⴰⴽⴽⴻⵏ ⴰⵢ ⵢⴻⵇⴱⴻⵍ ⴰⵙⵙⴻⴱⴷⴻⴷ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵔⵓⴳⴱⵢ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⵙⵧⴼⵉⴰⵏⴻ ⴱⴻⵏⵀⴰⵙⵙⴻⵏ ⴰⵢ ⵢⴻⵜⵜⵡⴰⴼⴻⵔⵏⴻⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵔⵏⴰ ⵙ ⵡⴰⴽⴽ ⵜⵓⵖⴰⵛ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⴳⵔⴰⵡ ⵏ ⵓⵙⵏⵓⵍⴼⵓ, ⴰⴽⴽⴻⵏ ⴰⴷ ⵢⵉⵍⵉ ⴷ ⴰⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ-ⴰ.
« ⵏⴻⵎⵙⴻⴼⵀⴰⵎ ⴷ ⵓⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⴰⴽⴽⴻⵏ ⴰⴷ ⵏⴻⵎⵎⴻⵕⴽⵉ ⵍⴻⵣⵣⴰⵢⴻⵔ ⵖⴻⵔ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ (ⵜⴰⵚⴼⵉⵢⴰⵜ) ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ ⵓⵔⵓⴳⴱⵢ ⵏ 2019 ⴷⴻⴳ ⵊⴰⵒⵓⵏ, ⵡⴰⵔ ⵎⴰ ⵏⴻⵜⵜⵓ ⵜⴰⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵣⵣⵧⵓⵣ ⴰⵉⴱ, ⴰⵎⴰⵙⵍⴰⴹ (ⵄⵓⴹⵡ) ⵙⴻⴳ ⵜⴼⵉⴷⵉⵕⴰⵍⵉⵜ ⵢⴻⵔⵏⴰ ⴷ ⴰⵎⴰⵔⵉⵔ ⴰⵇⴱⵓⵔ ⵏ ⵓⵔⵓⴳⴱⵢ.
ⴰⵟⴰⵙ ⵏ ⵛⵛⵖⴻⵍ ⴰⵢ ⴰⵖ-ⵢⴻⴳⴳⵓⵏⵉⵏ, ⵎⴰⵛⴰ ⵙ ⵜⵍⴰⵍⵉⵜ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵔⵓⴳⴱⵢ, ⴰⴷ ⴰⵖ-ⴷ-ⵉⵚⴰⵃ ⴰⴷ ⴷ-ⵏⵖⴻⵔ ⵉ ⵢⵉⵎⴰⵔⵉⵔⴻⵏ-ⵏⵏⴻⵖ ⴰⵢ ⵍⴰ ⵢⴻⵜⵜⵓⵔⴰⵔⴻⵏ ⴷⴻⴳ ⴼⵕⴰⵏⵙⴰ ⴰⴽⴽⴻⵏ ⴰⴷ ⴷ-ⵏⴻⴱⵏⵓ ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⵢⴻⵙⵄⴰⵏ ⴰⵙⵡⵉⵔ ⴷ ⵓⵏⵏⵉⴳ. ⴰⵢⴰ ⴷ ⵛⵛⵖⴻⵍ ⴰⵎⴻⵇⵔⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵉⴱ ⵙ ⵜⵓⵎⴻⵔⵜ (ⵍⴼⴻⵕⵃ) ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
