ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵎⴻⵏⵖⵉ ⵎⴳⴰⵍ ⴷⴰⵄⴻⵛ ⵢⴻⵏⵏⴻⵔⵏⴰ ⵙ ⵜⴷⵓⴽⵍⵉ ⵏ ⵢⵉⵖⴰⵍⵍⴻⵏ ⵉⴼⵕⴻⵏⵙⵉⵙⴻⵏ ⴷ ⵢⵉⵔⵓⵙⵉⵢⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵓⵎⵎⵖⴰ ⵖⴻⴼ ⵜⵓⴷⴷⵙⴰ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ ⴰⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ) ⴷⴻⴳ ⵙⵓⵔⵢⴰ ⵜⴻⵔⵏⵏⴻⵔⵏⴰ ⴷⴻⴼⴼⵉⵔ ⵜⵅⴰⵣⵣⴰⴱⵉⵢⵉⵏ-ⵏⵏⵉ ⵜⵉⵔⴻⴱⵔⴰⴱⵉⵏ ⴰⵢ ⵉⵃⵓⵣⴰⵏ ⵒⴰⵔⵉⵙ, ⵉⵎⵉ ⴼⵕⴰⵏⵙⴰ ⵜⴻⴱⴷⴰ ⵜⴻⵜⵜⴻⵎⵄⴰⵡⴰⵏ ⴷ ⵔⵓⵙⵢⴰ ⵉ ⵍⵎⴻⵏⴷ ⵏ ⵜⵢⵉⵜⴰ ⵏ ⵜⴻⴳⵔⴰⵡⵜ-ⴰ ⵜⴰⵎⴻⴹⴹⴰⵔⴼⵓⵜ ⴰⵢ ⵢⴻⴹⴹⴼⴻⵏ ⴰⵟⴰⵙ ⵏ ⵢⵉⵎⵓⴽⴰⵏ ⴷⴻⴳ ⵜⴻⵎⵏⴰⴹⵉⵏ ⴰⵢⴷⴻⴳ ⵢⴻⵍⵍⴰ ⵢⵉⵎⴻⵏⵖⵉ.

ⴰⵟⴰⵙ ⵙⴻⴳ ⵢⵉⴷⵎⴰⵔⴻⵏ ⴰⵢⴷⴻⴳ ⵍⵍⴰⵏ ⵢⵉⵔⴻⴱⵔⴰⴱⴻⵏ-ⴰ ⴰⵢ ⵉⵣⴻⵎⵔⴻⵏ ⴰⴷ ⵜⵜⴻⵡⵜⴻⵏ ⴷⴻⴳ ⵜⴷⵓⴽⵍⵉ-ⴰ ⵜⴰⵎⴰⵢⵏⵓⵜ ⵏ ⵢⵉⵖⴰⵍⵍⴻⵏ ⴰⵢⴷⴻⴳ ⵜⵜⴻⴽⴽⴰⵏ ⵓⵍⴰ ⴷ ⵉⵔⵓⵙⵉⵢⴻⵏ, ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵜⵓⵎⵎⵖⴰ ⵎⴳⴰⵍ ⵢⵉⵔⴻⴱⵔⴰⴱⴻⵏ ⵏ ⵓⵡⴰⵏⴰⴽ ⵉⵙⵍⴰⵎⴰⵏ ⴰⴷ ⵜⵖⵉⵡⴻⵍ, ⴷ ⴰⵛⵓ ⴽⴰⵏ, ⵏⵏⴰⵏ-ⴷ ⴽⵔⴰ ⵏ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⴷ ⴰⴽⴽⴻⵏ ⵎⴰⵛⵉ ⴷ ⴰⵢⴰ ⴰⴷ ⵢⴻⵙⵙⵉⵡⴹⴻⵏ ⵖⴻⵔ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴷⴻⴳ ⵙⵓⵔⵢⴰ.

ⵓⵍⴰ ⵎⴰ ⴼⵕⴰⵏⵙⴰ ⵎⴰⵣⴰⵍ ⵜⴽⵓⴽⵔⴰ ⵙⴻⴳ ⵓⵜⵜⴻⴽⴽⵉ ⵏ ⵔⵓⵙⵢⴰ ⴷⴻⴳ ⵢⵉⵎⴻⵏⵖⵉ ⴷⴻⴳ ⵙⵓⵔⵢⴰ, ⵜⴻⵙⵙⵓⵜⴻⵔ ⵙⴻⴳ ⵎⵓⵙⴽⵓ ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⵎⵄⴰⵡⴻⵏ ⴰⴳⵔⴰⵖⵍⴰⵏ ⴷ ⴰⵎⴻⵇⵔⴰⵏ ⵉ ⵢⵉⵎⴻⵏⵖⵉ ⵎⴳⴰⵍ ⵓⵡⴰⵏⴰⴽ ⵉⵙⵍⴰⵎⴰⵏ 4 ⴽⴰⵏ ⵏ ⵡⵓⵙⵙⴰⵏ ⴷⴻⴼⴼⵉⵔ ⵎⴰ ⵍⵍⴰⵏⵜ-ⴷ ⵜⵅⴰⵣⵣⴰⴱⵉⵢⵉⵏ ⵏ ⵒⴰⵔⵉⵙ ⴰⵢ ⵢⴻⴳⵍⴰⵏ ⵙ 129 ⵏ ⵜⵎⴻⴷⴷⵓⵔⵉⵏ ⴷ ⵡⵓⴳⴰⵔ ⵏ 300 ⵏ ⵢⵉⵎⴻⵊⵔⴰⵃ.

ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵔⵓⵙⵢⴰ ⴰⴷ ⴷ-ⵜⵅⴻⴱⴱⴻⵔ ⴷⵉⵏⴷⵉⵏ ⴽⴰⵏ ⴷ ⴰⴽⴽⴻⵏ ⴰⴷ ⴷ-ⵢⵉⵍⵉ « ⵓⵎⵄⴰⵡⴻⵏ ⴷ ⵓⵇⵔⵉⴱ ⵓⴳⴰⵔ » ⴳⴰⵔ ⵢⵉⵙⴻⵔⴷⴰⵙⴻⵏ ⴷ ⵢⵉⵎⴻⵥⵍⴰ ⵏ ⵡⵓⵎⴻⵍ (ⵎⴰⵚⴰⵍⵉⵃ ⵉⵙⵜⵉⵅⴱⴰⵔⴰⵜⵉⵢⵢⴰ) ⵏ ⵙⵏⴰⵜ-ⴰ ⵏ ⵜⵎⵓⵔⴰ

ⵙⴻⴳ ⵡⴰⵙⵎⵉ ⴰⵢ ⵜⴻⴱⴷⴰ ⵔⵓⵙⵢⴰ ⴰⵜⵜⴻⴽⴽⵉ-ⵏⵏⴻⵙ, ⵏⴻⵜⵜⴰⵜ ⵜⴻⴽⴽⴰⵜ ⵜⵉⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⴷⴻⴳ ⵙⵓⵔⵢⴰ, ⵢⴻⵔⵏⴰ ⵜⴻⵜⵜⵄⴰⵡⴰⵏ ⵉⵖⴰⵍⵍⴻⵏ ⵉⴳⴻⵏⵡⴰⵏⴻⵏ ⵉⵙⵓⵔⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵙⵙⴰⵡⴻⴹ ⵜⵜⴰⵡⵉⵍⴰⵜ ⵉⵙⴻⵔⴷⴰⵙⴰⵏⴻⵏ ⴷ ⵉⵎⴻⵇⵔⴰⵏⴻⵏ ⴰⵙⵙ ⵏ ⵜⵜⵍⴰⵜⴰ, ⴰⴽⴽⴻⵏ ⴰⴷ ⵜⴽⴻⵎⵎⴻⵍ ⵜⵉⵢⵉⵜⴰ ⵏ ⵓⵡⴰⵏⴰⴽ ⵉⵙⵍⴰⵎⴰⵏ, ⵍⴰⴷⵖⴰ ⵜⴰⵎⴰⵏⴻⵖⵜ ⵏ ⵜⴻⴳⵔⴰⵡⵜ-ⴰ ⵜⴰⵔⴻⴱⵔⴰⴱⵜ ⵢⴻⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵏ ⵔⴻⵇⵇⴰ (ⴰⴳⴰⴼⴰ-ⴰⴳⵎⵓⴹⴰⵏ ⵏ ⵙⵓⵔⵢⴰ), ⵢⴻⵔⵏⴰ ⵉⵔⵓⵙⵉⵢⴻⵏ ⵍⴰ ⵜⴻⵏ-ⴽⴽⴰⵜⴻⵏ ⵙ « ⵢⵉⵎⴻⵙⴱⴻⵔⵔⴰⵡⴻⵏ-ⵏⵙⴻⵏ ⵉⵙⵓⴷⴷⵙⴰⵏⴻⵏ ⴷ ⵜⵎⴻⵥⴷⵉⵢⵉⵏ-ⵏⵙⴻⵏ (ⵚⴰⵡⴰⵔⵉⵅ) ».

« ⵏⴻⵣⵎⴻⵔ ⴰⴷ ⴷ-ⵏⵉⵏⵉ ⴷ ⴰⴽⴽⴻⵏ ⵒⵓⵜⵉⵏ ⵢⴻⵙⵙⴰⵡⴻⴹ ⴰⴷ ⴷ-ⵢⵓⵖⴰⵍ ⵖⴻⵔ ⵓⵏⵔⴰⵔ ⴰⴳⵔⴰⵖⵍⴰⵏ ⴷⴻⴼⴼⵉⵔ ⵎⴰ ⵢⴻⵜⵜⵡⴰⵥⵥⴻⵄ ⵙⴻⴳ-ⵙ » ⴰⵙⵎⵉ ⴰⵢ ⴷ-ⵢⴻⵇⵇⴻⵏ ⴽⵔⵉⵎⵢⴰ ⵖⴻⵔ ⵔⵓⵙⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⵉⵛⵀⴻⵍ ⴳⵧⵢⴰ, ⴷ ⴰⵏⵎⴻⵣⵔⵓⵢ (ⵎⵓ’ⴰⵔⵉⵅ) ⴰⵙⴻⵔⴷⴰⵙⴰⵏ ⵢⴻⵔⵏⴰ ⴷ ⴰⵙⴻⵍⵎⴰⴷ ⴷⴻⴳ ⵓⵙⵓⴷⵓ ⵏ ⵜⴻⵣⵔⴰⵡⵉⵏ ⵜⵉⵙⴻⵔⵜⵉⵢⵉⵏ ⵏ ⵒⴰⵔⵉⵙ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵙⴰⴼⴰⴳⴻⵏ (ⵟⴰ’ⵉⵔⴰⵜ) ⵉⴼⵕⴻⵏⵙⵉⵙⴻⵏ, ⴰⵢ ⵍⴰ ⵢⴻⴽⴽⴰⵜⴻⵏ ⴷⴻⴳ ⵙⵓⵔⵢⴰ ⵙⴻⴳ ⵛⵜⴻⵎⴱⴻⵕ ⵢⴻⵣⵔⵉⵏ, ⵙⵙⵓⴳⴳⵜⴻⵏ ⵜⵉⵢⵉⵜⵉⵡⵉⵏ-ⵏⵙⴻⵏ ⵎⴳⴰⵍ ⵓⵡⴰⵏⴰⴽ ⵉⵙⵍⴰⵎⴰⵏ ⵙ « 3 ⵏ ⵜⴻⵏⵟⴰⴳⵉⵏ ⵜⵉⵎⴻⵇⵔⴰⵏⵉⵏ ⵏ ⵢⵉⵙⴰⴼⴰⴳⴻⵏ ⵏ ⵔⴰⴼⴰⵍⴻ ⴷ ⵎⵉⵔⴰⴳⴻ ⵖⴻⴼ ⵜⴻⵎⴷⵉⵏⵜ ⵏ ⵔⴰⵇⵇⴰ ⴷⴻⴳ 48 ⵏ ⵜⵙⴰⵄⵜⵉⵏ ».

ⵉⵙⵡⵉ ⵏⴻⵜⵜⴰ ⴷ ⵜⵉⵢⵉⵜⴰ ⵏ « ⴷⴰⵄⴻⵛ (ⴰⵡⴰⵏⴰⴽ ⵉⵙⵍⴰⵎⴰⵏ) ⵙ ⵜⵃⴻⵕⵛⵉ ⵎⴻⵖⵖⵔⴻⵏ ⵓⴳⴰⵔ ⵢⴻⵔⵏⴰ ⴷⴷⵓⴽⵍⵉ, ⴷ ⵓⵇⵔⴰⵃ ⵏ ⴷⴰⵄⴻⵛ ⵙ ⵜⵢⵉⵜⵉⵡⵉⵏ ⵜⵉⵇⴻⵙⵃⴰⵏⵉⵏ ⵓⴳⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ (ⵎⴰⵚⴷⴰⵔ) ⵜⴰⴷⵉⵒⵍⵓⵎⴰⵜⵉⵜ ⵜⴰⴼⵕⴻⵏⵙⵉⵙⵜ.