ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⵍⵉⵙⵍⴰⵎ ⵉⴳⴻⵔ-ⴷ ⵜⵉⵖⵔⵉ ⵉ ⵍⵅⴻⴹⴱⴰ ⵏ ⵍⵊⴰⵎⵓⵄⴰ ⵖⴻⴼ ⵜⴻⴷⵢⴰⵏⵉⵏ ⵏ ⵒⴰⵔⵉⵙ

ⵒⴰⵔⵉⵙ – ⵉⴳⴻⵔ-ⴷ ⵜⵉⵖⵔⵉ ⵓⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⴷⴷⵉⵏ ⵉⵏⴻⵙⵍⴻⵎ (ⵛⴼⵛⵎ) ⴷ ⵡⴰⵟⴰⵙ ⵏ ⵜⵓⴷⴷⵙⵉⵡⵉⵏ ⵜⵉⵏⵙⴻⵍⵎⵉⵏ ⵏⵉⴹⴻⵏ ⴰⵙⵙ ⵏ ⵍⴰⵕⴻⴱⵄⴰ ⵉ ⵡⴰⴽⴽ ⵜⵉⵎⴻⵙⴳⵉⴷⵉⵡⵉⵏ ⵏ ⴼⵕⴰⵏⵙⴰ ⴰⴽⴽⴻⵏ ⴰⴷ ⵜⵉⵍⵉ ⵍⵅⴻⴹⴱⴰ ⵏ ⵍⵊⴰⵎⵓⵄⴰ-ⴰ ⵉ ⵜⴻⴷⵢⴰⵏⵉⵏ « ⵢⴻⵙⵙⴻⵃⵣⴰⵏⴻⵏ » ⴰⵢ ⵉⵃⵓⵣⴰⵏ ⵉⴼⵕⴻⵏⵙⵉⵙⴻⵏ « ⵙ ⵜⴻⵍⵇⴻⵢ » ⴰⵙⵙ ⵏ ⵍⵊⴻⵎⵄⴰ ⵢⴻⵣⵔⵉⵏ ⴷⴻⴳ ⵒⴰⵔⵉⵙ.

ⴷⵖⴰ ⵢⴻⵏⵏⴰ-ⴷ ⵓⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⴷⴷⵉⵏ ⵉⵏⴻⵙⵍⴻⵎ, ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⴰⵢ ⵢⴻⵍⵍⴰ ⵢⴻⵜⵜⴻⴷⴷⵓ ⴰⴷ ⵜ-ⵢⴻⴼⵔⴻⵇ ⵉ 2500 ⵏ ⵜⵎⴻⵙⴳⵉⴷⵉⵡⵉⵏ ⴷⴻⴳ ⴼⵕⴰⵏⵙⴰ ⴷ ⴰⴽⴽⴻⵏ ⴰⴷ ⴷ-ⵖⵔⴻⵏ ⵍⴻⵛⵢⴰⵅ ⵏ ⵜⵎⴻⵙⴳⵉⴷⵉⵡⵉⵏ ⵢⵉⵡⴻⵏ ⵏ ⵓⴹⵔⵉⵙ (ⵏⴰⵚⵚ) ⴰⵢ ⴷ-ⵢⴻⴽⴽⴰⵜⴻⵏ, ⵡⴰⵔ ⵜⵓⵏⵏⴹⴰ ⵏ ⵡⴰⵡⴰⵍ ⵢⴻⵔⵏⴰ ⵜⴰⵄⵉⵏⴰⵏⵉⵜ, ⴷⴻⴳ ⵡⴰⴽⴽ ⵍⴻⵚⵏⴰⴼ ⵏ ⵜⴻⴽⵔⵉⴹⵜ (ⵄⵓⵏⴷ) ⴷ ⵔⵔⴻⴱⵔⴰⴱ ⴰⵙⵙ ⵏ ⵍⵊⴻⵎⵄⴰ-ⴰ.

« ⵙⴷⴰⵜ ⵜⵉⵡⵡⴻⵃⵛⵉⵜ ⵏ ⵜⵎⴻⵏⵖⵉⵡⵜ-ⵏⵏⵉ ⵜⴰⴷⴻⵔⵖⴰⵍⵜ ⴰⵢ ⴷ-ⵢⴻⵍⵍⴰⵏ » ⴰⵙⵙ ⵏ ⵍⵊⴻⵎⵄⴰ ⵢⴻⵣⵔⵉⵏ ⴷⴻⴳ ⵒⴰⵔⵉⵙ, ⴷ ⵡⵉⴷ ⴰⵢ ⵢⴻⴳⵍⴰⵏ, ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵜ (ⵃⴰⵚⵉⵍⴰ) ⵜⵓⵏⵚⵉⴱⵜ ⵙ 129 ⵏ ⵜⵎⴻⴷⴷⵓⵔⵉⵏ ⴷ 352 ⵏ ⵢⵉⵎⴻⵊⵔⴰⵃ, ⵢⴻⵏⵏⴰ-ⴷ ⵓⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⴷⴷⵉⵏ ⵉⵏⴻⵙⵍⴻⵎ ⴷ ⴰⴽⴽⴻⵏ ⵙ ⵓⴹⵔⵉⵙ-ⴰ « ⴰⴷ ⵄⴰⵡⴷⴻⵏ ⴰⴷ ⴷ-ⵡⴻⵊⵊⴷⴻⵏ ⵢⵉⵏⵙⴻⵍⵎⴻⵏ ⵏ ⴼⵕⴰⵏⵙⴰ ⵜⴰⴳⴰⵢⵜ ⴰⵢ ⵓⴳⵉⵏ ⵙⴻⴳ ⵍⵍⵙⴰⵙ ⵢⴻⵔⵏⴰ ⵜⴰⵄⵉⵏⴰⵏⵉⵜ ⴰⴽⴽ ⵍⴻⵚⵏⴰⴼ ⵏ ⵜⴻⴽⵔⵉⴹⵜ ⴷ ⵔⵔⴻⴱⵔⴰⴱ ⵉⵎⵉ ⴷ ⵜⵉⵖⴰⵡⵙⵉⵡⵉⵏ-ⴰ ⵙ ⵜⵉⵎⵎⴰⴷ-ⵏⵙⴻⵏⵜ ⴰⵢ ⵉⵏⴻⴽⴽⵕⴻⵏ ⴰⵣⴰⵍⴻⵏ ⵏ ⵜⴰⵍⵡⵉⵜ ⴷ ⵜⴻⴳⵎⴰⵜ ⴰⵢⵖⴻⴼ ⴷ-ⵢⴻⵜⵜⵡⴻⵚⵚⵉ ⵍⵉⵙⵍⴰⵎ ».

ⴰⴷ ⴷ-ⵡⴻⴽⴽⴷⴻⵏ ⴷⴰⵖ ⵢⵉⵏⵙⴻⵍⵎⴻⵏ ⵏ ⴼⵕⴰⵏⵙⴰ ⵙ ⵓⴹⵔⵉⵙ-ⴰ ⵖⴻⴼ « ⵜⵓⴹⴹⴼⴰ-ⵏⵙⴻⵏ ⵉⴵⴻⵀⴷⴻⵏ ⴷⴻⴳ ⵓⵔⴽⴰⵡⴰⵍ (ⵎⵉⵜⴰⵇ) ⵏ ⵜⴻⴳⴷⵓⴷⴰ ⴰⵢ ⴰⵖ-ⵢⴻⵙⴷⵓⴽⴽⵍⴻⵏ ⴰⴽⴽⴻⵏ ⵎⴰ ⵏⴻⵍⵍⴰ, ⴷ ⵡⴰⵣⴰⵍⴻⵏ ⴰⵢ ⴷ-ⵢⴻⴱⵏⴰⵏ ⴼⵕⴰⵏⵙⴰ ».

ⵡⵜⴻⵏ-ⴷ ⵢⵉⵎⴹⴻⴱⴱⵔⴻⵏ ⵏ ⵡⴰⴽⴽ ⵜⵉⴼⵉⴷⵉⵕⴰⵍⵉⵢⵉⵏ ⵜⵉⵏⵙⴻⵍⵎⵉⵏ ⵜⵉⵎⴻⵇⵔⴰⵏⵉⵏ ⵏ ⴼⵕⴰⵏⵙⴰ, ⴷⴻⴳ ⵢⵉⴹ ⵏ ⵍⵊⴻⵎⵄⴰ ⴷ ⵙⵙⴻⴱⵜ, ⴷⴻⴳ « ⵜⵉⵡⵡⴻⵃⵛⵉⵜ » ⵏ ⵜⵅⴰⵣⵣⴰⴱⵉⵢⵉⵏ ⵏ ⵒⴰⵔⵉⵙ.

ⵙⴻⴳ ⵢⵉⴷⵉⵙ-ⵏⵏⴻⵙ, ⵜⴳⴻⵔ-ⴷ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ ⵜⵉⵖⵔⵉ ⵉ « ⵡⴰⴽⴽ ⵉⵖⴻⵔⵎⴰⵏⴻⵏ (ⵎⵓⵡⴰⵟⵉⵏⵉⵏ) ⵉⵏⵙⴻⵍⵎⴻⵏ ⴷ ⵢⵉⵎⴻⴷⴷⵓⴽⴰⵍ-ⵏⵙⴻⵏ » ⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ, ⴰⵙⵙ ⵏ ⵍⵊⴻⵎⵄⴰ ⵖⴻⴼ 2ⵙ00 (ⵙ ⵡⴰⴽⵓⴷ ⵏ ⵒⴰⵔⵉⵙ) « ⵜⵓⴹⴹⴼⴰ-ⵏⵙⴻⵏ ⵜⴰⵍⵇⴰⵢⴰⵏⵜ ⴷⴻⴳ ⵒⴰⵔⵉⵙ, ⵜⴰⵏⴹⴰ-ⵏⵏⴻⵙ (ⵜⴰⵏⴰⵡⵡⵓⵄ) ⴷ ⵡⴰⵣⴰⵍⴻⵏ ⵏ ⵜⴻⴳⴷⵓⴷⴰ ».

ⵉ ⵓⵙⵎⴻⴽⵜⵉ, ⵉⴳⴻⵔ-ⴷ ⵢⵉⵡⴻⵏ ⵏ ⵓⵎⴰⵣⴷⴰⵢ ⵏ 11 ⵏ ⵜⵎⴻⵙⴳⵉⴷⵉⵡⵉⵏ ⵏ ⵜⴻⵎⴷⵉⵏⵜ ⵏ ⵎⴰⵔⵙⴻⵉⵍⵍⴻ ⵜⵉⵖⵔⵉ ⴰⵙⵙ ⵏ ⵍⵃⴻⴷⴷ ⵉ ⵢⵉⴼⵕⴻⵏⵙⵉⵙⴻⵏ ⴰⴽⴽⴻⵏ « ⵓⵔ ⵙⵙⴻⵅⵍⴰⴹⴻⵏ ⴰⵔⴰ ⵜⵉⵖⴰⵡⵙⵉⵡⵉⵏ » ⵢⴻⵔⵏⴰ ⵓⵔ ⵜⴻⵏ-ⵢⴻⵜⵜⵖⵓⵔⵔⵓ ⴰⵔⴰ ⵍⴻⴱⵖⵉ « ⴰⴽⴽⴻⵏ ⴰⴷ ⴷ-ⵔⵔⴻⵏ ⵜⵜⴰⵕ » ⴷⴻⴼⴼⵉⵔ ⵜⵅⴰⵣⵣⴰⴱⵉⵢⵉⵏ-ⵏⵏⵉ ⵜⵉⵔⴻⴱⵔⴰⴱⵉⵏ ⵏ ⵍⵊⴻⵎⵄⴰ ⵜⴰⵎⴻⴷⴷⵉⵜ ⴷⴻⴳ ⵒⴰⵔⵉⵙ.