ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 3000 ⵏ ⵍⴻⵄⵇⵓⴷⴰⵜ ⵏ ⵓⵅⴻⴷⴷⵉⵎ ⵙ ⵓⵄⴰⵡⴻⵏ ⴰⵢ ⴷ-ⵢⴻⵏⵏⵓⵍⴼⴰⵏ ⴰⵙⴻⴳⴳⴰⵙ-ⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵓⴳⴰⵔ ⵏ 3000 ⵏ ⵍⴻⵄⵇⵓⴷⴰⵜ ⵏ ⵓⵅⴻⴷⴷⵉⵎ ⵙ ⵓⵄⴰⵡⴻⵏ ⴰⵢ ⴷ-ⵢⴻⵏⵏⵓⵍⴼⴰⵏ ⴰⵙⴻⴳⴳⴰⵙ-ⴰ ⵖⴻⵔ ⵢⵉⴷⵉⵙ ⵏ 1300 ⵏ ⵢⵉⵅⴻⴷⴷⵉⵎⴻⵏ ⵙ ⵍⴻⵄⵇⴻⴷ ⵏ ⵓⵙⵙⵉⵍⴻⵖ ⴷ ⵜⵉⴳⵔⵉⵜ ⴷⴻⴳ ⵓⵅⴻⴷⴷⵉⵎ (ⵛⴼⵉ) ⵙⴻⴳ ⵢⴻⵏⵏⴰⵢⴻⵔ ⵖⴻⵔ ⵜⴳⴰⵔⴰ ⵏ ⵜⵓⴱⴻⵕ ⵢⴻⵣⵔⵉⵏ ⴷⴷⴰⵡ ⵍⴻⵄⵏⴰⵢⴰ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵎⵔⴻⵙ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵓⵏⴻⵎⵀⴰⵍ-ⵏⵏⴻⵙ (ⵎⵓⴷⵉⵔ), ⵙⵎⴰⵉⵍ ⴷⵊⴰⴷⵉ.

ⴷⴻⴳ ⵢⵉⵡⴻⵏ ⵏ ⵡⴰⵙⵙ ⵏ ⵓⵅⴻⴱⴱⴻⵔ ⴰⵢ ⴷ-ⵜⴳⴰ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵎⵔⴻⵙ (ⵜⴰⵛⵖⵉⵍ) ⵖⴻⴼ ⵍⴻⵄⵇⴻⴷ ⵏ ⵓⵅⴻⴷⴷⵉⵎ ⵙ ⵓⵄⴰⵡⴻⵏ ⴷ ⵍⴻⵄⵇⴻⴷ ⵏ ⵓⵙⵙⵉⵍⴻⵖ ⴷ ⵜⵉⴳⵔⵉⵜ ⴷⴻⴳ ⵍⵅⴻⴷⵎⴰ, ⵢⴻⵏⵏⴰ-ⴷ ⵎⴰⵙⵙ ⴷⵊⴰⴷⵉ ⴷ ⴰⴽⴽⴻⵏ ⵜⴰⵏⴻⴳⴳⴰ-ⵏⵏⴻⵙ (ⵡⴰⴽⴰⵍⴰ) ⵜⴻⵍⵍⴰ ⵜⴻⵙⵙⴻⴼⵔⴰⵢ ⴰⴷ ⴷ-ⵜⴻⵙⵏⵓⵍⴼⵓ 3688 ⵏ ⵢⵉⵅⴻⴷⴷⵉⵎⴻⵏ ⵙ ⵍⴻⵄⵇⴻⴷ ⵏ ⵓⵅⴻⴷⴷⵉⵎ ⵙ ⵓⵄⴰⵡⴻⵏ ⴷ ⵡⵓⴳⴰⵔ ⵏ 1500 ⵏ ⵢⵉⵅⴻⴷⴷⵉⵎⴻⵏ ⵙ ⵍⴻⵄⵇⴻⴷ ⵏ ⵓⵙⵙⵉⵍⴻⵖ ⵙ ⵜⵉⴳⵜⵉⵜ ⴷⴻⴳ ⵓⵅⴻⴷⴷⵉⵎ ⴷⴻⴳ 2015.

ⵢⴻⵔⵏⴰ-ⴷ ⵎⴰⵙⵙ ⴷⵊⴰⴷⵉ ⴷ ⴰⴽⴽⴻⵏ ⵉⵙⵡⵉ ⵏ ⵓⵎⵢⴰⴳⴻⵔ-ⴰ ⵏⴻⵜⵜⴰ ⴷ « ⴰⵇⴻⴷⴷⴻⵎ ⵏ ⵜⵜⴰⵡⵉⵍⴰⵜ ⵏ ⵓⵙⵙⴻⵎⵔⴻⵙ ⴰⵢ ⴷ-ⵢⴻⵙⵙⴻⴱⴷⴻⴷ ⵓⵡⴰⵏⴰⴽ (ⴷⴰⵡⵍⴰ) ⵉ ⵍⵎⴻⵏⴷ ⵏ ⵓⵙⵙⴻⵏⵇⴻⵙ ⵏ ⵜⵔⴻⴱⴱⴰⵡⵜ (ⴱⴰⵟⴰⵍⴰ) ⵍⴰⴷⵖⴰ ⴳⴰⵔ ⵢⵉⵍⴻⵎⵥⵉⵢⴻⵏ ⵓⵔ ⴷ-ⵢⴻⵙⴼⴰⵢⴷⵉⵏ ⴰⵔⴰ ⵙⴻⴳ ⵓⵙⵙⵉⵍⴻⵖ ».

ⵙⴼⴻⵀⵎⴻⵏ-ⴰⵙⴻⵏⵜ-ⴷ ⴷⴰⵖ ⵉ ⵜⴽⴻⴱⴱⴰⵏⵉⵢⵉⵏ ⴷ ⴰⵛⵓ-ⵜ « ⵓⵙⵙⴻⵎⵔⴻⵙ ⵙ ⵍⴻⵄⵇⴻⴷ ⵏ ⵓⵅⴻⴷⴷⵉⵎ ⵙ ⵓⵄⴰⵡⴻⵏ » ⴷ ⵍⴼⴰⵢⴷⴰⵜ ⴰⵢ ⴷ-ⵢⴻⵍⵍⴰⵏ ⵙⴻⴳ ⵓⵙⵏⵓⵍⴼⵓ ⵏ ⵓⵅⴻⴷⴷⵉⵎ.

ⴳⴰⵔ ⵍⴼⴰⵢⴷⴰⵜ-ⴰ « ⴰⵡⴰⵏⴰⴽ ⴰⴷ ⴷ-ⵢⴻⵜⵜⴻⴽⴽⵉ ⵙ ⵓⵄⴰⵡⴻⵏ ⵏ ⴳⴰⵔ 8000 ⴷ 12000 ⵏ ⵢⵉⴷⵉⵏⴰⵕⴻⵏ ⵢⴰⵍ ⴰⵢⵢⵓⵔ ⴷⴻⴳ ⵜⵛⴻⵀⵕⵉⵜ ⵉ ⵢⵉⵅⴻⴷⴷⴰⵎⴻⵏ ⵢⴻⵙⵄⴰⵏ ⴰⴳⴻⵔⴷⴰⵙ (ⵛⴰⵀⴰⴷⴰ) ⴰⵙⴷⴰⵡⴰⵏ, ⵉⵎⴻⵙⵜⴻⴽⵏⵉⵢⴻⵏ ⵉⵎⵉⵏⴳⴻⵏ, ⵉⵅⴻⴷⴷⴰⵎⴻⵏ ⵢⴻⵙⵄⴰⵏ ⴰⵙⵡⵉⵔ ⵏ ⵓⵍⵎⵓⴷ ⴰⵙⵉⵏⴰⵏ ⴷ ⵡⵉⴷ ⴰⵢ ⴷ-ⵢⴻⵡⵡⵉⵏ ⵉⴳⴻⵔⴷⴰⵙⴻⵏ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⴰⵙⴰⴷⵓⵔⴰⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵍⵍⴰ ⵓⵄⴰⵡⴻⵏ ⵏ ⵓⵡⴰⵏⴰⴽ ⵙ 6000 ⵏ ⵢⵉⴷⵉⵏⴰⵕⴻⵏ ⵉ ⵢⵉⵎⴷⴰⵏⴻⵏ ⵡⴰⵔ ⴰⵙⵙⵉⵍⴻⵖ ».

ⴰⴷ ⴷ-ⵜⴻⵙⴼⴰⵢⴷⵉ ⴷⴰⵖ ⵜⴽⴻⴱⴱⴰⵏⵉⵜ ⵙⴻⴳ ⵓⵙⵙⴻⵏⵇⴻⵙ ⴷⴻⴳ ⵍⴻⵖⵔⴰⵎⴰ ⴷⴻⴳ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ (ⴹⴰⵎⴰⵏ ⵉⴵⵜⵉⵎⴰⵄⵉ), ⵢⴻⵔⵏⴰ ⴰⴷ ⵜⵅⴻⵍⵍⴻⵚ ⴽⴰⵏ 5% ⵙⴻⴳ ⵍⴻⵖⵔⴰⵎⴰ-ⴰ ⴷⴻⴳ ⵓⴱⴷⵉⵍ ⵏ 25% ⵎⵉ ⴰⴷ ⵜⴻⵙⵙⴻⵅⴷⴰⵎ ⵉⵅⴻⴷⴷⴰⵎⴻⵏ ⵙ ⵍⴻⵄⵇⴻⴷ ⵏ ⵓⵅⴻⴷⴷⵉⵎ ⵙ ⵓⵄⴰⵡⴻⵏ. ⵎⴰ ⵢⴻⵍⵍⴰ ⵜⴰⴽⴻⴱⴱⴰⵏⵉⵜ ⵜⵅⴻⴷⴷⴻⵎ ⴷⴻⴳ ⵜⴻⵎⵏⴰⴹⵜ ⵏ ⵢⵉⴳⵏⴰⵏ ⵓⵏⵏⵉⴳⴻⵏ ⵏⴻⵖ ⴷⴻⴳ ⵓⵏⵥⵓⵍ (ⴵⴰⵏⵓⴱ), ⵍⴻⵖⵔⴰⵎⴰ-ⴰ ⴰⴷ ⴷ-ⵜⴻⵏⵇⴻⵙ ⵖⴻⵔ 2,5%.