ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵄⴰⵡⴻⵏ ⵏ ⵜⵍⴰⵡⵉⵏ ⵉⵅⴻⴷⴷⵎⴻⵏ ⴷⴻⴳ ⵓⵅⵅⴰⵎ ⵉ ⵜⵉⵖⵉⵏ ⵏ ⵙⵙⴻⵍⵄⴰ ⴰⵢ ⵃⵡⴰⴵⴻⵏⵜ

ⵜⵍⴻⵎⵙⴰⵏ – ⵓⴳⴰⵔ ⵏ 80% ⵙⴻⴳ ⵜⵍⴰⵡⵉⵏ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵢⵉⴷⵔⵉⵎⴻⵏ ⴰⵢ ⵍⴰ ⵜⴻⵜⵜⴰⴽⴼ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵙⵙⴻⴼⵔⴻⴽ ⵏ ⵓⵙⵎⴰⴷ ⴰⵎⴻⵥⵢⴰⵏ (ⴰⵏⴳⴻⵎ) ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⴱⴷⴰ ⵓⵙⴻⴳⴳⴰⵙ ⵏ 2015 ⴳⴰⵔ-ⴰⵙⴻⵏⵜ ⵜⵉⵍⴰⵡⵉⵏ ⴰⵢ ⵢⴻⵜⵜⵖⵉⵎⵉⵏ ⴷⴻⴳ ⵓⵅⵅⴰⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ (ⵎⵓⴷⵉⵔ) ⵏ ⵜⵏⴰⵔⵉⵜ ⵏ ⵜⵏⴻⴳⴳⴰ-ⴰ ⴷⴻⴳ ⵜⵍⴻⵎⵙⴰⵏ.

1086 ⵏ ⵜⵍⴰⵡⵉⵏ ⵢⴻⵜⵜⵖⵉⵎⵉⵏ ⴷⴻⴳ ⵓⵅⵅⴰⵎ ⴷⴻⴳ ⵜⵡⵉⵍⴰⵢⵜ ⵏ ⵜⵍⴻⵎⵙⴰⵏ (ⴳⴰⵔ-ⴰⵙⴻⵏⵜ 30% ⴷ ⵜⵉⵍⴰⵡⵉⵏ ⴰⵢ ⵉⵣⴻⴷⵖⴻⵏ ⴷⴻⴳ ⵜⵎⵓⵔⵜ) ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵓⵔⴻⴹⴹⴰⵍ ⵏ 40.000 ⵏ ⵢⵉⴷⵉⵏⴰⵕⴻⵏ ⵉ ⵜⵉⵖⵉⵏ ⵏ ⵜⵏⴻⴳⵡⴰ ⵜⵉⵎⴻⵏⵣⴰ (ⵎⴰⴷⴷⴰ ⴰⵡⵡⴰⵍⵉⵢⵢⴰ) ⴰⴽⴽⴻⵏ ⴰⴷ ⵅⴻⴷⵎⴻⵏⵜ ⵚⵚⴻⵏⵄⴰ-ⵏⵙⴻⵏⵜ ⴰⵎ ⵍⵃⴻⵍⵡⴰ, ⴰⵔⵇⴰⵎ ⴷ ⵜⵅⴻⵢⵢⴰⴹⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⴷⴳⵀⴻⵏⴻ ⵙⵜⴰⵎⴱⵧⵓⵍⵉ ⵎⴰⵀⵎⵧⵓⴷ.

ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵙⵙⴻⴼⵔⴻⴽ ⵏ ⵓⵙⵎⴰⴷ ⴰⵎⴻⵥⵢⴰⵏ ⵜⴳⴰ ⵜⴰⵣⵉⴽⴽⴻⵏⵜ ⴷⴻⴳ ⵓⵅⵅⴰⵎ ⵏ ⵢⵉⴷⵍⴻⵙ ⵏ ⵜⵍⴻⵎⵙⴰⵏ ⵙⴻⴳ 16 ⵖⴻⵔ 18 ⵏⵡⴻⵎⴻⴱⵕ ⵉ ⵓⵙⴼⵓⴳⴻⵍ ⵏ ⴷⴷⵓⵕⵜ ⵜⴰⵎⴰⴹⵍⴰⵏⵜ ⵏ ⵓⵙⵙⴻⴱⴷⴻⴷ ⵏ ⵜⴽⴻⴱⴱⴰⵏⵉⵢⵉⵏ, ⵢⴻⵔⵏⴰ ⵔⵣⴰⵏⵜ-ⴷ ⴰⵟⴰⵙ ⵏ ⵜⵍⴰⵡⵉⵏ ⴼⴻⵍⵍ-ⴰⵙ ⴰⴽⴽⴻⵏ ⴰⴷ ⵥⵔⴻⵏⵜ ⴰⵎⴻⴽ ⴰⴷ ⴷ-ⵙⴼⴰⵢⴷⵉⵏⵜ ⵙⴻⴳ ⵓⵔⴻⴹⴹⴰⵍ-ⴰ.

ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵙⵙⴻⴼⵔⴻⴽ ⵏ ⵓⵙⵎⴰⴷ ⴰⵎⴻⵥⵢⴰⵏ ⵏ ⵜⵡⵉⵍⴰⵢⵜ ⵏ ⵜⵍⴻⵎⵙⴰⵏ ⵜⴻⵔⴹⴻⵍ 241 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴰⵙⴻⴳⴳⴰⵙ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵓⴳⴰⵔ ⵏ 2000 ⵏ ⵎⴻⴷⴷⴻⵏ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵡⴰⵢⴰ, ⴳⴰⵔ-ⴰⵙⴻⵏ 829 ⵏ ⵢⵉⵎⴷⴰⵏⴻⵏ ⴰⵢ ⴷ-ⵉⴳⴰⵏ ⵉⵙⴻⵏⴼⴰⵔⴻⵏ ⵢⴻⵇⵇⵏⴻⵏ ⵖⴻⵔ ⵜⴼⴻⵍⵍⴰⵃⵜ, ⵜⴰⴽⴻⵙⵙⴰⵡⵜ ⵏⴻⵖ ⵉⵎⴻⵥⵍⴰ (ⵅⴰⴷⴰⵎⴰⵜ).

ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵙⵙⴻⴼⵔⴻⴽ ⵏ ⵓⵙⵎⴰⴷ ⴰⵎⴻⵥⵢⴰⵏ ⵜⴻⵣⴳⴰ ⵜⴻⵜⵜⴻⴳ ⵓⵙⵙⴰⵏ ⵏ ⵓⵅⴻⴱⴱⴻⵔ ⴷⴻⴳ ⵜⵖⵉⵡⴰⵏⵉⵏ, ⴰⵎⵎⴰⵙⴻⵏ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⴷ ⵢⵉⵎⵓⴽⴰⵏ ⵏⵉⴹⴻⵏ, ⵢⴻⵔⵏⴰ ⵜⴻⵜⵜⴻⴳ ⴷⴰⵖ ⴰⵙⵙⵉⵍⴻⵖ ⴷⴻⴳ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⵉ ⵍⴼⴰⵢⴷⴰ ⵏ ⵢⵉⵍⴻⵎⵥⵉⵢⴻⵏ.