ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵇⴻⴷⴷⴻⵎ ⵏ ⵜⴻⴷⵢⴰⵏⵉⵏ ⵜⵉⵏⴰⴷⴷⴰⵍⵉⵏ ⵜⵉⴳⵔⴰⵖⵍⴰⵏⵉⵏ ⴰⴷ ⴷ-ⵢⵉⵍⵉⵏ ⴷⴻⴳ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴷⴻⴳ ⵜⴻⵎⵍⵉⵍⵉⵜ ⴰⵢ ⴷ-ⵉⴳⴰ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⵏ ⵓⵙⵙⴻⵡⵊⴻⴷ ⴷ ⵓⵙⵙⵓⴷⴷⴻⵙ ⵏ ⵜⴻⴷⵢⴰⵏⵉⵏ ⵜⵉⵏⴰⴷⴷⴰⵍⵉⵏ ⵜⵉⴳⵔⴰⵖⵍⴰⵏⵉⵏ ⴰⵢ ⴷ-ⵢⴻⵍⵍⴰⵏ ⴷⴷⴰⵡ ⵜⵙⴻⵍⵡⵉⵜ ⵏ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⵢⴻⵍⵍⴰ-ⴷ ⵓⵇⴻⴷⴷⴻⵎ ⵏ ⵜⴻⴷⵢⴰⵏⵉⵏ ⵜⵉⵏⴰⴷⴷⴰⵍⵉⵏ ⵜⵉⴳⵔⴰⵖⵍⴰⵏⵉⵏ ⴰⵢ ⵍⴰ ⵙⵙⴻⴼⵔⴰⵢⴻⵏ ⴰⴷ ⵜⴻⵏⵜ-ⴳⴻⵏ ⵙⴻⴳ-ⴰ ⵖⴻⵔ ⵙⴷⴰⵜ ⴷⴻⴳ ⵍⴻⵣⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ.

ⴷⵖⴰ ⵜⴻⵜⵜⵡⴰⴱⴷⴻⵔ-ⴷ ⴷⴻⴳ ⵓⵇⴻⴷⴷⴻⵎ-ⴰ ⵜⴻⵥⵔⵉⴳⵜ (ⵟⴰⴱⵄⴰ) ⵜⵉⵙ ⵙⵏⴰⵜ ⵏ ⵓⵎⴰⵔⴰⵟⵓⵏ ⴰⴳⵔⴰⵖⵍⴰⵏ ⵏ ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ (27 ⵏⵡⴻⵎⴱⴻⵕ 2015), ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ ⵏ ⵓⵙⵏⴰⵙⵖⴻⵍ ⵏ 2016, ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ ⵓⵖⴻⵔⵔⴰⴱⵓ ⵏ ⵓⵙⴻⵎⴱⵓⴽ (4 ⵖⴻⵔ 11 ⴷⵓⵊⴻⵎⴱⴻⵕ 2015), ⵜⴻⵍⵖⵓⵖⴰ ⵜⴰⵄⵕⴰⴱⵜ ⵏ ⵢⵉⵍⴻⵎⵥⵉⵢⴻⵏ ⴷ ⵜⴻⵍⵖⵓⵖⴰ ⵜⴰⵄⵕⴰⴱⵜ ⵏ ⵜⴻⵖⵍⴰⵎⵉⵏ ⵏ ⵓⵊⵓⴷⵧ (19-24 ⴷⵓⵊⴻⵎⴱⴻⵕ 2015).

ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵉⴳⴻⵔ-ⴷ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⵏ ⵡⴰⴷⴷⴰⵍ ⵜⵉⵖⵔⵉ ⵉ ⵡⴰⴽⴽ ⵡⵉⴷ ⴰⵢ ⵉⵃⴻⴷⵕⴻⵏ ⴷⵉⵏ ⴰⴽⴽⴻⵏ ⴰⴷ ⵙⴵⴻⵀⴷⴻⵏ ⴰⵎⵄⴰⵡⴻⵏ ⴷ ⵓⵎⵛⵉⵡⴻⵕ ⵉ ⵓⵙⵙⴻⴼⵄⴻⵍ ⵏ ⵡⴰⵀⵉⵍ-ⴰ, ⴰⵎ ⵡⴰⴽⴽⴻⵏ ⴰⵢ ⵉⴳⴰ ⵉⴼⴰⴷⴷⴻⵏ ⵉ ⵡⴰⴽⴽ ⵡⵉⴷ ⴰⴷ ⴷ-ⵢⴻⴼⵍⴻⵏ ⵍⴻⵕⵢⵓⵢ ⵉⵚⴻⵍⵃⴻⵏ ⵉ ⵓⵙⵙⴻⵔⴱⴻⵃ ⵏ ⵜⴻⴷⵢⴰⵏⵉⵏ-ⴰ ⵜⵉⵏⴰⴷⴷⴰⵍⵉⵏ ⵜⵉⴳⵔⴰⵖⵍⴰⵏⵉⵏ.

ⵉⴳⴻⵔ-ⴷ ⴷⴰⵖ ⵜⵉⵖⵔⵉ ⵎⴰⵙⵙ ⴻⵍ ⵀⴰⴷⵉ ⵧⵓⵍⴷ ⴰⵍⵉ ⵉ ⵡⴰⴽⴽ ⵜⵉⴼⵉⴷⵉⵕⴰⵍⵉⵢⵉⵏ ⴰⴽⴽⴻⵏ « ⴰⴷ ⴷ-ⵍⴻⵎⴷⴻⵏⵜ ⵙⴻⴳ ⵜⵜⴻⵊⵕⵉⴱⴰⵜ ⴰⵢ ⵉⵄⴻⴷⴷⴰⵏ » ⴷⴻⴳ ⵎⴻⵍⵎⵉ ⴽⴰⵏ ⴰⴽⴽⴻⵏ ⴰⴷ ⵙⵙⴻⵍⵀⵓⵏⵜ ⵓⴳⴰⵔ ⵜⵉⴷⵢⴰⵏⵉⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⴰⵍⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ « ⵜⵉⴷⵢⴰⵏⵉⵏ ⴰⵎ ⵜⵉ ⵙⵄⴰⵏⵜ ⴷⴷⵓⵕ ⴷⴻⴳ ⵓⵙⵙⴻⴱⵖⴻⵙ ⵏ ⵢⵉⵍⴻⵎⵥⵉⵢⴻⵏ ⴰⴽⴽⴻⵏ ⴰⴷ ⵜⵜⴳⴻⵏ ⴰⴷⴷⴰⵍ ⴰⵎ ⵡⴰⴽⴽⴻⵏ ⴰⴷ ⵛⴻⴱⴱⵃⴻⵏⵜ ⵜⵓⴳⵏⴰ ⵜⴰⴳⵔⴰⵖⵍⴰⵏⵜ ⵏ ⵍⴻⵣⵣⴰⵢⴻⵔ ».

ⵎⵉ ⵜⴻⵔⵥⴻⵎ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⵏ ⵓⵙⵙⴻⵡⴽⴻⴷ ⴷ ⵓⵙⵙⵓⴷⴷⴻⵙ ⵏ ⵜⴻⴷⵢⴰⵏⵉⵏ ⵜⵉⵏⴰⴷⴷⴰⵍⵉⵏ ⵜⵉⴳⵔⴰⵖⵍⴰⵏⵉⵏ, ⵉⵀⴻⵏⵏⴰ ⵓⵏⴻⵖⵍⴰⴼ ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵍⴻⵛⵖⴰⵍ ⵉⵏⴰⴷⴷⴰⵍⴻⵏ ⵢⴻⵎⴳⴻⵔⵔⴰⴷⴻⵏ ⴰⵢ ⴷ-ⵢⴻⵍⵍⴰⵏ ⵓⵙⵙⴰⵏ-ⴰ ⵉⵏⴻⴳⴳⵓⵔⴰ ⴷⴻⴳ ⵍⴻⵣⵣⴰⵢⴻⵔ ⴷ ⵓⵜⵜⴻⴽⴽⵉ-ⵏⵙⴻⵏ ⵉⴳⴻⵔⵔⵣⴻⵏ ⵉ ⵓⵙⵙⴻⵔⴱⴻⵃ ⵏ ⵜⴻⴷⵢⴰⵏⵉⵏ-ⴰ.