ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
130 ⵏ ⵢⵉⵎⵜⵜⴻⴽⴽⵉⵢⴻⵏ ⴷⴻⴳ ⵓⵎⴰⵔⴰⵟⵓⵏ ⵏ ⵜⵉⴷⴷⵉⵜ ⵏ ⵓⵃⵓⴷⴷⵓ ⴰⵖⴰⵔⵉⵎ
ⵜⴰⵎⴻⵏƔⴻⵙⵜ – ⵓⴳⴰⵔ ⵏ 130 ⵏ ⵢⵉⵎⵜⵜⴻⴽⴽⵉⵢⴻⵏ, ⴳⴰⵔ-ⴰⵙⴻⵏ 43 ⵏ ⵜⵍⴰⵡⵉⵏ, ⴰⵢ ⴷ-ⵢⵓⵙⴰⵏ ⵙⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵎⴰⵔⴰⵟⵓⵏ ⴰⵎⴻⵣⵡⴰⵔⵓ ⵏ ⵜⵉⴷⴷⵉⵜ ⵏ ⵓⵃⵓⴷⴷⵓ ⴰⵖⴰⵔⵉⵎ (ⵃⵉⵎⴰⵢⴰ ⵎⴰⴷⴰⵏⵉⵢⵢⴰ) ⴰⵢ ⴷ-ⵢⴻⴱⴷⴰⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵎⴻⵏⵖⴻⵙⵜ.
ⴷ ⵉⴷⵓⴱⴰ (ⵙⵓⵍⵓⵟⴰⵜ) ⵏ ⵜⵡⵉⵍⴰⵢⵜ ⴰⵢ ⵢⴻⴼⴽⴰⵏ ⵍⴰⵎⴻⵕ ⵉ ⴱⴻⴷⴷⵓ ⵏ ⵓⵎⴰⵔⴰⵟⵓⵏ-ⴰ ⴰⵢⴷⴻⴳ ⵉⵏⴰⴷⴷⴰⵍⴻⵏ ⴰⴷ ⴷⴷⵓⵏ 86 ⵏ ⵢⵉⴽⵉⵍⵓⵎⵉⵜⵔⴻⵏ ⵙⴻⴳ ⵓⵅⵅⴰⵎ ⵏ ⵢⵉⵍⴻⵎⵥⵉⵢⴻⵏ ⵏ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ ⵏ ⵜⵎⴻⵏⵖⴻⵙⵜ ⵖⴻⵔ ⵓⴷⵔⴰⵔ ⵏ ⴰⵙⵙⴻⴽⵔⴻⵎ, ⵢⴻⵔⵏⴰ ⴰⴷ ⴽⴽⴻⵏ ⵖⴻⴼ ⵜⴻⵎⴷⵉⵏⵉⵏ ⵏ ⴰⵣⴻⵔⵏⴻⵏ ⴷ ⴰⴼⵍⴰⵏ.
ⵜⵜⵡⴰⵀⴻⵢⵢⴰⵏ-ⴷ ⴰⴽⴽ ⵜⵜⴰⵡⵉⵍⴰⵜ ⵉ ⵓⵙⵙⴻⵔⴱⴻⵃ ⵏ ⵜⴻⴷⵢⴰⵏⵜ-ⴰ ⵜⴰⵏⴰⴷⴷⴰⵍⵜ ⴰⴷ ⵉⴽⴻⵎⵎⵍⴻⵏ ⴰⵔⵎⴰ ⴷ ⴰⵙⵙ ⵏ 24 ⵏⵡⴻⵎⴱⴻⵕ ⵢⴻⵔⵏⴰ ⴰⴷ ⴷ-ⵉⵍⵉⵏ ⴷⴻⴳ-ⵙ ⵢⵉⵎⴰⵣⵉⵔⴻⵏ ⵏ ⵜⵏⵓⵙⵉ ⴷⴻⴳ ⵓⵏⴻⵥⵔⵓⴼ ⵉ ⵍⴼⴰⵢⴷⴰ ⵏ ⵢⵉⵎⵜⵜⴻⴽⴽⵉⵢⴻⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⵙⵓⴷⴷⵙⴻⵏ (ⵎⵓⵏⴰⴹⴹⵉⵎⵉⵏ).
ⵜⴰⴷⵢⴰⵏⵜ-ⴰ ⵜⴰⵏⴰⴷⴷⴰⵍⵜ ⴷ ⴰⵃⵔⵉⵛ ⵙⴻⴳ ⵢⵉⵅⴻⴷⴷⵉⵎⴻⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵉ ⵓⵙⵙⴻⴱⵖⴻⵙ ⵏ ⵡⴰⴷⴷⴰⵍ, ⵢⴻⵔⵏⴰ ⴰⵢⴰ ⵢⴻⵜⵜⴻⴽⴽⴰⵢ ⴷⴻⴳ ⵓⵙⵙⴻⵍⵀⵓ ⵏ ⵜⵣⴻⵎⵎⴰⵔ ⵜⵉⵏⴰⴷⴷⴰⵍⵉⵏ ⵏ ⵓⵃⵓⴷⴷⵓ ⴰⵖⴰⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ (ⵎⵓⴷⵉⵔ) ⵏ ⵓⵃⵓⴷⴷⵓ ⴰⵖⴰⵔⵉⵎ ⵏ ⵜⵎⴻⵏⵖⴻⵙⵜ, ⴽⴰⴷⴷⵧⵓⵔ ⴰⵣⵣⴻⴷⵉⵏⴻ.
ⴰⵢⴰ ⴰⴷ ⵢⴻⴵⴵ ⴷⴰⵖ ⵉⵎⵜⵜⴻⴽⴽⵉⵢⴻⵏ ⴰⴷ ⵙⵙⵏⴻⵏ ⵛⵛⴱⴰⵃⴰ ⵏ ⵓⴳⴰⵎⴰ ⵏ ⵜⴻⵎⵏⴰⴹⵜ-ⴰ, ⵍⴰⴷⵖⴰ ⵉⵎⵉ ⴰⵎⴻⵛⵡⴰⵕ ⵏ ⵓⵎⴰⵔⴰⵟⵓⵏ-ⴰ ⴰⴷ ⵢⴻⴽⴽ ⵖⴻⴼ ⵡⴰⵟⴰⵙ ⵏ ⵢⵉⵎⵓⴽⴰⵏ ⵏ ⵜⵎⴻⵔⵔⵉⵜ (ⵙⵉⵢⴰⵃⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
