Asebter amenzawi

130 n yimttekkiyen deg umaraṭun n tiddit n uḥuddu aɣarim

TAMENƔEST – Ugar n 130 n yimttekkiyen, gar-asen 43 n tlawin, ay d-yusan seg twilayin yemgerraden n tmurt akken ad ttekkin deg umaraṭun amezwaru n tiddit n uḥuddu aɣarim (ḥimaya madaniyya) ay d-yebdan ass n lexmis deg Tmenɣest.

D iduba (suluṭat) n twilayt ay yefkan lameṛ i beddu n umaraṭun-a aydeg inaddalen ad ddun 86 n yikilumitren seg uxxam n yilemẓiyen n tlemmast n temdint n Tmenɣest ɣer udrar n Assekrem, yerna ad kken ɣef temdinin n Azernen d Aflan.

Ttwaheyyan-d akk ttawilat i usserbeḥ n tedyant-a tanaddalt ad ikemmlen arma d ass n 24 Nwembeṛ yerna ad d-ilin deg-s yimaziren n tnusi deg uneẓruf i lfayda n yimttekkiyen-a, ɣef wakken ay d-nnan yimsuddsen (munaḍḍimin).

Tadyant-a tanaddalt d aḥric seg yixeddimen ay la d-yettilin i ussebɣes n waddal, yerna aya yettekkay deg usselhu n tzemmar tinaddalin n uḥuddu aɣarim, ɣef wakken ay d-yenna unemhal (mudir) n uḥuddu aɣarim n Tmenɣest, Kaddour Azzedine.

Aya ad yeǧǧ daɣ imttekkiyen ad ssnen ccbaḥa n ugama n temnaḍt-a, ladɣa imi amecwaṛ n umaraṭun-a ad yekk ɣef waṭas n yimukan n tmerrit (siyaḥa), ɣef wakken ay d-yenna.