ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⴰⴱⵉⴻⵔⵜⵧ ⵊⵓⵠⴻⵏⵉⵍ ⵎⴻⵅⵉⵛⴰⵏⵧ: ⵜⵄⴻⴷⴷⴰ ⵉⴱⴱⵧⵓ ⵖⴻⵔ ⵜⵓⵣⵣⵢⴰ ⵜⵉⵙ 3

ⵎⴻⵅⵉⵛⵧ – ⵜⵄⴻⴷⴷⴰ ⵜⵎⴰⵔⵉⵔⵜ ⵏ ⵓⵜⵉⵍⵉⵙ ⵉⵏⴻⵙ ⵉⴱⴱⵧⵓ ⵖⴻⵔ ⵜⵓⵣⵣⵢⴰ ⵜⵉⵙ 3 ⵏ ⵜⴻⵍⵖⵓⵖⴰ ⵏ ⴰⴱⵉⴻⵔⵜⵧ ⵊⵓⵠⴻⵏⵉⵍ ⵎⴻⵅⵉⵛⴰⵏⵧ (ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵜⵉⵏⵉⵙ) ⵎⵉ ⵜⴻⵔⵏⴰ ⵜⴰⵎⴰⵔⵉⴽⴰⵏⵉⵜ ⵏⴰⴷⵉⴰ ⴳⵉⵣⴷⵧⵠⴰ ⴷⴻⴳ ⵙⵉⵏ ⵏ ⵢⵉⵃⵔⵉⵛⴻⵏ (6-3, 6-3), ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ ⴷⴻⴳ ⵜⴻⵎⴷⵉⵏⵜ ⵏ ⵎⴻⵅⵉⵛⵧ.

ⴷⴻⴳ ⵜⵓⵣⵣⵢⴰ ⵜⵉⵙ 3, ⵉⴱⴱⵧⵓ (ⵢⴻⵍⵍⴰⵏ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴰⵣⵔⴰⵔ [ⵙⵉⵍⵙⵉⵍⴰ] ⵡⵉⵙ 8 ⵏ ⵜⴻⵍⵖⵓⵖⴰ) ⴰⴷ ⵜⵇⴰⴱⴻⵍ ⵜⴰⵎⴰⵔⵉⴽⴰⵏⵉⵜ ⴰⵍⴻⵅⴰⵏⴷⵔⴰ ⵙⴰⵏⴼⵧⵔⴷ (ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴰⵣⵔⴰⵔ ⵡⵉⵙ 11) ⴰⵢ ⵉⵄⴻⴷⴷⴰⵏ ⴷⴻⴼⴼⵉⵔ ⵎⴰ ⵜⴻⵔⵏⴰ ⵢⴻⵍⵍⵉ-ⵙ ⵏ ⵜⵎⵓⵔⵜ-ⵏⵏⴻⵙ ⵊⴻⵙⵙⵉⵛⴰ ⵍⵉⵠⵉⴰⵏⵓ (6-3, 6-1).

ⵉⴱⴱⵧⵓ ⵢⴻⵍⵍⴰⵏ ⴷ ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ ⵏ ⴷⴷⴰⵡ 18 ⵏ ⵢⵉⵙⴻⴳⴳⴰⵙⴻⵏ ⵜⴻⵙⵙⴰⵡⴻⴹ ⵖⴻⵔ ⵓⵙⵡⵉⵔ-ⴰ ⴷⴻⴳ ⵜⴻⵍⵖⵓⵖⴰ ⴷⴻⴼⴼⵉⵔ ⵎⴰ ⵜⴻⵔⵏⴰ, ⴷⴻⴳ ⵜⵓⵣⵣⵢⴰ ⵜⴰⵎⴻⵣⵡⴰⵔⵓⵜ, ⵜⴰⵎⴰⵚⵔⵉⵜ ⵍⴰⵎⵉⵙ ⴰⵍ-ⵀⵓⵙⵙⴻⵉⵏ ⴰⴱⴷⴻⵍ-ⴰⵣⵉⵣ (6-2, 6-3).

ⴷⴻⴳ ⵜⴻⵎⵍⵉⵍⵉⵜ ⵜⴰⵎⴻⵙⵍⴰⴳⵜ, ⵉⴱⴱⵧⵓ ⴷ ⵜⵎⴻⴷⴷⴰⴽⴻⵍⵜ-ⵏⵏⴻⵙ ⵜⴰⵎⴰⵚⵔⵉⵜ ⵍⴰⵎⵉⵙ ⴰⵍ-ⵀⵓⵙⵙⴻⵉⵏ ⴰⴱⴷⴻⵍ-ⴰⵣⵉⵣ ⵅⴻⵚⵔⴻⵏⵜ ⴷⴻⴳ ⵜⵓⵣⵣⵢⴰ ⵜⵉⵙ ⵙⵏⴰⵜ ⵎⴳⴰⵍ ⵜⵢⵓⴳⴰ ⵜⴰⵎⴰⵔⵉⴽⴰⵏⵉⵜ ⵏ ⴰⵔⵛⵧⵏⴰⴷⴰ ⴷ ⴳⵉⵙⴷⵧⵠⴰ ⵙ ⵙⵉⵏ ⵏ ⵢⵉⵃⵔⵉⵛⴻⵏ (6-1, 6-3).

ⴷⴻⴼⴼⵉⵔ ⵜⴻⵍⵖⵓⵖⴰ ⵏ ⴰⴱⵉⴻⵔⵜⵧ ⵊⵓⵠⴻⵏⵉⵍ ⵎⴻⵅⵉⵛⴰⵏⵧ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴳⴰⵔ 16 ⴷ 22 ⵏⵡⴻⵎⴱⴻⵕ, ⴰⴷ ⵜⴻⵜⵜⴻⴽⴽⵉ ⵉⴱⴱⵧⵓ (16 ⵏ ⵢⵉⵙⴻⴳⴳⴰⵙⴻⵏ) ⴷⴻⴳ ⵜⴻⵥⵔⵉⴳⵜ ⵜⵉⵙ 29 ⵏ ⵜⴻⵇⴱⵓⵛⵜ ⵏ ⵢⵓⵛⴰⵜⴰⵏ ⴳⴰⵔ 23 ⴷ 28 ⵏⵡⴻⵎⴱⴻⵕ, ⴷ ⵜⵉⵏ ⴰⴷ ⴷ-ⵢⵉⵍⵉⵏ ⴷⴰⵖ ⴷⴻⴳ ⵜⵎⴰⵏⴻⵖⵜ ⵜⴰⵎⵉⴽⵙⵉⴽⵉⵜ.

ⵙⴰⴽⴽⵉⵏ, ⴰⴷ ⵜⴻⴷⴷⵓ ⵜⵏⴰⴷⴷⴰⵍⵜ-ⴰ ⵜⴰⴷⵣⴰⵢⵔⵉⵜ ⵖⴻⵔ ⴼⵍⵧⵔⵉⴷⴰ (ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ) ⴰⵏⴷⴰ ⴰⴷ ⵜⴻⵜⵜⴻⴽⴽⵉ ⴷⴻⴳ ⴻⴷⴷⵉⴻ ⵀⴻⵔⵔ ⵙⴻⴳ 30 ⵏⵡⴻⵎⴱⴻⵕ ⵖⴻⵔ 6 ⴷⵓⵊⴻⵎⴱⴻⵕ, ⵙⴰⴽⴽⵉⵏ ⴰⴷ ⵜⴻⵔⵏⵓ ⴰⴷ ⵜⴻⵜⵜⴻⴽⴽⵉ ⴷⴻⴳ ⵧⵔⴰⵏⴳⴻ ⴱⵧⵡⵍ ⴳⴰⵔ 7 ⴷ 13 ⴷⵓⵊⴻⵎⴱⴻⵕ.

ⵎⴰ ⵜⴻⵡⵡⵉ-ⴷ ⴰⵎⴻⵛⵡⴰⵕ ⵢⴻⵍⵀⴰⵏ ⴷⴻⴳ ⵜⴻⵎⵔⵉⴽⵜ ⵏ ⵓⴳⴰⴼⴰ, ⴰⴷ ⵜⴻⵣⵎⴻⵔ ⵜⵎⴰⵔⵉⵔⵜ-ⴰ ⵜⴰⴷⵣⴰⵢⵔⵉⵜ ⴷ ⵜⴻⵙⵙⴻⵍⵀⵓ ⴰⵙⴻⵜⵜⴻⴼ-ⵏⵏⴻⵙ ⴷⴻⴳ ⵓⵎⴰⴹⴰⵍ, ⴰⵛⴽⵓ ⵢⴰⵍ ⵢⵉⵡⴻⵜ ⵙⴻⴳ 4-ⴰ ⵏ ⵜⴻⵍⵖⵓⵖⵉⵡⵉⵏ ⴰⵢⴷⴻⴳ ⴰⴷ ⵜⴻⵜⵜⴻⴽⴽⵉ ⵜⴻⵣⵎⴻⵔ ⴰⴷ ⴷ-ⵜⴻⵔⴱⴻⵃ ⴷⴻⴳ-ⵙ ⴰⵟⴰⵙ ⵏ ⵜⴻⵏⵇⵉⴹⵉⵏ.