ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵙⵍⴰⵎⵓⴼⵓⴱⵉⵜ: 24 ⵏ ⵜⵓⵎⵎⵖⵉⵡⵉⵏ ⴰⵢ ⴷ-ⵢⴻⵍⵍⴰⵏ ⵖⴻⴼ ⵢⵉⵏⵙⴻⵍⵎⴻⵏ ⴷⴻⴳ ⴼⵕⴰⵏⵙⴰ
ⵒⴰⵔⵉⵙ – ⵢⴻⵏⵏⴰ-ⴷ ⵓⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⴷⴷⵉⵏ ⵉⵏⴻⵙⵍⴻⵎ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵒⴰⵔⵉⵙ ⴷ ⴰⴽⴽⴻⵏ 24 ⵏ ⵜⵓⵎⵎⵖⵉⵡⵉⵏ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵢⵉⵏⵙⴻⵍⵎⴻⵏ ⴷⴻⴳ ⴼⵕⴰⵏⵙⴰ, ⴳⴰⵔ-ⴰⵙⴻⵏ ⴰⵜⵄⴻⴷⴷⵉ ⵖⴻⴼ ⵜⵍⴰⵡⵉⵏ ⵢⴻⵍⵙⴰⵏ ⴰⵃⵉⴵⴰⴱ ⴰⵎ ⵡⴰⴽⴽⴻⵏ ⴰⵢ ⴷ-ⵍⵍⴰⵏⵜ 18 ⵏ ⵜⵓⴳⴳⵣⵉⵡⵉⵏ (ⵜⴰⵀⴷⵉⴷⴰⵜ) ⵙⴻⴳ ⵜⵅⴰⵣⵣⴰⴱⵉⵢⵉⵏ-ⵏⵏⵉ ⵏ ⵍⵊⴻⵎⵄⴰ ⵢⴻⵣⵔⵉⵏ.
ⵍⴻⵃⵙⴰⴱ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⴷⴷⵉⵏ ⵉⵏⴻⵙⵍⴻⵎ « ⵢⴻⵍⵍⴰ-ⴷ ⴽⴰⵏ ⵙⴻⴳ ⵜⴻⴷⵢⴰⵏⵉⵏ ⴰⵢⵖⴻⴼ ⴷ-ⵢⴻⵍⵍⴰ ⵓⵛⵛⴻⵜⴽⵉ ⵉ ⵜⴻⵎⵙⵓⵍⵜⴰ (ⵛⵓⵔⵟⴰ) ⵏⴻⵖ ⵉ ⵜⴻⵎⵙⴻⵜⵍⴰ (ⴷⴰⵔⴰⴽ) ⵢⴻⵔⵏⴰ ⵉⴳⴻⵔ-ⵉⵜⴻⵏⵜ-ⵉⴷ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴷⴻⴳ ⵍⴻⵃⵙⴰⴱ » ⵢⴻⵔⵏⴰ ⵍⴻⵛⵖⴰⵍ-ⴰ ⴱⴹⴰⵏ ⵖⴻⴼ 6 ⵏ ⵍⴻⵚⵏⴰⴼ ⴳⴰⵔ-ⴰⵙⴻⵏⵜ ⴰⵙⵙⴻⵅⵚⴻⵔ ⵏ ⵜⵎⴻⵙⴳⵉⴷⵉⵡⵉⵏ (ⵍⴻⵊⵡⴰⵎⴻⵄ), ⵜⵉⵢⵉⵜⴰ ⵏ ⵎⴻⴷⴷⴻⵏ ⴷ ⵜⵓⴳⴳⵣⵉⵡⵉⵏ ⵙ ⵜⴻⴱⵕⴰⵜⵉⵏ ⵏ ⵍⴽⴻⵕⵀ ⴷ ⵔⵔⴻⴳⵎⴰⵜ.
ⴷⴻⴼⴼⵉⵔ ⵜⵓⵎⵎⵖⴰ ⴰⵢ ⴷ-ⵢⴻⵍⵍⴰⵏ ⵖⴻⴼ ⵓⵖⵎⵉⵙ ⵉⵎⴰⵍⴰⵙⴰⵏ (ⵓⵙⴱⵓⵄⵉ) ⵏ ⵛⵀⴰⵔⵍⵉⴻ ⵀⴻⴱⴷⵧ, ⵢⴻⵃⵙⴻⴱ-ⴷ ⵓⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⴷⴷⵉⵏ ⵉⵏⴻⵙⵍⴻⵎ ⴰⵣⴰⵍ ⵏ 50 ⵏ ⵍⴻⵛⵖⴰⵍ ⵎⴳⴰⵍ ⵢⵉⵏⵙⴻⵍⵎⴻⵏ.
ⴳⴰⵔ ⵍⴻⵛⵖⴰⵍ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵢⵉⵏⵙⴻⵍⵎⴻⵏ, ⵢⴻⵍⵍⴰ-ⴷ ⵓⵙⵙⴻⵅⵚⴻⵔ ⵏ ⵢⵉⵎⵓⴽⴰⵏ ⵏ ⵓⵄⴱⴰⴷ ⵙ ⵜⵉⵔⴰⵡⵜ ⵏ ⵡⴰⵡⴰⵍⴻⵏ ⵏ ⵍⴽⴻⵕⵀ ⴷⴻⴳ ⵛⵔⴻⵜⴻⵉⵍ (ⵠⴰⵍ-ⴷⴻ-ⵎⴰⵔⵏⴻ), ⵧⵍⵧⵔⵧⵏ-ⵙⴰⵉⵏⵜⴻ-ⵎⴰⵔⵉⴻ (ⵒⵢⵔⴻⵏⴻⴻⵙ-ⴰⵜⵍⴰⵏⵜⵉⵇⵓⴻⵙ) ⴷ ⵒⵧⵏⵜⴰⵔⵍⵉⴻⵔ (ⴷⵧⵓⴱⵙ), ⴷ ⵓⵜⵄⴻⴷⴷⵉ ⵖⴻⴼ ⵜⵍⴰⵡⵉⵏ ⵢⴻⵜⵜⵍⵓⵙⵓⵏ ⴰⵃⵉⴵⴰⴱ. ⵢⵉⵡⴻⵏ ⵙⴻⴳ ⵢⵉⵜⵄⴻⴷⴷⵉⵢⴻⵏ-ⴰ ⵢⴻⵍⵍⴰ-ⴷ ⴷⴻⴳ ⵎⴰⵔⴻⵙⴻⵉⵍⵍⴻ, ⵡⴰⵢⴻⴹ ⴷⴻⴳ ⵜⵧⵓⵍⵧⵓⵙⴻ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵇⵇⴰⵎⵓ ⴰⴼⵕⴻⵏⵙⵉⵙ ⵏ ⴷⴷⵉⵏ ⵉⵏⴻⵙⵍⴻⵎ ⴰⵢ ⵢⵓⵖⴰⵍⴻⵏ ⵢⴻⵜⵜⵄⴰⵙⵙⴰ ⵍⴻⵛⵖⴰⵍ ⵏ ⵜⵉⵙⵍⴰⵎⵓⴼⵓⴱⵉⵜ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⴼⵕⴰⵏⵙⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵜⵜⵡⴰⴱⵟⴻⵍ ⵓⵎⵙⴻⴳⵔⴰⵡ ⴰⵢ ⵙⵙⴻⴼⵔⴰⵏ ⴰⴷ ⵜ-ⴳⴻⵏ ⴰⵙⵙ ⵏ ⵍⵊⴻⵎⵄⴰ ⵙⴷⴰⵜ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ ⴰⵛⴽⵓ ⵓⵍⴰⵛ ⵜⴰⴳⵏⵉⵜ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵉⵡⴰⵜⴰⵏ. ⵏⴰⵇⴰⵍ ⵙⵙⴻⴼⵔⴰⵏ ⴰⴷ ⴳⴻⵏ ⴰⵎⵙⴻⴳⵔⴰⵡ-ⴰ ⴰⵙⵙ ⵏ ⵍⵊⴻⵎⵄⴰ ⵜⴰⵎⴻⴷⴷⵉⵜ ⴰⴽⴽⴻⵏ ⴰⴷ ⴷ-ⵉⵏⵉⵏ « ⵓⵀⵓ ⵉ ⵔⵔⴻⴱⵔⴰⴱ » ⴷ « ⵓⵙⵙⴻⵅⵍⴻⴹ » ⴷⴻⴼⴼⵉⵔ ⵜⵅⴰⵣⵣⴰⴱⵉⵢⵉⵏ ⵏ 13 ⵏⵡⴻⵎⴱⴻⵕ ⵢⴻⵣⵔⵉⵏ.
« ⴷⴻⴼⴼⵉⵔ ⵎⴰ ⵢⴻⵍⵍⴰ-ⴷ ⵡⴰⵡⴰⵍ ⴷ ⵜⴻⵎⵙⵓⵍⵜⴰ ⵏ ⵒⴰⵔⵉⵙ, ⵢⴻⵍⴼⴰ-ⴷ ⴷ ⴰⴽⴽⴻⵏ ⵜⴰⴳⵏⵉⵜ ⵏ ⵜⵖⴻⵍⵍⵉⵙⵜ ⵓⵔ ⵜⵡⴰⵜⴰ ⴰⵔⴰ ⵉ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵓⵎⵙⴻⴳⵔⴰⵡ ⴰⵏⴰⴳⴷⵓⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ (ⴱⴰⵢⴰⵏ) ⵏ ⵜⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ.
ⴷⵖⴰ ⵜⴻⵏⵏⴰ-ⴷ ⵜⴻⵎⵙⵓⵍⵜⴰ ⵏ ⵒⴰⵔⵉⵙ ⴰⵙⵙ ⵏ ⵍⴻⵅⵎⵉⵙ ⴷ ⴰⴽⴽⴻⵏ ⴰⴳⴷⴰⵍ (ⵎⴰⵏⵄ) ⵏ ⵜⵎⴻⵙⴱⴰⵏⵉⵢⵉⵏ ⴷⴻⴳ ⴱⴻⵕⵕⴰ ⴷⴻⴳ ⵜⴻⵎⵏⴰⴹⵜ ⵏ ⵉⵍⴻ-ⴷⴻ-ⴼⵔⴰⵏⵛⴻ ⴰⴷ ⵉⴽⴻⵎⵎⴻⵍ ⴰⵔⵎⴰ ⴷ ⴰⵙⵙ ⵏ ⵍⵃⴻⴷⴷ, ⵎⴻⵏⵖⵉ « ⵉⵎⵙⴻⴳⵔⴰⵡⴻⵏ ⴰⴷ ⴷ-ⵢⵉⵍⵉⵏ ⴷⴻⴳ ⵢⵉⵎⵓⴽⴰⵏ ⴰⵢⴷⴻⴳ ⴷ-ⵍⵍⴰⵏⵜ ⵜⵅⴰⵣⵣⴰⴱⵉⵢⵉⵏ-ⵏⵏⵉ ⵉ ⵍⵎⴻⵏⴷ ⵏ ⵢⵉⵔⵉⵔⵉ ⵏ ⵜⴻⵊⵎⵉⵍⵜ », ⵙⴷⴰⵜ ⵓⵙⴰⵔⵉⵔ ⵏ ⴼⵕⴰⵏⵙⴰ ⴷⴻⴳ ⵙⴰⵉⵏⵜ-ⴷⴻⵏⵉⵙ ⴷ ⵢⵉⵙⵓⵏⴻⵏ ⵡⵉⵙ 10 ⴷ ⵡⵉⵙ 11 ⴷⴻⴳ ⵒⴰⵔⵉⵙ ⴰⵏⴷⴰ ⵜⵉⵅⴰⵣⵣⴰⴱⵉⵢⵉⵏ ⴳⵍⴰⵏⵜ ⵙ 129 ⵏ ⵜⵎⴻⴷⴷⵓⵔⵉⵏ ⴷ 352 ⵏ ⵢⵉⵎⴻⵊⵔⴰⵃ.
