ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⴷ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⴷ ⴰⴱⵔⵉⴷ ⴰⵡⵃⵉⴷ ⵏ ⵜⵉⴼⵔⴰⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⴰⵎⴰⵍⵟⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴳⴻⵧⵔⴳⴻ ⵡⵉⵍⵍⵉⴰⵎ ⵠⴻⵍⵍⴰ, ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ ⴷ ⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵜⵏⴻⵖⵜⵓⵙⵜ (ⵇⴰⵔⴰⵔ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵎⴻⵏⴷ ⵏ ⵓⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⴰⵍ-ⵎⴰⵚⵉⵔ).
« ⵓⵔ ⵉⴱⴻⴷⴷⴻⵍ ⴰⵔⴰ ⵡⴰⴷⴷⵓⴷ-ⵏⵏⴻⵖ. ⴰⴷ ⵏⴽⴻⵎⵎⴻⵍ ⴰⴷ ⵏⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵜⵏⴻⵖⵜⵓⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵎⴻⵏⴷ ⵏ ⵓⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵠⴻⵍⵍⴰ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ.
ⴷⵖⴰ, ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ-ⴰ, ⴷ « ⵡⴰ ⴰⵢ ⴷ ⴰⴱⵔⵉⴷ ⴰⵡⵃⵉⴷ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ».
« ⵜⴰⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⵜⵓⵖⴰⵍ ⵛⵡⵉⵟ ⴷⴻⴳ ⵢⵉⴷⵉⵙ ⵖⴻⴼ ⵍⴵⴰⵍ ⵜⴻⴳⵏⵉⵜ ⵜⴰⵎⵉⵔⴰⵏⵜ (ⵃⴰⵍⵉⵢⵢⴰ) ⵎⴰⵛⴰ ⵓⵔ ⵜⴻⵜⵜⵡⴰⵜⵜⵓ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⴰⵎⴰⵡⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷ ⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ ⵢⴻⵍⵍⴰ-ⴷ ⴷⴻⴳ-ⵙ ⵓⵏⵎⴰⴳⴻⵔ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ 2011, ⴰⵢⴷⴻⴳ ⵜⵜⴻⴽⴽⴰⵏⵜ ⴰⵟⴰⵙ ⵏ ⵜⵎⵓⵔⴰ.
ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⵎⴰⵍⵟⴰ ⴰⴷ ⵢⵓⵖⴰⵍⴻⵏ ⴷ ⵜⴰⵙⴻⵍⵡⴰⵢⵜ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷⴻⴳ 2017, ⵍⴰ ⵜⴻⵙⵙⴻⴼⵔⴰⵢ ⴰⴷ ⵜⵇⴻⵢⵢⴻⵎ ⵢⴻⵔⵏⴰ ⴰⴷ ⴷ-ⵜⴻⴳ ⵜⴰⵛⵔⴰⵡⵜ (ⵃⴰⵚⵉⵍⴰ) ⵖⴻⴼ ⵜⴻⴳⵏⵉⵜ ⴰⵢⴷⴻⴳ ⵍⵍⴰⵏ ⵢⵉⴽⴰⵍⴻⵏ ⴰⵢ ⵜⴻⴹⴹⴻⴼ ⵎⴻⵕⵕⵓⴽ ⵙⴻⴳ 1975.
« ⴰⴷ ⵏⴻⵃⵔⴻⵙ ⵜⵉⵖⴰⵡⵙⵉⵡⵉⵏ, ⵎⴰ ⵜⴻⵔⵔⴰ ⵜⵎⴰⵔⴰ, ⴷⴻⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵢⴻⵜⵜⵡⴰⵙⵙⴻⵄⵊⴻⵍ ⵓⵙⵙⴻⴼⵄⴻⵍ ⵏ ⵜⵏⴻⵖⵜⵓⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⴼⴻⵔⵔⵓ ⵏ ⵜⴰⵍⵓⴼⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ ⵜⴰⴼⴰⵍⴻⵙⵟⵉⵏⵉⵜ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵎⴰⵍⵟⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⴼⴻⵔⵔⵓ ⵙ ⵙⵉⵏ ⵏ ⵢⵉⵡⴰⵏⴰⴽⴻⵏ (ⴷⴷⵓⵍⴰⵜ), ⵢⵉⵡⴻⵏ ⴷ ⴰⴼⴰⵍⴻⵙⵟⵉⵏⵉ, ⵡⴰⵢⴻⴹ ⴷ ⵉⵙⵕⴰⵢⵉⵍⵉ, ⵙ ⵓⵙⴷⵓⵇⵇⴻⵙ ⵏ ⵍⴻⵎⵛⴰⵡⵕⴰⵜ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ, ⵓⵍⴰ ⵎⴰ ⵍⴻⵎⵛⴰⵡⵕⴰⵜ-ⴰ ⵓⵔ ⴷ-ⴳⵍⵉⵏⵜ ⵙ ⵡⴰⵛⴻⵎⵎⴰ ⴰⵔ ⴰⵙⵙ-ⴰ ⵢⴻⵔⵏⴰ ⵓⵔ ⵜⴻⵙⵙⴻⴼⴽ ⴰⵔⴰ ⴰⴷ ⵇⵇⵉⵎⴻⵏⵜ « ⵔⴻⵥⵎⴻⵏⵜ ⵉ ⵍⴻⴱⴷⴰ ».
« ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵢⵉⵙⵡⵉ ⴷ ⵓⵣⴻⵎⵣ (ⵜⴰⵔⵉⵅ) ⵉ ⵓⴼⴰⴽⵉ ⵏ ⵜⴰⵍⵓⴼⵜ-ⴰ ⴷ ⵢⵉⵔⵉⵔⵉ ⵏ ⵜⴰⵍⵡⵉⵜ ⴰⴷ ⵉⴷⵓⵎⴻⵏ ⴷⴻⴳ ⵜⴻⵎⵏⴰⴹⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⵜⴰⵎⵓⵔⵜ-ⵏⵏⴻⵖ ⴷ ⵢⵉⵡⴻⵜ ⵙⴻⴳ ⵜⵎⴻⵣⵡⵓⵔⴰ, ⴷⴻⴳ ⵜⴷⵓⴽⵍⵉ ⵜⵓⵕⵓⴼⵉⵜ, ⴰⵢ ⵢⴻⵙⵜⴻⵄⵕⴼⴻⵏ ⵙ ⵓⵡⴰⵏⴰⴽ ⴰⴼⴰⵍⴻⵙⵟⵉⵏⵉ, ⵢⴻⵔⵏⴰ ⵏⴻⵜⵜⴽⴻⵎⵎⵉⵍ ⴰⴱⴷⴰⴷ-ⵏⵏⴻⵖ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ ⴷⴻⴳ ⵢⵉⵎⴻⵖⵉ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵠⴻⵍⵍⴰ. ⵉ ⵓⵙⵎⴻⴽⵜⵉ, ⴷ ⵎⴰⵍⵟⴰ ⴰⵢ ⴷ ⵜⴰⵎⴻⵙⵕⴰⴱⵓⵍⵜ (ⵎⵓⵇⴰⵔⵔⵉⵔⴰ) ⵏ ⵓⵙⴻⵇⵇⴰⵎⵓ ⵉ ⵓⵙⵙⴻⴼⵄⴻⵍ ⵏ ⵢⵉⵣⴻⵔⴼⴰⵏ ⵓⵔ ⵢⴻⵜⵜⵡⴰⵏⴽⴰⵕⴻⵏ ⵏ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
