ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⴻⵖⵉ ⴷⴻⴳ ⵓⵏⴻⵏⵙⵓ ⵏ ⴱⴰⵎⴰⴽⵧ: ⵚⴰ (7) ⵉⵣⵣⴰⵢⵔⵉⵢⴻⵏ ⵜⵜⵡⴰⵙⴻⵔⵃⴻⵏ-ⴷ ⴷⵉ ⵍⴰⵎⴰⵏ (ⵍⴰⵎⴰⵎⵔⴰ)
ⵍⴻⵣⵣⴰⵢⴻⵔ- ⵢⵉⵡⴻⵜ ⵏ ⵜⴻⵔⴱⴰⵄⵜ ⵜⵓⵏⵚⵉⴱⵜ ⵜⴰⵣⵣⴰⵢⵔⵉⵜ, ⵢⴻⵜⵜⵏⵓⵙⴻⵏ ⴷⴻⴳ ⵓⵙⴻⵏⵙⵓ ⵔⴰⴷⵉⵙⵧⵏ ⴷⵉ ⴱⴰⵎⴰⴽⵧ (ⵎⴰⵍⵉ), ⵢⴻⵍⵍⴰⵏ ⵜⴻⵜⵜⵡⴰⵕⵀⴻⵏ ⴰⵙⵙ ⵏ ⵍⴰⵕⴻⴱⵄⴰ ⵜⴰⵚⴻⴱⵃⵉⵜ ⵙⵖⵓⵔ ⴽⵔⴰ ⵏ ⵢⴻⵎⴷⴰⵏⴻⵏ ⵢⴻⵜⵜⵓⵙⴻⵍⵃⴻⵏ, ⵜⵜⵡⴰⵙⴻⵔⵃⴻⵏ-ⴰⵙⴻⵏ-ⴷ ⵓⵔ ⵜⴻⵏ-ⵢⵓⵖ ⵓⵛⴻⵎⵎⴰ, ⵉⴷ-ⵢⴻⵏⵏⴰ ⵉ ⵜⵏⴻⴳⴳⴰ ⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⵏⴻⵖⵍⴰⴼ ⵏ ⴷⴷⴻⵡⵍⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴷ ⵡⴻⵎⵄⵉⵡⴻⵏ ⴰⴳⴻⵔⴰⵖⵍⴰⵏ.
ⴰⵙⴻⵔⵔⴰⵃ ⵉ ⵜⴻⵔⴱⴰⵄⵜ-ⴰⴳⵉ, ⴷⴻⴳ ⵍⵍⴰⵏ ⵉⴷⵉⴱⵍⵓⵎⴰⵙⵉⵢⴻⵏ, ⵜⴻⵍⵍⴰ-ⴷ ⵙ ⵍⴰⵄⵏⴰⵢⴰ ⵏ ⵜⵉⴳⴰⵡⵜ ⵏ ⵢⵉⵖⴰⵍⵍⴻⵏ ⵢⴻⵎⵎⴻⵣⴷⵉⵏ ⵏ ⵉⵙⴻⵔⴷⴰⵙⴻⵏ ⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ ⴷⵉ ⵎⴰⵍⵉ (ⵎⵉⵏⵓⵙⵎⴰ) ⴰⴽⴽ ⴷ ⵢⵉⵖⴰⵍⵍⴻⵏ ⵢⴻⵜⵜⵓⵙⴻⵍⵃⴻⵏ ⵉⵎⴰⵍⵉⵢⴻⵏ, ⵉⴷ-ⵢⴻⵙⵙⴻⴼⵀⴻⵎ, ⵎⴰ ⵢⴻⵍⵍⴰ ⴷ ⵡⵉⵙ ⵚⴰ ⵢⴻⵍⵍⴰⵏ ⴷ ⴰⵅⴻⴷⴷⴰⵎ ⴷⴻⴳ ⵢⵉⵡⴻⵜ ⵏ ⵜⴻⵔⵎⵉⵙⵜ ⵜⴰⴼⵔⴰⵏⵙⴰⵡⵉⵜ ⵢⴻⵍⵍⴰ ⵢⴻⵜⵜⵡⴰⵙⴻⵔⵃ-ⴷ ⴷⵉ ⵥⵥⴻⴹⵎⴰ-ⵢⴰⴳⵉ.
ⵎⴰⵙ ⵍⴰⵎⴰⵎⵔⴰ ⵢⴻⵏⵏⴰ-ⴷ ⴱⴻⵍⵍⵉ ⴰⴽⴽⴻⵏ ⴽⴰⵏ ⴷ-ⵜⴻⴹⵕⴰ ⵜⵅⴰⵣⴰⴱⵉⵜ-ⴰⴳⵉ ⵏ ⵜⵓⵟⵟⴼⴰ ⵏ ⵉⵎⴻⵕⵀⴰⵏ, ⵢⴻⵣⴳⴰ ⴷ ⴰⵎⵙⵉⵡⴻⵍ ⴰⴽⴽ ⴷ ⵡⴻⵎⵜⵉⵍ-ⵉⵙ ⴰⵎⴰⵍⵉ, ⴰⴱⴷⵧⵓⵍⴰⵢⴻ ⴷⵉⵧⵒ ⴰⴽⴽ ⴷ ⵡⴻⵎⴹⴻⴱⴱⴻⵕ ⵏ ⵎⵉⵏⵓⵙⵎⴰ, ⴰⵜⵓⵏⵙⵉ ⵎⵧⵏⴳⵉ ⵀⴰⵎⴷⵉ, ⴰⴽⴽⴻⵏ ⴰⴷ ⵢⴻⵙⵙⴻⴼⵇⴻⴷ ⵖⴻⴼ ⵍⵉⵃⴰⵍⴰ ⵏ ⵜⴻⵔⴱⴰⵄⵜ ⵜⴰⵣⵣⴰⵢⵔⵉⵜ ⴷ ⵓⴱⴻⴽⴽⴻⵏ ⵏ ⵡⴰⴼⵓⴷ ⴰⵢ ⵜⴻⴼⴽⴰ ⵍⴻⵣⵣⴰⵢⴻⵔ ⵉ ⵎⴰⵍⵉ.
