ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵅⴰⵣⵣⴰⴱⵉⵜ ⵏ ⴱⴰⵎⴰⴽⵧ: ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⴻⵏⵏⴰ-ⴷ ⵍⴻⵣⵣⴰⵢⴻⵔ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵎⴰⵍⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⴰⵢ ⵢⵓⵣⴻⵏ ⵉ ⵓⵎⵜⵉⵍ-ⵏⵏⴻⵙ ⴰⵎⴰⵍⵉ, ⵉⴱⵔⴰⵀⵉⵎ ⴱⵧⵓⴱⴰⵛⴰⵔ ⴽⴻⵉⵜⴰ, ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵣⴳⴰ ⵜⴻⴱⴷⴻⴷ ⵢⴻⵔⵏⴰ ⵜⴻⵡⵊⴻⴷ ⴰⴷ ⵜⵄⴰⵡⴻⵏ ⴰⵖⵔⴻⴼ ⴷ ⵓⵏⴰⴱⴰⴹ (ⵃⵓⴽⵓⵎⴰ) ⵏ ⵎⴰⵍⵉ, ⴷⴻⴼⴼⵉⵔ ⵜⵓⵎⵎⵖⴰ-ⵏⵏⵉ ⵜⴰⵔⴻⴱⵔⴰⴱⵜ ⴰⵢ ⵉⵃⵓⴽⵕⴻⵏ ⴰⵙⵙ ⵏ ⵍⵊⴻⵎⵄⴰ ⵢⵉⵡⴻⵏ ⵏ ⵓⵙⴻⵏⵙⵓ ⴷⴻⴳ ⴱⴰⵎⴰⴽⵧ.
« ⵙ ⵡⵓⵔⴼⴰⵏ ⴷ ⵉⵎⴻⵇⵔⴰⵏⴻⵏ ⴰⵢ ⵏⴻⵙⵍⴰ ⵙ ⵜⵓⵎⵎⵖⴰ-ⵏⵏⵉ ⵜⴰⵔⴻⴱⵔⴰⴱⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵡⴻⵏ ⵏ ⵓⵙⴻⵏⵙⵓ ⴷⴻⴳ ⴱⴰⵎⴰⴽⵧ ⴰⵢⴷⴻⴳ ⵜⵜⵡⴰⵃⴰⴽⵕⴻⵏ ⵢⵉⵎⴷⴰⵏⴻⵏ ⴷ ⵉⵍⴻⵎⵔⵉⵢⴻⵏ (ⴰⴱⵔⵉⵢⴰ’) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵜⴻⴱⵕⴰⵜ-ⵏⵏⴻⵙ.
« ⴷⴻⴳ ⵜⴻⴳⵏⵉⵜ ⵜⵓⵇⵔⵉⵃⵜ ⴰⵎ ⵜⴰ, ⵏⴻⵙⵙⴰⵡⴰⴹ ⵕⵕⴻⵃⵎⴰ ⵉ ⵡⵉⴷ ⵢⴻⵎⵎⵓⵜⴻⵏ ⵢⴻⵔⵏⴰ ⵏⴻⵜⵜⵄⴻⵣⵣⵉ ⵜⵉⵡⴰⵛⵓⵍⵉⵏ-ⵏⵙⴻⵏ ⵙⴻⴳ ⵡⵓⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵏⴻⵙⵙⴽⴰⵏⴰⵢ ⴰⴱⴷⴰⴷ-ⵏⵏⴻⵖ ⵖⴻⵔ ⵢⵉⴷⵉⵙ-ⵏⵙⴻⵏ ⴷⴻⴳ ⵜⴻⴳⵏⵉⵜ-ⴰ ⵏ ⵍⵡⴻⵃⵛ ⴷ ⵍⴻⵃⵣⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
« ⵍⴻⵣⵣⴰⵢⴻⵔ ⵜⴻⵙⵙⵉⵥⵉⵔ (ⵜⵓⵏⴰⴷⴷⵉⴷ) ⵙ ⵍⴵⴻⵀⴷ ⴷ ⴰⵎⴻⵇⵔⴰⵏ ⵛⵛⵖⴻⵍ-ⴰ ⵓⵛⵎⵉⵜ ⵢⴻⵔⵏⴰ ⵜⴻⵙⵙⴽⴰⵏⴰⵢ-ⴷ ⴰⴱⴷⴰⴷ-ⵏⵏⴻⵙ ⵢⴻⵣⴳⴰⵏ ⴷ ⵓⵡⵊⴰⴷ-ⵏⵏⴻⵙ ⵉ ⵓⵄⴰⵡⴻⵏ ⵏ ⵓⵖⵔⴻⴼ ⴷ ⵓⵏⴰⴱⴰⴹ ⵏ ⵎⴰⵍⵉ ⴷⴻⴳ ⵜⴻⵙⵡⵉⵄⵜ-ⴰ ⵜⴰⵡⴻⵄⵕⴰⵏⵜ, ⵢⴻⵔⵏⴰ ⵜⵜⵡⴰⵙⵇⴻⵏⵄⴻⵖ ⴷ ⴰⴽⴽⴻⵏ ⵜⴰⴳⵏⵉⵜ-ⴰ ⴰⴷ ⴷ-ⵜⴻⴼⴼⴻⵖ ⵙⴻⴳ-ⵙ ⵎⴰⵍⵉ ⵙ ⵡⵓⴳⴰⵔ ⵏ ⵜⴻⴱⵖⴻⵙⵜ ⴷ ⵜⴷⵓⴽⵍⵉ ⴷⴻⴳ ⵡⵓⴷⴻⵎ ⵏ ⵜⵉⵡⵡⴻⵃⵛⵉⵜ ⴷ ⴱⴻⴹⴹⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⴷ ⴰⴽⴽⴻⵏ « ⵜⴰⵊⵔⵉⵎⵜ-ⴰ ⵜⴻⵙⵎⵉⴽⵜⵉ-ⴷ, ⵜⵉⴽⴽⴻⵍⵜ ⵏⵉⴹⴻⵏ, ⴷ ⴰⴽⴽⴻⵏ ⵜⴰⵡⴰⵖⵉⵜ ⵏ ⵔⵔⴻⴱⵔⴰⴱ ⵜⴻⵔⵣⴰ ⴰⴽⴽ ⴰⵎⴰⴹⴰⵍ ⵢⴻⵔⵏⴰ ⵜⴻⵃⵡⴰⵊ ⴰⵃⴰⵕⴻⴱ ⴰⵎⴰⵜⵓ ⵙ ⵓⵎⵙⴻⴼⵀⴰⵎ ⴳⴰⵔ ⵡⴰⴽⴽ ⵉⴷⵉⵙⴰⵏ ⵏ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ».
« ⵍⴻⵣⵣⴰⵢⴻⵔ ⵜⴻⵜⵜⵖⵉⵎⵉ-ⴷ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵜⵎⵓⵔⵜ ⵜⴰⵡⴻⵍⵜⵎⴰⵜ ⵏ ⵎⴰⵍⵉ ⴷⴻⴳ ⵓⵏⴰⴷⵉ ⴰⵢ ⵜⴻⵜⵜⵏⴰⴷⵉ ⵜⴰⵍⵡⵉⵜ ⴷ ⵓⵔⴽⴰⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵙⵙⴽⴰⵏⴰⵢ ⵜⵓⴹⴹⴼⴰ-ⵏⵏⴻⵙ ⴷⴻⴳ ⵓⴽⴻⵎⵎⴻⵍ ⵏ ⵓⴽⴰⵍⴰ ⵏ ⵜⴰⵍⵡⵉⵜ ⴷⴻⴳ ⵎⴰⵍⵉ, ⴷ ⴰⴽⴰⵍⴰ ⵓⵔ ⵢⴻⵙⵄⵉⵏ ⵓⵖⴰⵍ ⵖⴻⵔ ⴷⴻⴼⴼⵉⵔ, ⵢⴻⵔⵏⴰ ⴷ ⵜⵉⴼⵔⴰⵜ ⴰⵢ ⴷ-ⵉⵃⵓⵣⴰⵏ ⴰⴽⴽ ⵉⴷⵉⵙⴰⵏ ⵢⴻⵔⵏⴰ ⴷ ⵜⵉⵏ ⴰⴷ ⵉⴷⵓⵎⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
