ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵔⴻⴱⵔⴰⴱⴻⵏ ⴰⵢ ⵉⴳⴰⵏ ⵜⵉⵅⴰⵣⵣⴰⴱⵉⵢⵉⵏ ⵢⴻⵅⴹⴰ-ⵜⴻⵏ ⵍⵉⵙⵍⴰⵎ
ⵍⴻⴱⵍⵉⴷⴰ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵎⵧⵀⴰⵎⴻⴷ ⴰⵉⵙⵙⴰ, ⴰⵙⵙ ⵙⵙⴻⴱⵜ ⴷⴻⴳ ⵍⴻⴱⵍⵉⴷⴰ ⴷ ⴰⴽⴽⴻⵏ ⵉⵔⴻⴱⵔⴰⴱⴻⵏ ⴰⵢ ⵉⴳⴰⵏ ⵜⵉⵅⴰⵣⵣⴰⴱⵉⵢⵉⵏ ⴷⴻⴳ ⴼⵕⴰⵏⵙⴰ, ⵍⵓⴱⵏⴰⵏ, ⵎⴰⵍⵉ ⴷ ⵜⵎⵓⵔⴰ ⵏⵉⴹⴻⵏ ⵏ ⵓⵎⴰⴹⴰⵍ « ⵢⴻⵅⴹⴰ-ⵜⴻⵏ ⴰⴽⴽ ⵍⵉⵙⵍⴰⵎ ».
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵢⴰ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵅⴻⴷⴷⵉⵎ ⴷⴻⴳ ⵜⵡⵉⵍⴰⵢⵜ ⵏ ⵍⴻⴱⵍⵉⴷ ⴰⵏⴷⴰ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ « ⵉⵎⴷⴰⵏⴻⵏ-ⴰ ⵢⴻⵍⵍⴰⵏ ⴷⴻⴳ ⵜⵓⴷⴷⵙⴰ (ⵜⴰⵏⴹⵉⵎ) ⵜⴰⵔⴻⴱⵔⴰⴱⵜ ⵏ 'ⴷⴰⵄⴻⵛ’ ⵓⵔ ⵙⵄⵉⵏ ⴰⵔⴰ ⴰⴽⴽ ⴰⵙⵙⴰⵖ (ⵄⴰⵍⴰⵇⴰ) ⴷ ⵍⵉⵙⵍⴰⵎ ⴷ ⵢⵉⵏⵙⴻⵍⵎⴻⵏ », ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵡⵉ « ⵓⵔ ⵍⵎⵉⴷⴻⵏ ⵍⴻⵡⵚⴰⵢⴰⵜ ⵏ ⵍⵉⵙⵍⴰⵎ, ⵓⵔ ⴷⴷⵉⵏ ⵖⴻⵔ ⵜⵎⴻⵙⴳⵉⴷⵉⵡⵉⵏ-ⵏⵏⴻⵖ, ⵓⵔ ⵙⵙⵉⵏⴻⵏ ⵍⵉⵎⴰⵎⴰⵜ-ⵏⵏⴻⵖ ⵡⴰⵍⴰ ⵉⵎⴰⵙⵙⴰⵏⴻⵏ-ⵏⵏⴻⵖ ».
« ⵉⵔⴻⴱⵔⴰⴱⴻⵏ ⴷ ⵍⵖⴻⵍⵍⴰ ⵏ ⵢⵉⵎⴻⵥⵍⴰ ⵏ ⵡⵓⵎⴻⵍ (ⵎⴰⵚⴰⵍⵉⵃ ⵉⵙⵜⵉⵅⴱⴰⵔⴰⵜⵉⵢⵢⴰ) ⵓⵔ ⵉⵃⴻⵎⵎⵍⴻⵏ ⴰⵔⴰ ⵍⵉⵙⵍⴰⵎ ⵢⴻⵔⵏⴰ ⵙⵙⴻⵇⴷⴰⵛⴻⵏ ⵜⵉⵀⵢⵓⴼⵉⵏ ⴰⵢ ⴷ-ⵢⴻⵜⵜⵡⴰⵅⴷⴰⵎⴻⵏ ⴷⴻⴳ ⵢⵉⵏⴻⴳⵎⵉⵢⴻⵏ (ⵎⴰⵅⴰⴱⵉⵔ) ⵉ ⵓⵙⵙⴻⵇⴷⴻⵛ ⵏ ⵢⵉⵍⴻⵎⵥⵉⵢⴻⵏ ⴰⴽⴽⴻⵏ ⴰⴷ ⵜⴻⵏ-ⵔⵔⴻⵏ ⵜⵜⴰⵎⵏⴻⵏ ⵙ ⵜⵖⴰⵡⵙⵉⵡⵉⵏ ⴰⵢⵢⴻⵙ ⵓⵔ ⵜⵜⵡⴰⵙⵇⴻⵏⵄⴻⵏ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⴰⵜⴰⵏ ⵎⴳⴰⵍ « ⵓⵙⵙⴻⵇⴷⴻⵛ ⵏ ⵍⵉⵙⵍⴰⵎ ⵉ ⵜⵙⴻⵔⵜⵉⵜ ».
ⵢⴻⵏⵏⴰ-ⴷ ⵎⴰⵙⵙ ⴰⵉⵙⵙⴰ ⴷ ⴰⴽⴽⴻⵏ ⵢⵓⴳⵉ ⴰⴷ ⵢⴻⵜⵜⵡⴰⵙⵙⴻⵇⴷⴻⵛ ⵍⵉⵙⵍⴰⵎ ⵉ ⵢⵉⵙⵡⴰⵏ ⵓⴼⴼⵉⵔⴻⵏ ⴷ ⵜⵙⴻⵔⵜⵉⵜ, ⵢⴻⵔⵏⴰ ⵜⵉⴼⵔⴰⵜ ⵜⴰⵡⵃⵉⴷⵜ ⵏⴻⵜⵜⴰⵜ ⴷ ⴰⵔⴳⴰⵍ ⵏ ⵓⴱⵔⵉⴷ ⵉ ⵜⴻⴳⵏⵉⵜ-ⴰ ⴷ ⵜⴻⴽⵜⴰ ⵓⵔ ⵢⴻⵚⵍⵉⵃⴻⵏ « ⴷ ⵡⵓⵖⴰⵍ ⵖⴻⵔ ⵍⵉⵙⵍⴰⵎ ⴰⵏⴻⵚⵍⵉ ⴰⵢ ⵢⴻⵙⴷⵓⴽⴽⵍⴻⵏ ⴰⵖⵔⴻⴼ ⴰⴷⵣⴰⵢⵔⵉ ⵙ ⵡⴰⴽⴽ ⵜⴰⵏⴹⴰ-ⵏⵏⴻⵙ (ⵜⴰⵏⴰⵡⵡⵓⵄ) ⵎⴳⴰⵍ ⴰⵙⵙⴻⵀⵔⴻⵙ (ⵍⵉⵙⵜⵉⵄⵎⴰⵔ) ⴰⴼⵕⴻⵏⵙⵉⵙ ⵢⴻⵔⵏⴰ ⴷ ⵡⵉⵏ ⴰⵢ ⵎⴰⵣⴰⵍ ⵢⴻⵙⴷⵓⴽⴽⴻⵍ-ⵉⵜⴻⵏ ⵎⴳⴰⵍ ⵜⴻⴽⵜⴰ ⴰⵢ ⵢⴻⵜⵜⵏⴰⴷⵉⵏ ⴰⴷ ⵜ-ⴱⴹⵓⵏⵜ ⵢⴻⵔⵏⴰ ⴰⴷ ⵜ-ⴹⵓⵔⵔⴻⵏⵜ ».
ⵢⴻⵔⵏⴰ-ⴷ ⵎⴰⵙⵙ ⴰⵉⵙⵙⴰ ⴷ ⴰⴽⴽⴻⵏ ⵜⵉⵙⵓⴷⴰ (ⵎⵓ’ⴰⵙⵙⴰⵙⵙⴰⵜ) ⵏ ⵓⵡⴰⵏⴰⴽ « ⵍⴰ ⵙⵙⴻⵃⴱⵉⴱⵉⵔⴻⵏⵜ ⵖⴻⴼ ⵜⵖⴻⵍⵍⵉⵙⵜ (ⴰⵎⵏ) ⵏ ⵜⵎⵓⵔⵜ », ⴰⵎ ⵡⴰⴽⴽⴻⵏ ⴰⵢ ⵢⴻⵔⵔⴰ ⵜⴰⵊⵎⵉⵍⵜ ⵉ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵍⴰ ⵢⴻⵜⵜⵄⴰⵙⵙⴰⵏ ⵜⵉⵍⵉⵙⴰ ⵏ ⵜⵎⵓⵔⵜ ⴰⴽⴽⴻⵏ ⴰⴷ ⵜⵜ-ⵉⵃⵓⴷⴷ ⵙⴻⴳ ⵜⵓⴳⴳⵣⵉⵡⵉⵏ (ⵜⴰⵀⴷⵉⴷⴰⵜ) ⴷ ⵍⴼⴻⵜⵏⴰ.
