Asebter amenzawi

Irebraben ay igan tixazzabiyin yexḍa-ten Lislam

LEBLIDA – Yenna-d uneɣlaf n tɣawsiwin n ddin, Mohamed Aissa, ass ssebt deg Leblida d akken irebraben ay igan tixazzabiyin deg Fṛansa, Lubnan, Mali d tmura niḍen n umaḍal « yexḍa-ten akk Lislam ».

Yenna-d uneɣlaf aya deg yijifeṛ n yiwet n terzi n uxeddim deg twilayt n Leblid anda ay d-iwekked d akken « imdanen-a yellan deg tuddsa (tanḍim) tarebrabt n 'Daɛec’ ur sɛin ara akk assaɣ (ɛalaqa) d Lislam d Yinselmen », yerna iwekked-d d akken wi « ur lmiden lewṣayat n Lislam, ur ddin ɣer tmesgidiwin-nneɣ, ur ssinen limamat-nneɣ wala imassanen-nneɣ ».

« Irebraben d lɣella n yimeẓla n wumel (maṣaliḥ istixbaratiyya) ur iḥemmlen ara Lislam yerna sseqdacen tihyufin ay d-yettwaxdamen deg yinegmiyen (maxabir) i usseqdec n yilemẓiyen akken ad ten-rren ttamnen s tɣawsiwin ayyes ur ttwasqenɛen ara », ɣef wakken ay d-iwekked, am wakken ay d-yenna d akken atan mgal « usseqdec n Lislam i tsertit ».

Yenna-d Mass Aissa d akken yugi ad yettwasseqdec Lislam i yiswan uffiren d tsertit, yerna tifrat tawḥidt nettat d argal n ubrid i tegnit-a d tekta ur yeṣliḥen « d wuɣal ɣer Lislam aneṣli ay yesdukklen aɣref adzayri s wakk tanḍa-nnes (tanawwuɛ) mgal assehres (listiɛmar) afṛensis yerna d win ay mazal yesdukkel-iten mgal tekta ay yettnadin ad t-bḍunt yerna ad t-ḍurrent ».

Yerna-d Mass Aissa d akken tisuda (mu’assassat) n uwanak « la sseḥbibirent ɣef tɣellist (amn) n tmurt », am wakken ay yerra tajmilt i Yigen Aɣelnaw Aɣerfan la yettɛassan tilisa n tmurt akken ad tt-iḥudd seg tuggziwin (tahdidat) d lfetna.