ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⵎⴰⴳⴻⵔ ⵏ ⵍⴳⴰⵣ: ⴰⵣⴰⵍ ⵏ ⵍⴻⵄⵇⵓⴷⴰⵜ ⵉⵖⴻⵣⴼⴰⵏⴻⵏ ⵏ ⵍⴳⴰⵣ
ⵟⴻⵀⵔⴰⵏ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵥⵡⴻⵔⵜ (ⵟⴰⵇⴰ) ⵙⴰⵍⴰⵀ ⴽⵀⴻⴱⵔⵉ ⴰⵙⵙ ⵏ ⵙⵙⴻⴱⵜ ⴷⴻⴳ ⵟⴻⵀⵔⴰⵏ ⴷ ⴰⴽⴽⴻⵏ ⴰⵍⴰ ⵍⴻⵄⵇⵓⴷⴰⵜ ⵉⵖⴻⵣⴼⴰⵏⴻⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⵙⵙⵉⴷⴼⴻⵏ ⵉⴷⵔⵉⵎⴻⵏ ⵉ ⵢⵉⵙⵙⴻⴼⵜⵉⵢⴻⵏ ⵉⵎⴻⵇⵔⴰⵏⴻⵏ ⵏ ⵍⴳⴰⵣ ⵢⴻⵔⵏⴰ ⴰⴷ ⴹⴻⵎⵏⴻⵏ ⴰⵎⴻⴷⵅⵓⵍ ⵉ ⵜⵎⵓⵔⴰ ⴰⵢ ⵢⴻⵙⵙⴰⴵⴰⵡⴻⵏ ⵍⴳⴰⵣ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴰⵡⴰⵍ ⵖⴻⴼ ⵜⴻⵎⵙⴰⵍⵜ-ⴰ ⴷⴻⴳ ⵜⵇⴰⵛⵓⵛⵜ ⵜⵉⵙ 3 ⵏ ⵓⵏⵎⴰⴳⴻⵔ ⵏ ⵜⵎⵓⵔⴰ ⵢⴻⵙⵙⴰⴵⴰⵡⴻⵏ ⵍⴳⴰⵣ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⴰⵢ ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵊⵉⴼⴻⵕ ⵏ ⵜⴻⵎⵍⵉⵍⵉⵜ ⵜⴰⴼⴻⵖⵏⴰⵎⵉⵜ ⵏ ⵢⵉⵏⴻⵖⵍⴰⴼⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵎⴰⵏⴻⵖⵜ ⵜⵉⵕⴰⵏⵉⵜ, ⵟⴻⵀⵔⴰⵏ, ⵉ ⵍⵎⴻⵏⴷ ⵏ ⵓⵙⵙⴻⵡⵊⴻⴷ ⵉ ⵜⵇⴰⵛⵓⵛⵜ-ⴰ ⴰⴷ ⵢⴻⴱⴷⵓⵏ ⴰⵙⵙ ⵏ ⵍⴻⵜⵏⵉⵢⴻⵏ, ⵢⴻⵏⵏⴰ-ⴷ ⵎⴰⵙⵙ ⴽⵀⴻⴱⵔⵉ ⴷ ⴰⴽⴽⴻⵏ « ⵜⵉⵎⵓⵔⴰ ⴰⵢ ⴷ-ⵉⵅⴻⴷⴷⵎⴻⵏ ⵍⴳⴰⵣ ⵙⵉⵎⴰⵍ ⵔⴻⵏⵏⵓⵏⵜ ⵙⵙⵓⵜⵓⵔⴻⵏⵜ ⵙⴻⴳ ⵢⵉⵎⴻⵛⵜⵓⵔⴰ-ⵏⵙⴻⵏⵜ ⴰⴽⴽⴻⵏ ⴰⴷ ⵅⴻⴷⵎⴻⵏ ⵢⵉⴷ-ⵙⴻⵏⵜ ⵍⴻⵄⵇⵓⴷⴰⵜ ⵉⵖⴻⵣⴼⴰⵏⴻⵏ ⵢⴻⵔⵏⴰ ⴷ ⴰⵢⴰ ⴰⴷ ⵢⵉⵍⵉⵏ ⴷ ⵍⵍⵙⴰⵙ ⵉ ⵓⵙⵙⴻⵔⴽⴻⴷ ⵏ ⵙⵙⵓⵎⴰⵜ ⵏ ⵍⴳⴰⵣ ⴰⴳⴰⵎⴰⵏ (ⵟⴰⴱⵉⵄⵉ) ».
« ⴰⵍⴰ ⵍⴻⵄⵇⵓⴷⴰⵜ ⵉⵖⴻⵣⴼⴰⵏⴻⵏ ⴰⵢ ⵉⵣⴻⵎⵔⴻⵏ ⴰⴷ ⴹⴻⵎⵏⴻⵏ ⵉⴷⵔⵉⵎⴻⵏ ⵉ ⵢⵉⵙⵙⴻⴼⵜⵉⵢⴻⵏ ⵉⵎⴻⵇⵔⴰⵏⴻⵏ ⴷⴻⴳ ⵓⵃⵔⵉⵛ ⵏ ⵍⴳⴰⵣ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⴰⵢ ⴷ-ⵉⵡⴻⴽⴽⴷⴻⵏ ⴷ ⴰⴽⴽⴻⵏ ⵜⴰⵎⴳⵓⵔⵉ (ⵚⵉⵏⴰⵄⴰ) ⵏ ⵍⴳⴰⵣ ⵜⴻⵃⵡⴰⵊ ⵉⵙⵙⴻⴼⵜⵉⵢⴻⵏ ⴷ ⵉⵎⴻⵇⵔⴰⵏⴻⵏ.
ⵖⴻⴼ ⵡⴰⵢⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ « ⴰⵙⵙⵉⴷⵔⴻⵎ (ⵜⴰⵎⵡⵉⵏ) ⵏ ⵢⵉⵙⵙⴻⴼⵜⵉⵢⴻⵏ ⵏ ⵍⴳⴰⵣ ⵜⴻⵔⵔⴰ ⵜⵎⴰⵔⴰ ⴰⴷ ⵢⴻⴽⴽ ⵖⴻⴼ ⵍⴻⵄⵇⵓⴷⴰⵜ ⵉⵖⴻⵣⴼⴰⵏⴻⵏ ⴳⴰⵔ ⵜⵎⵓⵔⴰ ⴰⵢ ⵜ-ⵉⴷ-ⵉⵅⴻⴷⴷⵎⴻⵏ ⴷ ⵢⵉⵎⴻⵛⵜⵓⵔⴰ ».
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵙⵜⴻⵄⵕⴻⴼ ⵓⵏⴻⵖⵍⴰⴼ ⴷ ⴰⴽⴽⴻⵏ « ⵍⵍⴰⵏⵜ ⴽⵔⴰ ⵏ ⵜⵎⵓⵔⴰ ⵜⵉⵎⴻⵛⵜⵓⵔⴰ ⴰⵢ ⵍⴰ ⵉⵃⴻⵕⵕⵙⴻⵏ ⵜⵉⵎⵓⵔⴰ ⴰⵢ ⴷ-ⵉⵅⴻⴷⴷⵎⴻⵏ ⵍⴳⴰⵣ ⴰⴽⴽⴻⵏ ⴰⴷ ⴵⴵⴻⵏⵜ ⵕⵕⴰⵢ-ⴰ », ⵎⴰⵛⴰ ⴰⵏⵎⴰⴳⴻⵔ ⵏ ⵜⵎⵓⵔⴰ ⵢⴻⵙⵙⴰⴵⴰⵡⴻⵏ ⵍⴳⴰⵣ « ⴰⴷ ⵢⴻⵅⴷⴻⵎ ⴰⴽⴽⴻⵏ ⴷ ⵚⵚⴻⵏⴼ-ⴰ ⵏ ⵍⴻⵄⵇⵓⴷⴰⵜ ⴰⴷ ⵢⵓⵖⴰⵍⴻⵏ ⴷ ⵚⵚⴻⵏⴼ ⴰⵡⵃⵉⴷ ⴷⴻⴳ ⵓⵙⵙⴻⵏⵣⵉ ⵏ ⵍⴳⴰⵣ ».
ⵖⴻⴼ ⵍⴻⵃⵙⴰⴱ ⵏ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵏ ⵜⴻⵎⴳⵓⵔⵉ ⵏ ⵍⴳⴰⵣ, ⴰⵍⴰ ⴷ ⵍⴻⵄⵇⵓⴷⴰⵜ ⵉⵖⴻⵣⴼⴰⵏⴻⵏ ⴳⴰⵔ ⵜⵎⵓⵔⴰ ⴰⵢ ⴷ-ⵉⵅⴻⴷⴷⵎⴻⵏ ⵍⴳⴰⵣ ⴷ ⵜⵉⴷ ⴰⵢ ⵜ-ⵢⴻⵜⵜⴰⵖⴻⵏ ⴰⵢ ⵉⵣⴻⵎⵔⴻⵏ « ⴰⴷ ⴹⴻⵎⵏⴻⵏ ⴰⴷⵓⵎⵓ ⵏ ⵙⵙⵓⵇ ⵏ ⵍⴳⴰⵣ ⵉ ⵍⴼⴰⵢⴷⴰ ⵏ ⵡⴰⴽⴽ ⵉⴷⵉⵙⴰⵏ ».
