Asebter amenzawi

Tacirt tamafagt n yimeɛdaṛ: AS Mohamed Boudiaf terbeḥ tuzzya tamezwarut n telɣuɣa

WEHṚAN – D taɣlamt n Tiddukla n Mohamed Boudiaf n Wehṛan ay d-yefrurin d tamezwarut deg telɣuɣa taɣelnawt n tcirt tamafagt s yiɣimi ay d-yellan ussan n ljemɛa d ssebt deg tzeqqa takkaddalt n Ssenya deg Wehṛan.

Ttekkant deg umsizwer-a 12 n teɣlamin yerna ti d Tiddukla n Mohamed-Boudiaf n Wehṛan, Ittihad d AS Ɛin Meṛṛan n Cclef, Raja n Tbatent, Amel n Busɛada, Chouala Lemniɛa, CH Suq Ahṛas, Amsefham d CSH n Waregla, CH n Lemdeyya, CH n Gerwaw Leblida d CH n Amizur (Bgayet).

Aḥric amezwaru n telɣuɣa-a llan deg-s 6 n tuzzyiwin, sakkin, 4 n teɣlamin timezwura ad d-yefrurin ad urarent aḥric n « play-off ».

Tuzzya taɣelnawt tis snat ad d-tili ussan n 18 d 19 Dujembeṛ deg Waregla, sakkin, ad d-ilint 4 n tuzzyiwin niḍen, yiwet i wayyur, deg temdinin n Lemdeyya, Cclef, Tabatent d Suq Ahṛas.

Amsizwer-a amezwaru n tcirt tamafagt s yiɣimi i useggas-a yella-d « yelha » ɣef leḥsab n unemhal (mudir) n ussuddes anaddal n Tfidiṛalit Tadzayrit n Waddal n Yimeɛdaṛ, Mustapha Bendali.

Atni yigmaḍ n temliliyin n uturnwa aɣelnaw amezwaru:

Tiddukla n Mohamed-Boudiaf - Ittihad Cclef 3 - 0

CH Suq Ahṛas - Amel Busɛada 3 - 0

AS Ɛin Meṛṛan - CH Waregla 3 - 1

CH Amizur - Chouala Lemniɛa 3 - 1

CH Gerwaw - CH Lemdeyya 3 - 0

Tiddukla n Mohamed-Boudiaf - CH Suq Ahṛas 3 - 0

Raja n Tbatent - CH Waregla 3 - 0

Amizur Bgayet - CH Lemdeyya 3 - 0

Amsefham n Waregla - Amel n Busɛada 3 - 0

Raja n Tbatent - AS Ɛin Meṛṛan 3 - 0

Ittihad Cclef - CH Suq Ahṛas 3 - 0

CH Waregla - Amsefham n Waregla 3 - 0

AS Ɛin-Meṛṛan - CH Amizur 3 - 0

Tiddukla Mohamed-Boudiaf - Raja n Tbatent 3 - 0

Chouala Lemniɛa - Amel n Busɛada 3 - 0