ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴳⴻⵔ-ⴷ ⵜⵉⵖⵔⵉ ⵒⵧⵍⵉⵙⴰⵔⵉⵧ ⵉ ⵓⵙⴻⵇⵇⴰⵎⵓ ⵏ ⵍⴰⵎⴰⵏ ⴰⴽⴽⴻⵏ ⴰⴷ ⵢⴻⵙⵙⴻⴷⴷⵓ ⵜⵉⵖⴰⵡⵙⵉⵡⵉⵏ ⵖⴻⵔ ⵙⴷⴰⵜ

ⵏⴻⵡ ⵢⵧⵔⴽ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⵜⴳⴻⵔ-ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵜⵉⵖⵔⵉ ⵉ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵙⵙⴻⴷⴷⵓⵏ ⵜⵉⵖⴰⵡⵙⵉⵡⵉⵏ ⵖⴻⵔ ⵙⴷⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵛⵉⵡⴻⵕ ⵖⴻⴼ ⵜⴰⵍⵡⵉⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵍⴰⴷⵖⴰ ⵉⵎⵉ ⵎⴻⵕⵕⵓⴽ ⵜⴻⴳⴳⵓⵎⴰ ⴰⴷ ⵜⴻⵔⵔ ⴰⴹⴰⵔ ⵖⴻⵔ ⴷⴻⴼⴼⵉⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⴷ ⴰⴽⴽⴻⵏ ⵜⴰⵍⵓⴼⵜ-ⴰ « ⵓⵔ ⵜⴻⵣⵎⵉⵔ ⴰⵔⴰ ⴰⴷ ⵜⴻⵇⵇⵉⵎ ⵉ ⵍⴻⴱⴷⴰ ».

ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⴰⵢ ⵢⵓⵣⴻⵏ ⵙⴻⴳ ⵎⴻⵍⵎⵉ ⴽⴰⵏ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵀⵎⴻⴷ ⴱⵧⵓⴽⵀⴰⵔⵉ, ⵉ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ), ⵢⴻⵏⵏⴰ-ⴷ ⵎⴰⵙⵙ ⴱⵧⵓⴽⵀⴰⵔⵉ ⴷ ⴰⴽⴽⴻⵏ ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⵜⴻⵔⵔⴰ ⵜⴰⵊⵎⵉⵍⵜ ⵉ ⵜⴻⵖⵔⵉ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⴰⵢⴷⴻⴳ ⴰⵢ ⴷ-ⵢⴻⵏⵛⴻⴷ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴰⵍⵓⴼⵜ « ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵎⴻⵕⵕⵓⴽ ⴰⴽⴽⴻⵏ ⴰⴷ ⴱⴷⵓⵏ ⵍⴻⵎⵛⴰⵡⵕⴰⵜ ⵉ ⴼⴻⵔⵔⵓ ⵏ ⵜⴰⵍⵓⴼⵜ-ⴰ, ⵢⴻⵔⵏⴰ ⴰⴷ ⵎⵄⴰⵡⴰⵏⴻⵏ ⴷ ⵓⵎⴰⵣⵓⵏ ⵓⴷⵎⴰⵡⴰⵏ, ⵛⵀⵔⵉⵙⵜⵧⵒⵀⴻⵔ ⵔⵧⵙⵙ, ⵉ ⴼⴻⵔⵔⵓ ⵓⵄⴷⵉⵍ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ».

ⵉⵡⴻⴽⴽⴻⴷ-ⴷ ⵎⴰⵙⵙ ⴱⵧⵓⴽⵀⴰⵔⵉ ⴷ ⴰⴽⴽⴻⵏ ⵎⴻⵕⵕⵓⴽ ⵓⵔ ⵜⴻⵣⵎⵉⵔ ⴰⵔⴰ ⴰⴷ ⵜⴽⴻⵎⵎⴻⵍ ⵜⴰⵃⴻⵎⵍⴰ-ⵏⵏⴻⵙ ⵏ ⵓⵙⵙⴻⵎⵖⴻⵔ ⵏ ⵜⴰⵍⵓⴼⵜ ⴰⵢⵢⴻⵙ « ⵜⴻⵙⵙⴻⴵⵀⴰⴷ » ⵜⵓⴹⴹⴼⴰ ⴰⵢ ⵜⴻⴹⴹⴻⴼ ⴰⵏⴻⵥⵔⵓⴼ ⵓⵜⵔⵉⵎ ⴱⴻⵕⵕⴰ ⵉ ⵍⵇⴰⵏⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵚⴻⵃⵔⴰⵡⵉⵜ ⵙⵒⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⴱⵧⵓⴽⵀⴰⵔⵉ ⴷ ⴰⴽⴽⴻⵏ ⵉⵏⴰⵡ (ⵅⵉⵟⴰⴱ) ⵏ ⵓⴳⴻⵍⵍⵉⴷ ⵏ ⵎⴻⵕⵕⵓⴽ ⴷⴻⴳ ⵍⴻⵄⵢⵓⵏ ⵢⴻⵜⵜⵡⴰⴹⴹⴼⴻⵏ ⵢⴻⵍⵍⴰ-ⴷ ⴷ « ⴰⵛⵇⵉⵔⵔⴻⵡ ⵏ ⵎⴻⵕⵕⵓⴽ ⵎⴳⴰⵍ ⵍⵇⴰⵏⵓⵏ ⴰⴳⵔⴰⵖⵍⴰⵏ ⴰⵢ ⵢⴻⵜⵜⵡⴰⵍⵉⵏ ⴷ ⴰⴽⴽⴻⵏ ⴰⵏⴻⵥⵔⵓⴼ ⵓⵜⵔⵉⵎ ⴷ ⴰⴽⴰⵍ ⵓⵔ ⵢⴻⵙⵄⵉⵏ ⵜⴰⴼⵓⵍⵎⴰⵏⵜ (ⵃⵓⴽⵎ ⴷⴰⵜⵉ) ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵢⴻⴼⵔⵓ ⵓⵣⴻⴽⴽⴰ-ⵏⵏⴻⵙ ».

« ⴰⵖⵔⴻⴼ ⴰⵚⴻⵃⵔⴰⵡⵉ ⴰⵢ ⵢⴻⴷⴷⵔⴻⵏ ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ (ⵍⴰⴵⵉ’) ⴷ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵢⴻⵜⵜⵃⵓⵍⴼⵓ ⵉ ⵜⵓⴽⴽⵙⴰ ⴰⵢ ⴰⵙ-ⵜⵜⵡⴰⴽⴽⵙⴻⵏ ⵢⵉⵣⴻⵔⴼⴰⵏ-ⵏⵏⴻⵙ ⵢⴻⵔⵏⴰ ⵢⴻⴱⴷⴰ ⵉⵏⴻⵇⵇⴻⵙ ⵖⴻⵔ-ⵙ ⵍⴰⵎⴰⵏ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵍⴰⴷⵖⴰ ⵉⵍⴻⵎⵥⵉⵢⴻⵏ ⴰⵢ ⵢⴻⴳⴳⵓⵎⴰⵏ ⴰⴷ ⵇⴻⴱⵍⴻⵏ ⴰⵔⴳⴰⵍ-ⴰ ⴰⵢ ⵢⴻⵔⴳⴻⵍ ⵓⴱⵔⵉⴷ ⴰⵙⵙ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴳⴻⵏⵙⴰⵙ ⴰⵚⴻⵃⴰⵡⵉ ⵖⴻⵔ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⴷⵖⴰ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵜⵉⴼⵔⴰⵜ ⵜⴰⵡⵃⵉⴷⵜ ⵉ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵏⴻⵜⵜⴰ ⴷ ⴰⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵜⵙⴻⴼⵔⴰⵏⵜ « ⵜⵉⵍⴻⵍⵍⵉⵜ, ⵜⵓⵖⴷⵉⵎⵜ ⵢⴻⵔⵏⴰ ⴷ ⵜⴰⵎⴻⵙⵖⴰⵔⵓⵜ (ⵎⵓⵃⴰⴷⵉⵢⴰ) ⴰⴷ ⵢⴻⴵⴵⴻⵏ ⴰⵖⵔⴻⴼ ⴰⵚⴻⵃⵔⴰⵡⵉ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ ».

ⵉ ⵓⵙⵎⴻⴽⵜⵉ, ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵉⴳⴰ ⴰⵙⵙ ⵏ ⵜⵜⵍⴰⵜⴰ ⵢⵉⵡⴻⵏ ⵏ ⵓⵙⴰⵔⴰⴳ ⵖⴻⴼ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴰⵢⴷⴻⴳ ⴷ-ⵜⴻⵜⵜⵡⴰⴱⴷⴻⵔ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.

ⵜⴰⵎⵓⵔⵜ-ⴰ ⵜⴻⵜⵜⵡⴰⵎⵎⴻⵕⴽⴰ ⵙⴻⴳ 1966 ⴷⴻⴳ ⵡⵓⵎⵓⵖ (ⵇⴰ’ⵉⵎⴰ) ⵏ ⵢⵉⴽⴰⵍⴻⵏ ⵓⵔ ⵢⴻⵙⵄⵉⵏ ⵜⴰⴼⵓⵍⵎⴰⵏⵜ (ⵃⵓⴽⵎ ⴷⴰⵜⵉ), ⵢⴻⵔⵏⴰ ⵙ ⵡⴰⵢⴰ, ⵜⴻⵙⵄⴰ ⴰⵣⵔⴻⴼ ⵉ ⵜⵏⴻⵖⵜⵓⵙⵜ ⵜⵉⵙ 1514 ⵏ ⵓⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢⴷⴻⴳ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵜⵉⵎⵓⵔⴰ ⴷ ⵢⵉⵖⴻⵔⴼⴰⵏ ⵢⴻⵍⵍⴰⵏ ⴷⴷⴰⵡ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⵙⵄⴰⵏ ⴰⵣⵔⴻⴼ ⴰⴷ ⴰⵡⵉⵏ ⴰⵣⴰⵔⵓⴳ (ⵉⵙⵜⵉⵇⵍⴰⵍ). ⴰⵏⴻⵥⵔⵓⴼ ⵓⵜⵔⵉⵎ ⴷ ⵏⴻⵜⵜⴰⵜ ⴰⵢ ⴷ ⵜⴰⵀⵔⴻⵙⵜ (ⵎⵓⵙⵜⴰⵄⵎⴰⵔⴰ) ⵜⴰⵏⴻⴳⴳⴰⵔⵓⵜ ⴷⴻⴳ ⵜⴻⴼⵔⵉⵇⵜ, ⵜⴻⴹⴹⴻⴼ-ⵉⵜⵜ ⵎⴻⵕⵕⵓⴽ ⵙⴻⴳ 1975, ⵢⴻⵔⵏⴰ ⴷ ⴼⵕⴰⵏⵙⴰ ⴰⵢ ⵢⴻⵜⵜⵄⴰⵡⴰⵏⴻⵏ ⵎⴻⵕⵕⵓⴽ ⴷⴻⴳ ⵜⵓⴹⴹⴼⴰ-ⴰ.