ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴻⵖⵍⴰⴼ ⵉⵕⴰⵏⵉ ⵏ ⵜⴻⵥⵡⴻⵔⵜ ⵉⵡⴻⴽⴽⴻⴷ-ⴷ ⵖⴻⴼ ⴷⴷⵓⵕ ⵏ ⵍⴻⵣⵣⴰⵢⴻⵔ ⴷⴻⴳ ⵓⵏⵎⴰⴳⴻⵔ ⵏ ⵍⴳⴰⵣ

ⵟⴻⵀⵔⴰⵏ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵉⵕⴰⵍⵉ ⵏ ⵜⴻⵥⵡⴻⵔⵜ, ⵀⴰⵎⵉⴷ ⵜⵛⵀⵉⵜ-ⵜⵛⵀⵉⴰⵏ, ⴰⵙⵙ ⵏ ⵍⵃⴻⴷⴷ ⴷⴻⴳ ⵟⴻⵀⵔⴰⵏ, ⴷⴰⴽⴽⴻⵏ ⵍⴷⵣⴰⵢⴻⵔ ⵜⴻⵙⵄⴰ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵓⵏⵎⴰⴳⴻⵔ ⵏ ⵜⵎⵓⵔⴰ ⵢⴻⵙⵙⴰⴵⴰⵡⴻⵏ ⵍⴳⴰⵣ ⵉⵎⵉ « ⴰⵢ ⵜⴻⵙⵄⴰ ⵜⵜⴻⵊⵕⵉⴱⴰ ⵜⴰⴳⵔⴰⵖⵍⴰⵏⵜ » ⴰⵢ ⴷ-ⵜⴻⴽⵙⴻⴱ ⵙⴻⴳ ⵙⵙⵓⵇ ⴰⵎⴰⴹⵍⴰⵏ ⵏ ⵍⴳⴰⵣ.

« ⵉⵕⴰⵏ ⵜⴻⵜⵜⴽⴻⵍ ⴰⵟⴰⵙ ⵖⴻⴼ ⵓⵜⵜⴻⴽⴽⵉ ⵏ ⵍⴷⵣⴰⵢⴻⵔ ⴷⴻⴳ ⵜⵇⴰⵛⵓⵛⵜ-ⴰ ⴷ ⵡⴰⵢⴻⵏ ⴰⵢ ⵜⴻⵣⵎⴻⵔ ⴰⴷ ⵜ-ⵉⴷ-ⵜⴰⵡⵉ ⴷⴻⴳ ⵓⵙⵙⴻⴵⵀⴻⴷ ⵏ ⵓⵎⵄⴰⵡⴻⵏ ⴷ ⵓⵎⵛⵉⵡⴻⵕ ⵉ ⵓⵃⵓⴷⴷⵓ ⵏ ⵏⵏⴼⴻⵄ ⵏ ⵜⵎⵓⵔⴰ ⵜⵉⵏⴼⴰⵔⴰⵙⵉⵏ (ⵎⵓⵏⵜⵉⴵⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⵛⵀⵉⵜ-ⵜⵛⵀⵉⴰⵏ ⵉ ⵜⵖⴻⵎⵙⴰ ⵢⵉⵡⴻⵏ ⵡⴰⵙⵙ ⵓⵇⴱⴻⵍ ⵜⵇⴰⵛⵓⵛⵜ ⵜⵉⵙ 3 ⵏ ⵓⵏⵎⴰⴳⴻⵔ ⵏ ⵜⵎⵓⵔⴰ ⵢⴻⵙⵙⴰⴵⴰⵡⴻⵏ ⵍⴳⴰⵣ ⴰⴷ ⴷ-ⵢⵉⵍⵉⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵟⴻⵀⵔⴰⵏ.

« ⴰⵜⵜⴻⴽⴽⵉ ⵏ ⵍⴷⵣⴰⵢⴻⵔ ⴷⴻⴳ ⵜⵇⴰⵛⵓⵛⵜ ⵏ ⵟⴻⵀⵔⴰⵏ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⵉⵎⵉ ⵜⴰⵎⵓⵔⵜ-ⴰ ⵜⴻⵙⵄⴰ ⴷⴷⵓⵕ ⴷⴻⴳ ⵓⵏⵎⴰⴳⴻⵔ-ⴰ ⵢⴻⵔⵏⴰ ⵜⴻⵙⵄⴰ ⵜⵜⴻⵊⵕⵉⴱⴰ ⴷ ⵜⴰⴳⵔⴰⵖⵍⴰⵏⵜ ⴷⴻⴳ ⵜⴻⵎⴳⵓⵔⵉ (ⵚⵉⵏⴰⵄⴰ) ⵏ ⵍⴳⴰⵣ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵉⵡⴻⴽⴽⴻⴷ-ⴷ ⴷⴰⵖ ⵓⵏⴻⵖⵍⴰⴼ ⵉⵕⴰⵏⵉ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⴵⵀⴻⴷ ⵓⵎⵄⴰⵡⴻⵏ ⴳⴰⵔ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵓⵏⵎⴰⴳⴻⵔ ⵏ ⵍⴳⴰⵣ ⴰⴽⴽⴻⵏ ⴰⴷ ⵃⵓⴷⴷⴻⵏⵜ ⵅⵉⵔ ⵏⵏⴼⴻⵄ-ⵏⵙⴻⵏⵜ ⵙⴷⴰⵜ ⵡⵓⴳⵓⵔⴻⵏ ⵓⵛⵔⵉⴽⴻⵏ.

ⴷ ⴰⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴰⴷ ⵢⴻⵜⵜⴻⴽⴽⵉⵏ ⵙ ⵢⵉⵙⴻⵎ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷⴻⴳ ⵜⵇⴰⵛⵓⵛⵜ-ⴰ.

ⵢⴻⵏⵏⵓⵍⴼⴰ-ⴷ ⵓⵏⵎⴰⴳⴻⵔ-ⴰ ⴷⴻⴳ 2001, ⵢⴻⵔⵏⴰ ⵜⵜⴻⴽⴽⴰⵏⵜ ⴷⴻⴳ-ⵙ ⵜⵎⵓⵔⴰ ⵜⵉⵎⴻⵇⵔⴰⵏⵉⵏ ⴰⵢ ⵢⴻⵙⵙⴰⴵⴰⵡⴻⵏ ⵍⴳⴰⵣ ⵢⴻⵔⵏⴰ ⵜⵉ ⴷ ⵍⴷⵣⴰⵢⴻⵔ, ⵔⵓⵙⵢⴰ, ⵉⵕⴰⵏ, ⵇⴰⵟⴰⵔ, ⴳⵉⵏⵢⴰ ⵜⴰⵙⴻⴱⴳⴰⵙⵜ, ⵏⵉⵊⵉⵔⵢⴰ, ⵜⵔⵉⵏⵉⴷⴰⴷ ⴷ ⵜⵧⴱⴰⴳⵧ, ⵍⵉⴱⵢⴰ, ⵎⴰⵚⴻⵔ, ⴱⵓⵍⵉⵠⵢⴰ, ⵠⴻⵏⴻⵣⵓⴻⵍⴰ ⴷ ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ.

ⵜⴻⴽⴽⴰⵏⵜ ⴷⴰⵖ ⴷⴻⴳ-ⵙ 6 ⵏ ⵜⵎⵓⵔⴰ ⵜⵉⵎⴰⵏⴰⵢⵉⵏ: ⵄⵉⵔⴰⵇ, ⵏⵓⵕⵡⵉⵊ, ⵜⵉⵎⵓⵔⴰ ⵏ ⵡⴰⴷⴷⴰ, ⵄⵓⵎⴰⵏ, ⴽⴰⵣⴰⵅⴻⵙⵜⴰⵏ ⴷ ⵒⵉⵔⵓ.