ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⵎⴰⴳⴻⵔ ⵏ ⵜⵎⵓⵔⴰ ⵢⴻⵙⵙⴰⴵⴰⵡⴻⵏ ⵍⴳⴰⵣ ⴷ ⵡⵓⴳⵓⵔ ⵏ ⵙⵙⵓⵎⴰⵜ
ⵟⴻⵀⵔⴰⵏ – ⵜⵉⵍⵓⴼⴰ ⵜⵉⵎⴻⵇⵔⴰⵏⵉⵏ ⴰⵢ ⵢⴻⵙⵙⴻⴼⴽ ⴰⴷ ⵜⴻⵏⵜ-ⵢⴻⵙⵇⴻⵔⴷⴻⵛ ⵓⵏⵎⴰⴳⴻⵔ (ⵎⵓⵏⵜⴰⴷⴰ) ⵏ ⵜⵎⵓⵔⴰ ⵢⴻⵙⵙⴰⴵⴰⵡⴻⵏ ⵍⴳⴰⵣ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵟⴻⵀⵔⴰⵏ ⵏⵉⵜⴻⵏⵜⵉ ⴷ ⴰⵙⴷⵓⴽⴽⴻⵍ ⵏ ⵜⵎⵓⵖⵍⵉ ⴳⴰⵔ ⵜⵎⵓⵔⴰ ⵏ ⵓⵏⵎⴰⴳⴻⵔ-ⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵙⵙⵓⵎⴰⵜ ⵏ ⵍⴳⴰⵣ ⵙ ⵍⵇⵉⵙ ⴰⵖⴻⵣⴼⴰⵏ, ⴰⵃⵔⴰⵣ ⵏ ⵍⵄⵓⵍⴰ ⵏ ⵍⴳⴰⵣ ⴷ ⵓⵙⵙⴻⴱⵖⴻⵙ ⵉ ⵓⵙⵙⴻⵇⴷⴻⵛ ⵏ ⵍⴳⴰⵣ ⴰⴳⴰⵎⴰⵏ (ⵟⴰⴱⵉⵄⵉ) ⵉ ⵓⵃⵔⴰⵣ ⵏ ⵜⵡⴻⵏⵏⴰⴹⵜ.
ⴰⴷ ⴷ-ⵢⵉⵍⵉ ⵏ ⵓⵏⵎⴰⴳⴻⵔ-ⴰ ⵙ ⵓⵃⴷⴰⵕ ⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ (ⴷⴰⵡⵍⴰ) ⴷ ⵢⵉⵏⴰⴱⴰⴹⴻⵏ (ⵃⵓⴽⵓⵎⴰⵜ) ⵏ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ-ⵙ ⵢⴻⵔⵏⴰ ⵢⴻⵍⵍⴰ ⴳⴰⵔ-ⴰⵙⴻⵏ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴰⵢ ⵢⴻⴷⴷⴰⵏ ⵖⴻⵔ ⵉⵕⴰⵏ ⴰⵙⵙ ⵏ ⵍⵃⴻⴷⴷ ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⵙ ⵢⵉⵙⴻⵎ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.
ⵢⴻⵏⵏⵓⵍⴼⴰ-ⴷ ⵓⵏⵎⴰⴳⴻⵔ-ⴰ ⴷⴻⴳ 2001 ⴰⴽⴽⴻⵏ ⴰⴷ ⵉⵃⵓⴷⴷ ⵏⵏⴼⴻⵄ ⵏ ⵜⵎⵓⵔⴰ ⵜⵉⵎⴻⵇⵔⴰⵏⵉⵏ ⴰⵢ ⵢⴻⵙⵙⴰⴵⴰⵡⴻⵏ ⵍⴳⴰⵣ, ⴷ ⴰⵛⵓ ⴽⴰⵏ, ⴰⵔ ⴰⵙⵙ-ⴰ ⵡⴻⵔⵄⴰⴷ ⵓⵔ ⵢⴻⵙⵙⴰⵡⴻⴹ ⴰⵔⴰ ⵓⵏⵎⴰⴳⴻⵔ-ⴰ ⴰⴷ ⵢⴻⴳ ⴰⵢⴰ, ⵢⴻⵔⵏⴰ ⵢⴻⵍⵍⴰ-ⴷ ⴽⴰⵏ ⴷ ⵜⴰⴳⵏⵉⵜ ⵉ ⵓⵎⵛⵉⵡⴻⵕ ⴳⴰⵔ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ-ⵙ.
« ⵜⵉⵎⵓⵔⴰ ⵏ ⵓⵏⵎⴰⴳⴻⵔ ⵏ ⵍⴳⴰⵣ ⵙⵙⴰⵡⴹⴻⵏⵜ ⵖⴻⵔ ⵢⵉⵡⴻⵏ ⵏ ⵓⵙⵡⵉⵔ ⵏ ⵓⵕⵛⴰⴷ ⴰⵢⴷⴻⴳ ⵣⴻⵎⵔⴻⵏⵜ, ⵉⵎⵉⵔ-ⴰ, ⴰⴷ ⵎⵄⴰⵡⴰⵏⴻⵏⵜ ⴳⴰⵔ-ⴰⵙⴻⵏⵜ, ⵓⵍⴰ ⵎⴰ ⵎⴰⵣⴰⵍ-ⵉⵜⴻⵏⵜ ⵎⵅⴰⵚⴰⵎⴻⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⴰⵎⴰⵡⵜ ⵓⵏⴻⵖⵍⴰⴼ ⵉⵕⴰⵏⵉ ⵏ ⵓⵒⵉⵜⵕⵓⵍ, ⴱⵉⵊⴰⵏ ⵏⴰⵎⴷⴰⵔ ⵣⴰⵏⴳⴰⵏⴻⵀ, ⴰⵢ ⵢⴻⵙⵜⴻⵄⵕⴼⴻⵏ ⴷⴰⴽⴽⴻⵏ ⵢⴻⵍⵍⴰ ⵓⵎⵅⴰⵚⴰⵎ ⴷ ⵓⵎⵙⵉⵣⵡⴻⵔ ⴳⴰⵔ ⴽⵔⴰ ⵙⴻⴳ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵏⵎⴰⴳⴻⵔ-ⴰ.
« ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵏⴻⵜⵜⵓ ⴷⴰⴽⴽⴻⵏ ⴽⵔⴰ ⵏ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵜⵓⴷⴷⵙⴰ-ⴰ ⵣⴻⵎⵔⴻⵏⵜ ⴰⴷ ⵉⵍⵉⵏⵜ ⴷ ⵜⵉⵅⵚⵉⵎⵉⵏ ⵢⴻⵔⵏⴰ ⵜⵉⵢⴰⴹ ⴰⵜⴻⵏⵜⵉ ⴷ ⵜⵉⵅⵚⵉⵎⵉⵏ ⵢⴰⴳⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵣⴰⵏⴳⴰⵏⴻⵀ. ⵉ ⵓⵙⵎⴻⴽⵜⵉ, ⵉⵕⴰⵏ ⵜⴻⵙⵙⵓⵎⵓⵔ-ⴷ (ⵜⴰⵇⵜⴰⵔⵉⵃ) ⴰⴷ ⵎⵙⴻⴼⵀⴰⵎⴻⵏⵜ ⵜⵎⵓⵔⴰ ⵏ ⵓⵏⵎⴰⴳⴻⵔ-ⴰ ⴰⴽⴽⴻⵏ ⴰⴷ ⴱⴹⵓⵏⵜ ⵙⵙⵓⵇ ⵏ ⵍⴳⴰⵣ ⴳⴰⵔ-ⴰⵙⴻⵏⵜ ⵖⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⴰⵢ ⵇⴻⵔⴱⴻⵏ ⵖⴻⵔ-ⵙⴻⵏⵜ ⵢⵉⵎⴻⵛⵜⵓⵔⴰ.
