ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴷⵓⴽⵍⵉ ⵜⵓⵕⵓⴼⵉⵜ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵓⵣⴻⴽⴽⴰ ⵏ ⵓⵖⵔⴻⴼ ⴰⵚⴻⵃⵔⴰⵡⵉ
ⴱⵔⵓⵅⴻⵍⵍⴻⵙ – ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⵜⴳⴻⵏⵙⴰⵙⵜ (ⵎⵓⵎⴰⵜⵜⵉⵍⴰ) ⵜⵓⵏⵏⵉⴳⵜ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⵉ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴼⴻⴷⴻⵔⵉⵛⴰ ⵎⵧⴳⵀⴻⵔⵉⵏⵉ, ⴷ ⴰⴽⴽⴻⵏ ⵜⴰⴷⵓⴽⵍⵉ ⵜⵓⵕⵓⴼⵉⵜ ⵎⴰⵣⴰⵍ-ⵉⵜⵜ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ « ⵜⵉⴼⵔⴰⵜ ⵜⴰⵙⴻⵔⵜⵉⵜ ⵜⵓⵖⴷⵉⵎⵜ (ⵄⴰⴷⵉⵍⴰ), ⵜⴰⴷⵓⵎⴰⵜ ⵢⴻⵔⵏⴰ ⴷ ⵜⵉⵏ ⴰⴷ ⵇⴻⴱⵍⴻⵏ ⴰⴽⴽ ⵢⵉⴷⵉⵙⴰⵏ » ⵢⴻⵔⵏⴰ ⴰⴷ ⵜⴻⴵⴵ ⴰⵖⵔⴻⴼ ⵏ ⵓⵏⴻⵥⵔⵓⴼ ⵓⵜⵔⵉⵎ « ⴰⴷ ⵢⴻⵙⵙⴻⵇⴷⴻⵛ ⴰⵣⵔⴻⴼ-ⵏⵏⴻⵙ ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⴰⵍ-ⵎⴰⵚⵉⵔ) ».
ⵎⵧⴳⵀⴻⵔⵉⵏⵉ ⵜⴻⵙⵙⴻⵇⵙⴰ-ⵜⵜ ⵜⵎⴰⵣⴰⵏⵜ (ⵏⴰ’ⵉⴱⴰ) ⵜⵓⵕⵓⴼⵉⵜ ⵒⴰⵍⵧⵎⴰ ⵍⵧⵒⴻⵣ ⴱⴻⵔⵎⴻⵊⵧ ⵏ ⵜⴻⴳⵔⴰⵡⵜ ⵜⴰⴽⵓⵏⴼⵉⴷⵉⵕⴰⵍⵉⵜ ⵏ ⵓⵣⴻⵍⵎⴰⴹ ⴰⴷⵓⴽⵍⴰⵏ ⵓⵕⵓⴼⵉ/ⴰⵣⴻⵍⵎⴰⴹ ⴰⵣⴻⴳⵣⴰⵡ ⴰⴳⴰⴼⴰⵏ, ⵖⴻⴼ ⴷⴷⵓⵕ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷⴻⴳ ⵓⵙⵙⴻⴼⵄⴻⵍ ⵏ ⵜⵏⴻⵖⵜⵓⵙⵜ ⵜⵉⵙ 1514 (ⵅⵠ) ⵏ ⵓⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵍⴰⴷⵖⴰ ⴰⵙⵙⴻⴼⵄⴻⵍ ⵏ ⵓⵣⵔⴻⴼ ⵏ ⵓⴳⴳⵓⵛⵛⴻⵍⵎⴰⵏ ⴰⴷ ⵢⴻⴵⴵⴻⵏ ⵉⵎⴻⵣⴷⴰⵖⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⴰⴷ ⴷ-ⵉⵏⵉⵏ ⵙ ⵜⵍⴻⵍⵍⵉ ⴰⵎⴻⴽ ⴰⵢ ⴱⵖⴰⵏ ⴰⴷ ⵢⵉⵍⵉ ⵓⵣⴻⴽⴽⴰ-ⵏⵙⴻⵏ, ⴷⵖⴰ ⵜⵡⴻⴽⴽⴻⴷ-ⴷ ⵎⵧⴳⵀⴻⵔⵉⵏⵉ ⴷ ⴰⴽⴽⴻⵏ ⵜⴰⴷⵓⴽⵍⵉ ⵜⵓⵕⵓⴼⵉⵜ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵍⵎⴻⴵⵀⵓⴷ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵜⴰⵍⵓⴼⵜ-ⴰ.
« ⵜⴰⴷⵓⴽⵍⵉ ⵜⵓⵕⵓⴼⵉⵜ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵉⴼⵔⴰⵜ ⵜⴰⵙⴻⵔⵜⵉⵜ ⴷ ⵜⵓⵖⴷⵉⵎⵜ, ⴷ ⵜⴰⴷⵓⵎⴰⵏⵜ ⵢⴻⵔⵏⴰ ⴷ ⵜⵉⵏ ⴰⴷ ⵇⴻⴱⵍⴻⵏ ⴰⴽⴽ ⵢⵉⴷⵉⵙⴰⵏ ⵉ ⵍⵎⴻⵏⴷ ⵏ ⵓⴳⴳⵓⵛⵛⴻⵍⵎⴰⵏ ⵏ ⵓⵖⵔⴻⴼ ⵏ ⵓⵏⴻⵥⵔⵓⴼ ⵓⵜⵔⵉⵎ ⵙ ⵓⵎⵙⴻⴼⵀⴰⵎ ⴰⴷ ⵉⵇⴰⴷⵔⴻⵏ ⵉⵙⵡⴰⵏ ⴷ ⵢⵉⵎⴻⵏⵣⴰⵢⴻⵏ (ⵎⴰⴱⴰⴷⵉ’) ⵏ ⵓⵔⴽⴰⵡⴰⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷⴻⴳ ⵜⵔⵉⵔⵉⵜ-ⵏⵏⴻⵙ ⵢⵓⵔⴰⵏ.
ⵎⵧⴳⵀⴻⵔⵉⵏⵉ ⵜⵡⴻⴽⴽⴻⴷ-ⴷ ⴷⴰⵖ ⴷ ⴰⴽⴽⴻⵏ « ⵜⴰⴷⵓⴽⵍⵉ ⵜⵓⵕⵓⴼⵉⵜ ⵓⵔ ⵜⴻⵜⵜⴻⴳ ⴰⵛⴻⵎⵎⴰ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵙⴻⵅⵚⴻⵔ ⵓⵙⵙⵉⵙⴻⵏ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⴱⴷⴻⵔ-ⴷ ⵜⵎⴰⵣⴰⵏⵜ-ⵏⵏⵉ ⵜⵓⵕⵓⴼⵉⵜ ⴰⵛⵖⴰⴱ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵥⴻⵢⵜ ⴰⵢⵢⴻⵙ ⵍⴰ ⵢⴻⵜⵜⴻⴷⴷⵓ ⴼⴻⵔⵔⵓ ⵏ ⵜⴰⵍⵓⴼⵜ-ⴰ ⴷ ⵎⴻⵕⵕⵓⴽ ⴰⵢ ⵍⴰ ⵉⵔⴻⴽⴽⴹⴻⵏ ⴰⵔⴽⴰⴹ ⴷ ⵓⴼⴹⵉⵃ ⵍⵇⴰⵏⵓⵏ ⴰⴳⵔⴰⵖⵍⴰⵏ ⵢⴻⵔⵏⴰ ⵜⴻⵣⴳⴰ ⵜⵔⴻⴽⴽⴻⴹ ⵉⵣⴻⵔⴼⴰⵏ ⵏ ⵓⵎⴷⴰⵏ.
ⴷⵖⴰ ⵜⴻⵏⵏⴰ-ⴷ ⵎⵧⴳⵀⴻⵔⵉⵏⵉ ⵖⴻⴼ ⵜⴻⵎⵙⴰⵍⵜ-ⴰ ⴷ ⴰⴽⴽⴻⵏ ⵜⴰⴷⵓⴽⵍⵉ ⵜⵓⵕⵓⴼⵉⵜ « ⵍⴰ ⵜⴻⵜⵜⴹⴰⴼⴰⵔ ⵙ ⵍⵇⴻⵔⴱ ⵜⴰⴳⵏⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵎⴻⵕⵕⵓⴽ » ⵢⴻⵔⵏⴰ ⵢⴻⵜⵜⵉⵍⵉ-ⴷ ⵡⴰⵢⴰ ⵙ ⵢⵉⴷⵉⵒⵍⵓⵎⴰⵜⵉⵢⴻⵏ-ⵏⵏⴻⵙ ⵢⴻⵍⵍⴰⵏ ⴷⴻⴳ ⵔⵔⴱⴰⵟ.
