ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵎⴰⵙ ⵏ ⵓⵣⵎⴰⵎ ⵏ ⵜⵜⵊⴰⵕⴰ ⵢⴻⵙⵏⴻⵔⵏⴰ ⵙⵙⵔⴰⴱⴻⵙ-ⵏⵏⴻⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⵔⵙ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵣⵎⴰⵎ ⵏ ⵜⵏⴻⵣⵣⵓⵜ (ⵙⵉⴵⵉⵍ ⵜⵉⴵⴰⵔⵉ) ⴰⵙⵏⴰⵙ (ⵜⴰⵟⴱⵉⵇ) ⵓⵎⵉ ⵉⵙⴻⵎⵎⴰ « ⴰⵣⵎⴰⵎ ⵏ ⵜⵏⴻⵣⵣⵓⵜ ⴰⵍⵉⴽⵜⵕⵓⵏⴰⵏ » ⴰⴽⴽⴻⵏ ⴰⴷ ⵢⴻⴵⴵ ⴱⴰⴱ ⵏ ⵓⵣⵎⴰⵎ ⵏ ⵜⵏⴻⵣⵣⵓⵜ ⴰⴷ ⵢⴻⵙⵙⴻⴼⵇⴰⴷ ⵅⵉⵔ ⵍⴻⵛⵖⴰⵍ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴰⵎⵎⴰⵙ-ⴰ ⴷⴻⴳ ⵢⵉⵡⴻⵏ ⵏ ⵍⴱⴰⵢⴰⵏ.

ⴰⵙⵏⴰⵙ-ⴰ ⴰⵎⴰⵢⵏⵓ ⵢⴻⵙⵄⴰ ⵙⵉⵏ ⵏ ⵍⴻⵚⵏⴰⴼ: ⵢⵉⵡⴻⵏ ⵏ ⵚⵚⴻⵏⴼ ⵉ ⵓⴳⴷⵓⴷ ⵙ ⵓⵎⴰⵜⴰ, ⵢⴻⵔⵏⴰ ⴰⴷ ⵢⴻⴵⴵ ⴰⵎⴷⴰⵏ ⴰⴷ ⵢⴻⵙⵙⴻⵏ ⵉⵙⴻⵎ ⵏ ⴱⴰⴱ ⵏ ⵓⵣⵎⴰⵎ ⵏ ⵜⵏⴻⵣⵣⵓⵜ, ⵎⴰ ⴷ ⵚⵚⴻⵏⴼ ⵡⵉⵙ ⵙⵉⵏ ⵢⴻⵜⵜⵡⴰⵅⴷⴻⵎ ⵉ ⵢⵉⵎⴰⵙⵡⴰⴹⴻⵏ (ⵎⵓⴼⴰⵜⵜⵉⵛⵉⵏ) ⴷ ⵢⵉⵛⵔⵉⴽⴻⵏ ⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵣⵎⴰⵎ ⵏ ⵜⵏⴻⵣⵣⵓⵜ (ⵜⵉⴱⴰⵏⴽⵉⵡⵉⵏ, ⵜⴰⴷⵡⴰⵏⵜ, ⵍⴻⵖⵔⴰⵎⴰ) ⴰⵢⴷⴻⴳ ⵣⴻⵎⵔⴻⵏ ⵢⵉⴷⵉⵙⴰⵏ-ⴰ ⴰⴷ ⵙⵙⵏⴻⵏ ⵓⴳⴰⵔ ⵏ ⵜⵜⴼⴰⵚⵉⵍ ⵖⴻⴼ ⴱⴰⴱ ⵏ ⵓⵣⵎⴰⵎ ⵏ ⵜⵏⴻⵣⵣⵓⵜ.

ⵉⵙⵏⴰⵙⴻⵏ-ⴰ ⵣⴻⵎⵔⴻⵏ ⴰⴷ ⴷ-ⵜⵜⵡⴰⵣⴻⴷⵎⴻⵏ ⵙⴻⴳ ⵓⵙⵎⴻⵍ ⵏ ⵉⵏⵜⴻⵔⵏⴻⵜ ⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵣⵎⴰⵎ ⵏ ⵜⵏⴻⵣⵣⵓⵜ (http://www.cnrc.org.dz/), ⵢⴻⵔⵏⴰ ⴰⴷ ⴵⴵⴻⵏ ⴰⵎⴷⴰⵏ ⴰⴷ ⵉⵏⴰⴷⵉ ⵓⵎⵓⵖ (ⵇⴰ’ⵉⵎⴰ) ⵏ 319.858 ⵏ ⵢⵉⵣⵎⴰⵎⴻⵏ ⵏ ⵜⵏⴻⵣⵣⵓⵜ ⵢⴻⵙⵄⴰⵏ ⴰⵏⴳⴰⵍ ⵓⴷⵍⵉⴼⴰⵏ, ⵏⴻⵖ 17% ⵙⴻⴳ ⵡⴰⴽⴽ ⵉⵣⵎⴰⵎⴻⵏ ⵏ ⵜⵏⴻⵣⵣⵓⵜ ⵏ ⵜⵎⵓⵔⵜ.

« ⴰⵢⴰ ⵢⴻⵜⵜⴻⴽⴽⴰⵢ ⴷⴻⴳ ⵓⵙⵙⴻⴱⴷⴻⴷ ⵏ ⵓⵣⵎⴰⵎ ⵏ ⵜⵏⴻⵣⵣⵓⵜ ⴰⵍⵉⴽⵜⵕⵓⵏⴰⵏ ⴰⴷ ⵢⴻⴵⴵⴻⵏ ⴰⴷ ⴷ-ⵢⵉⵍⵉ ⵍⴰⵎⴰⵏ ⴷⴻⴳ ⵓⵙⵙⵓⴼⴼⴻⵖ ⵏ ⵍⴽⴰⵖⴻⴹ ⵏ ⵓⵣⵎⴰⵎ ⵏ ⵜⵏⴻⵣⵣⵓⵜ, ⴰⵙⵙⴻⵍⴽⴻⵏ ⴷ ⵓⵙⵙⴻⴼⵇⴻⴷ ⵏ ⵢⵉⵙⴻⴼⴽⴰ-ⵏⵏⴻⵙ (ⵎⵓⵄⵟⴰⵢⴰⵜ) ⵙ ⵉⵏⵜⴻⵔⵏⴻⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵍⴱⴰⵢⴰⵏ ⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵣⵎⴰⵎ ⵏ ⵜⵏⴻⵣⵣⵓⵜ.

ⵜⴰⵖⵓⵔⵉ ⵏ ⵓⵏⴳⴰⵍ ⵏ ⵜⵖⴻⵍⵍⵉⵙⵜ (ⵛⵉⴼⵔⴰ ⵎⵓ’ⴰⵎⵎⴰⵏⴰ) ⴰⴷ ⴷ-ⵢⵉⵍⵉ ⵙ ⵓⵎⴻⵖⵔⵉ ⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵣⵎⴰⵎ ⵏ ⵜⵏⴻⵣⵣⵓⵜ, ⵢⴻⵔⵏⴰ ⴰⵎⴻⵖⵔⵉ-ⴰ ⴷ ⴰⵀⵉⵍ ⴰⵢ ⵉⵣⴻⵎⵔⴻⵏ ⴰⴷ ⵢⴻⴷⴷⵓ ⴷⴻⴳ ⵜⵜⴰⵡⵉⵍⴰⵜ ⴰⵢ ⵢⴻⵙⵄⴰⵏ ⵜⴰⵚⴻⵡⵡⴰⵔⵜ ⴰⵎ ⵓⵙⴰⵡⴰⵍ ⴰⵎⴻⴳⵣⵓ (ⵀⴰⵜⵉⴼ ⴷⴰⴽⵉ) ⵏⴻⵖ ⵜⴰⴱⵍⴰⴹⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵣⵎⴰⵎ ⵏ ⵜⵏⴻⵣⵣⵓⵜ.

ⴰⵎⴻⵖⵔⵉ-ⴰ ⴰⴷ ⵢⴻⴵⴵ ⴱⴰⴱ-ⵏⵏⴻⵙ ⴰⴷ ⵉⵖⴻⵔ ⵢⴻⵔⵏⴰ ⴰⴷ ⵢⴻⵙⵙⴻⴼⵇⴻⴷ ⴷⴻⴳ ⵉⵏⵜⴻⵔⵏⴻⵜ ⵎⴰ ⵚⴻⵃⵃⴰⵏⵜ ⵜⴻⵍⵖⴰ (ⵎⴰⵄⵍⵓⵎⴰⵜ) ⵏ ⵓⵣⵎⴰⵎ ⵏ ⵜⵏⴻⵣⵣⵓⵜ.

ⵜⵉⵍⵖⴰ ⴰⵢ ⵢⴻⵜⵜⴰⴵⴵⴰⵏ ⴰⵎⴷⴰⵏ ⴰⴷ ⵢⴻⵙⵙⴻⴼⵇⴻⴷ ⵎⴰ ⵉⵚⴻⵃⵃⴰ ⵓⵣⵎⴰⵎ ⵏ ⵜⵏⴻⵣⵣⵓⵜ ⵏⵉⵜⴻⵏⵜⵉ ⴷ ⵓⴹⴹⵓⵏ ⵏ ⵓⵣⵎⴰⵎ ⵏ ⵜⵏⴻⵣⵣⵓⵜ, ⵉⵙⴻⵎ ⵏ ⵜⵡⴰⵛⵓⵍⵜ ⴷ ⵢⵉⵙⴻⵎ ⵏ ⵓⵎⵙⴻⵏⵣⵓ (ⵜⴰⴵⵉⵔ) ⴷ ⵢⵉⵙⴻⵎ ⵏ ⵜⴽⴻⴱⴱⴰⵏⵉⵜ-ⵏⵏⴻⵙ, ⵜⴰⵡⵉⵍⴰⵢⵜ ⴰⵢⴷⴻⴳ ⴰⵢ ⵜⵜ-ⵢⴻⴽⵍⴻⵙ (ⵙⴰⴵⴵⴰⵍⴰ) ⴷ ⵜⴻⴳⵏⵉⵜ ⴰⵢⴷⴻⴳ ⵢⴻⵍⵍⴰ ⵓⵎⵙⴻⵏⵣⵓ-ⵏⵏⵉ (ⵎⴰ ⵎⴰⵣⴰⵍ-ⵉⵜ ⵉⵅⴻⴷⴷⴻⵎ ⵏⴻⵖ ⵢⴻⵜⵜⵡⴰⴽⴽⴻⵙ).