ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵖⵉⵍⵜ: ⵜⵉⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵜⴻⵍⵖⵓⵖⴰ ⵏ ⵜⵓⴽⵢⴰⵏⵓⵙⵜ-ⵜⴰⴼⵔⵉⵇⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⴻⵇⵇⴰⵎⵓ ⵏ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵜⴻⵍⵖⵓⵖⴰ ⵏ ⵜⵉⵖⵉⵍⵜ ⵏ « ⵜⵓⴽⵢⴰⵏⵓⵙⵜ-ⵜⴰⴼⵔⵉⵇⵜ » ⴰⴷ ⴷ-ⵢⵉⵍⵉⵏ ⵙⴻⴳ 1 ⵖⴻⵔ 3 ⵢⴻⴱⵔⵉⵔ 2016 ⴷⴻⴳ ⵍⴻⵣⵣⴰⵢⴻⵔ, ⵉⴳⴰ ⴰⵙⵙ ⵏ ⵍⴻⵜⵏⵉⵢⴻⵏ ⵜⵉⵎⵍⵉⵍⵉⵜ-ⵏⵏⴻⵙ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵅⵅⴰⵎ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍⴻⵏ ⵏ ⵜⵉⵖⵉⵍⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ. ⵉ ⵓⵙⵎⴻⴽⵜⵉ, ⵡⵉⴷ ⴰⴷ ⴷ-ⵢⴻⴼⵔⵓⵔⵉⵏ ⵙⴻⴳ ⵜⴻⵍⵖⵓⵖⴰ-ⴰ ⴰⴷ ⵜⵜⴻⴽⴽⵉⵏ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016 ⴰⴷ ⴷ-ⵢⵉⵍⵉⵏ ⴷⴻⴳ ⵔⵉⵧ ⴷⴻ ⵊⴰⵏⴻⵉⵔⵧ.

ⵜⴻⵍⵍⴰ-ⴷ ⵜⴻⵎⵍⵉⵍⵉⵜ-ⴰ ⴷⴷⴰⵡ ⵜⵙⴻⵍⵡⵉⵜ ⵏ ⵢⵉⵎⴹⴻⴱⴱⴻⵔ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍⴻⵏ ⵏ ⵜⵉⵖⵉⵍⵜ, ⵔⴰⴱⴰⵀ ⵛⵀⴻⴱⴰⵀ, ⵢⴻⵔⵏⴰ ⵡⵡⵉⵏ-ⴷ ⴷⴻⴳ-ⵙ ⴰⵡⴰⵍ ⵖⴻⴼ ⵓⵇⴻⵢⵢⴻⵎ ⵏ ⵓⵙⵙⴻⵡⵊⴻⴷ ⵙⴻⴳ ⵢⵉⴷⵉⵙⴰⵏ-ⵏⵏⴻⵙ ⵢⴻⵎⴳⴻⵔⵔⴰⴷⴻⵏ ⴷ ⵓⵅⴻⴷⴷⵉⵎ ⴰⵢ ⴳⴰⵏⵜ ⴰⵔ ⴰⵙⵙ-ⴰ ⵜⵙⴻⵇⵇⵓⵎⴰ ⵏ ⵓⵙⵙⴻⵣⴷⴻⵖ, ⵏ ⵓⵎⴻⵙⵏⵉ (ⵏⴰⵇⵍ) ⴷ ⵜⴻⵖⵡⴰⵍⵜ (ⵉⵜⵜⵉⵚⴰⵍ).

ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⴼⴽⴰ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍⴻⵏ ⵏ ⵜⵉⵖⵉⵍⵜ, ⵍⴻⵡⵚⴰⵢⴰⵜ ⵉⴵⴻⵀⴷⴻⵏ ⵉ ⵢⵉⵎⴹⴻⴱⴱⵔⴻⵏ ⵏ ⵜⵙⴻⵇⵇⵓⵎⴰ ⵢⴻⵎⴳⴻⵔⵔⴰⴷⴻⵏ ⴰⴽⴽⴻⵏ ⴰⴷ ⴷ-ⵙⵡⴻⵊⴷⴻⵏ ⵜⴰⵍⵖⵓⵖⴰ-ⴰ ⴰⴽⴽⴻⵏ ⵉⴳⴻⵔⵔⴻⵣ, ⵉⵎⵉ ⵜⴰ ⴷ « ⵜⴰⴳⵏⵉⵜ ⵉ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵜⴻⴵⴵ ⴰⵎⴹⴰⵏ (ⵄⴰⴷⴰⴷ) ⴰⵎⴻⵇⵔⴰⵏ ⴰⴽⴽ ⵏ ⵢⵉⵏⴰⴷⴷⴰⵍⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016 ».

ⵙⴻⴳ ⵢⵉⴷⵉⵙ ⵏ ⵓⵙⵙⵓⴷⴷⴻⵙ, ⴰⵟⴰⵙ ⵏ ⵜⴻⵏⵇⵉⴹⵉⵏ ⴰⵢⵖⴻⴼ ⴷ-ⵙⵙⴰⵡⵍⴻⵏ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴻⵇⵇⴰⵎⵓ ⵓⵃⵕⵉⵙ, ⴳⴰⵔ-ⴰⵙⴻⵏⵜ ⵉⵙⴻⵏⵙⴰ (ⴼⴰⵏⴰⴷⵉⵇ) ⴰⵢⴷⴻⴳ ⴰⴷ ⵏⵙⴻⵏ ⵢⵉⵏⴰⴷⴷⴰⵍⴻⵏ, ⵜⴰⵖⵡⴰⵍⵜ ⴷ ⵓⵙⵙⴻⵡⵊⴻⴷ ⵏ ⵜⴻⵖⵍⴰⵎⵉⵏ ⵜⵉⵖⴻⵍⵏⴰⵡⵉⵏ.

ⴷⴻⴳ ⵜⴻⵔⵣⵉ-ⵏⵏⴻⵙ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⵖⴻⴼ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵙⵙⴻⴼⵇⴻⴷ ⵓⵏⴻⵙⵎⵉⴳⴰⵍ (ⵎⵓⴼⴰⵡⵡⴰⴹ) ⴰⵜⴻⴽⵏⵉ ⵏ ⵜⴷⵓⴽⵍⵉ ⵜⴰⵎⴰⴹⵍⴰⵏⵜ ⵏ ⵜⵉⵖⵉⵍⵜ, ⴼⵧⵓⴰⴷ ⵎⴻⵙⴽⵧⵓⵜ, ⵜⵉⵣⴻⵖⵡⵉⵏ ⵏ ⵡⴰⴷⴷⴰⵍ ⵏ ⵀⴰⵔⵛⵀⴰ-ⵀⴰⵛⴻⵏⴻ ⴷ ⵜⵇⵓⴱⴱⴻⵜ ⵏ ⵓⵙⵓⴷⴷⵉⵙ ⵓⵍⵉⵎⵒⵉ ⵏ ⵎⵧⵀⴰⵎⴻⴷ-ⴱⵧⵓⴷⵉⴰⴼ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⵢⴻⵙⵙⴻⴼⵇⴻⴷ ⴷⴰⵖ ⵉⵙⴻⵏⵙⴰ ⴰⵢⴷⴻⴳ ⵍⴰ ⵙⵙⴻⴼⵔⴰⵢⴻⵏ ⴰⴷ ⵙⵙⴻⵏⵙⴻⵏ ⵉⵏⴰⴷⴷⴰⵍⴻⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵍⵖⵓⵖⴰ ⵏ « ⵜⵓⴽⵢⴰⵏⵓⵙⵜ-ⵜⴰⴼⵔⵉⵇⵜ ».

ⵜⴰⵍⵖⵓⵖⴰ ⵏ ⵜⵉⵖⵉⵍⵜ « ⵜⵓⴽⵢⴰⵏⵓⵙⵜ-ⵜⴰⴼⵔⵉⵇⵜ » (1 ⵖⴻⵔ 3 ⵢⴻⴱⵔⵉⵔ 2016) ⴰⴷ ⵜⵜⴻⴽⴽⵉⵏ ⴷⴻⴳ-ⵙ 351 ⵏ ⵢⵉⵏⴰⴷⴷⴰⵍⴻⵏ ⵙⴻⴳ 30 ⵏ ⵜⵎⵓⵔⴰ ⵏ ⵜⴻⴼⵔⵉⵇⵜ ⴷ 9 ⵏ ⵜⵎⵓⵔⴰ ⵏ ⵜⵓⴽⵢⴰⵏⵓⵙⵜ.