ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ 2016: « ⴰⴷ ⴷ-ⵏⴻⵙⵙⴻⵡⵊⴻⴷ ⴰⴽⴽ ⵜⵜⴰⵡⵉⵍⴰⵜ ⵉ ⵢⵉⵏⴰⴷⴷⴰⵍⴻⵏ-ⵏⵏⴻⵖ »
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍ ⵏ ⵢⵉⵎⴻⵄⴷⴰⵕ, ⵔⴰⵛⵀⵉⴷ ⵀⴰⴷⴷⴰⴷ, ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⴰⴷ ⵜⴻⴼⴽ ⴰⴽⴽ ⵜⵜⴰⵡⵉⵍⴰⵜ ⵉⵡⴰⵜⴰⵏ ⵉ ⵢⵉⵏⴰⴷⴷⴰⵍⴻⵏ ⴷ ⵜⴻⵖⵍⴰⵎⵉⵏ ⵜⵉⴷⵣⴰⵢⵔⵉⵢⵉⵏ ⴰⴷ ⵉⵄⴻⴷⴷⵉⵏ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ ⵔⵉⵧ (ⵛⵜⴻⵎⴱⴻⵕ 2016) ⴰⴽⴽⴻⵏ ⴰⴷ ⵙⵡⴻⵊⴷⴻⵏ ⵉⵎⴰⵏ-ⵏⵙⴻⵏ ⴰⴽⴽⴻⵏ ⵉⴳⴻⵔⵔⴻⵣ.
« ⵜⴰⴼⵉⴷⵉⵕⴰⵍⵉⵜ ⵓⵔ ⵜⴻⵜⵜⵛⵓⵃⵃⵓ ⴰⵔⴰ ⵖⴻⴼ ⵜⵜⴰⵡⵉⵍ. ⴰⴷ ⴰⵡⴻⵏ-ⵜⴻⴼⴽ ⴰⴽⴽ ⵜⵜⴰⵡⵉⵍⴰⵜ ⵢⴻⵙⵙⴻⴼⴽⴻⵏ ⴰⴽⴽⴻⵏ ⴰⴷ ⵜⴻⵙⵡⴻⵊⴷⴻⵎ ⵉⵎⴰⵏ-ⵏⵡⴻⵏ ⴰⴽⴽⴻⵏ ⵉⴳⴻⵔⵔⴻⵣ, ⴷⴻⴳ ⵜⴻⴳⵏⴰⵜⵉⵜ ⵜⵉⵎⵅⴻⵢⵢⵔⵉⵏ, ⵉ ⵍⵎⴻⵏⴷ ⵏ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⴰⵢⵢⴻⵙ ⴰⴷ ⵜⴼⴰⴽ ⵜⴰⵍⵍⵓⵙⵜ ⵜⴰⵏⴰⴷⴷⴰⵍⵜ ⵏ ⵢⴰⵍ ⵜⴰⴼⵉⴷⵉⵕⴰⵍⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵀⴰⴷⴷⴰⴷ ⵉ ⵢⵉⵙⵍⴻⵖⵎⴰⵢⴻⵏ (ⵎⵓⴷⴰⵔⵔⵉⴱⵉⵏ) ⵏ ⵢⵉⵏⴰⴷⴷⴰⵍⴻⵏ ⴷ ⵜⴻⵖⵍⴰⵎⵉⵏ ⴰⵢ ⵉⵄⴻⴷⴷⴰⵏ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵅⴻⴷⴷⵉⵎ ⴷ ⵓⵇⴻⵢⵢⴻⵎ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
ⴷⴻⴼⴼⵉⵔ ⵎⴰ ⵢⴻⵙⵙⴰⵡⴻⵍ-ⴷ ⵢⴰⵍ ⵉⵎⵜⵜⴻⴽⴽⵉ ⵖⴻⴼ ⵓⵇⴻⵢⵢⴻⵎ ⴰⵜⴻⴽⵏⵉ ⵏ ⵢⵉⴳⵎⴰⴹ ⴰⵢ ⴷ-ⵡⵡⵉⵏ ⵢⵉⵏⴰⴷⴷⴰⵍⴻⵏ, ⵍⴰⴷⵖⴰ ⴷⴻⴳ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ ⵜⴰⵜⵍⵉⵜⵉⵜ ⵏ ⴷⴷⵓⵃⴰ (ⵇⴰⵟⴰⵔ) ⴷ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵓⴹⴰⵔ ⵏ ⵢⵉⵎⴻⵄⴷⴰⵕ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ), ⴰⵢⴷⴻⴳ ⵡⵉⴷ ⴰⵢ ⴷ-ⵢⴻⴼⵔⵓⵔⵉⵏ ⵄⴻⴷⴷⴰⵏ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ, ⵢⴻⵔⵔⴰ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⵊⵎⵉⵍⵜ ⵉ ⵢⵉⴳⵎⴰⴹ ⴰⵢ ⴷ-ⵡⵡⵉⵏ ⵢⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ ⵢⴻⵔⵏⴰ ⵢⴻⵔⵔⴰ ⵜⴰⵊⵎⵉⵍⵜ ⵉ ⵢⵉⵏⴰⴷⴷⴰⵍⴻⵏ ⴷ ⵢⵉⵙⵍⴻⵖⵎⴰⵢⴻⵏ-ⵏⵙⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⴰⴽⴽⴻⵏ ⴰⴷ ⵇⵇⵉⵎⴻⵏ ⴷⵉⵎⴰ ⵔⵔⴰⵏ ⵍⵡⴻⵍⵀⴰ-ⵏⵙⴻⵏ ⵖⴻⵔ ⵓⵅⴻⴷⴷⵉⵎ, ⴰⵛⴽⵓ « ⴰⵢⴻⵏ ⵉⵡⴻⵄⵕⴻⵏ ⵎⴰⵣⴰⵍ ⵢⴻⴳⴳⵓⵏⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵎⴰ ⴷ ⵣⵧⵓⴱⵉⵔ ⴰⵉⵛⵀⴰⵉⵏⴻ, ⴰⵏⴻⵎⵀⴰⵍ (ⵎⵓⴷⵉⵔ) ⴰⵜⴻⴽⵏⵉ ⴰⵖⴻⵍⵏⴰⵡ, ⵢⴻⵏⵛⴻⴷ-ⴷ ⵉⵙⵍⴻⵖⵎⴰⵢⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵜⴻⵎⵍⵉⵍⵉⵢⵉⵏ ⴰⴷ ⵜⴻⴳ ⵜⵎⴻⵀⵍⴰ-ⵏⵏⴻⵙ (ⵎⵓⴷⵉⵔⵉⵢⵢⴰ) ⵙⴻⴳ ⵡⴰⵙⵙ ⵏ ⵍⴻⵜⵏⵉⵢⴻⵏ ⴷ ⴰⵙⴰⵡⴻⵏ ⴰⴽⴽⴻⵏ ⴰⴷ ⴷ-ⵙⵡⴻⵊⴷⴻⵏ ⴰⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵓⵙⵙⴻⵡⵊⴻⴷ ⵏ ⵢⵉⵏⴰⴷⴷⴰⵍⴻⵏ ⵢⴻⵔⵏⴰ ⴰⴷ ⵥⵔⴻⵏ ⴷ ⴰⵛⵓ ⴰⵢ ⵃⵡⴰⴵⴻⵏ.
