Asebter amenzawi
Uraren Ulimpiyen n Yimeɛdaṛ n 2016: « ad d-nessewjed akk ttawilat i yinaddalen-nneɣ »
LEZZAYER TAMANEɣT – Yenna-d uselway n Tfidiṛalit Tadzayrit n Waddal n Yimeɛdaṛ, Rachid Haddad, d akken Lezzayer ad tefk akk ttawilat iwatan i yinaddalen d teɣlamin tidzayriyin ad iɛeddin ɣer Wuraren Ulimpiyen n Yimeɛdaṛ n Rio (Ctembeṛ 2016) akken ad swejden iman-nsen akken igerrez.
« Tafidiṛalit ur tettcuḥḥu ara ɣef ttawil. Ad awen-tefk akk ttawilat yessefken akken ad teswejdem iman-nwen akken igerrez, deg tegnatit timxeyyrin, i lmend n Wuraren Ulimpiyen n Yimeɛdaṛ ayyes ad tfak tallust tanaddalt n yal Tafidiṛalit », ɣef wakken ay d-yenna Haddad i yisleɣmayen (mudarribin) n yinaddalen d teɣlamin ay iɛeddan ɣer wuraren ulimpiyen n yimeɛdaṛ deg yiwet n temlilit n uxeddim d uqeyyem ay d-yellan deg Lezzayer Tamaneɣt.
Deffir ma yessawel-d yal imttekki ɣef uqeyyem atekni n yigmaḍ ay d-wwin yinaddalen, ladɣa deg Telɣuɣa n Umaḍal n Tatlitit n Dduḥa (Qaṭar) d Telɣuɣa n Tefriqt n Tcirt n Uḍar n Yimeɛdaṛ (Lezzayer Tamaneɣt), aydeg wid ay d-yefrurin ɛeddan ɣer Wuraren Ulimpiyen n Yimeɛdaṛ, yerra uselway n tfidiṛalit tajmilt i yigmaḍ ay d-wwin yinaddalen idzayriyen yerna yerra tajmilt i yinaddalen d yisleɣmayen-nsen, am wakken ay d-iḥettet akken ad qqimen dima rran lwelha-nsen ɣer uxeddim, acku « ayen iweɛṛen mazal yegguni », ɣef wakken ay d-yenna.
Ma d Zoubir Aichaine, anemhal (mudir) atekni aɣelnaw, yenced-d isleɣmayen akken ad ttekkin deg temliliyin ad teg tmehla-nnes (mudiriyya) seg wass n letniyen d asawen akken ad d-swejden aɣawas (muxaṭṭaṭ) n ussewjed n yinaddalen yerna ad ẓren d acu ay ḥwaǧen.
