ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵜⵉⵏⵉⵙ: ⴰⵙⴻⵜⵜⴻⴼ ⴰⵎⴰⴹⵍⴰⵏ ⵏ « ⵢⵉⵍⴻⵎⵥⵉⵢⴻⵏ » - ⵉⴱⴱⵧⵓ ⴷ ⵜⵉⵙ 33

ⵍⵧⵏⴷⵧⵏ – ⵜⴻⵔⴱⴻⵃ-ⴷ ⵜⵎⴰⵔⵉⵔⵜ ⵜⴰⴷⵣⴰⵢⵔⵉⵜ ⵏ ⵓⵜⵉⵏⵉⵙ, ⵉⵏⴻⵙ ⵉⴱⴱⵧⵓ, 8 ⵏ ⵢⵉⵎⵓⴽⴰⵏ ⴷⴻⴳ ⵓⵙⴻⵜⵜⴻⴼ ⴰⵎⴰⴹⵍⴰⵏ ⵏ « ⵢⵉⵍⴻⵎⵥⵉⵢⴻⵏ », ⵢⴻⵔⵏⴰ ⵜⵓⵙⴰ-ⴷ ⴷⴻⴳ ⵓⵎⴽⴰⵏ ⵡⵉⵙ 33 ⵖⴻⴼ ⵍⴻⵃⵙⴰⴱ ⵏ ⵓⵙⴻⵜⵜⴻⴼ ⴰⵢ ⴷ-ⵜⴻⵙⵙⵓⴼⴼⴻⵖ ⴰⵙⵙ ⵏ ⵍⴻⵜⵏⵉⵢⴻⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵜⵉⵏⵉⵙ.

ⴷⴻⴳ ⵜⴻⵣⵡⴰⵔⴰ ⵏ 2015, ⵉⴱⴱⵧⵓ (16 ⵏ ⵢⵉⵙⴻⴳⴳⴰⵙⴻⵏ) ⵜⴻⵍⵍⴰ ⴷⴻⴳ ⵓⵎⴽⴰⵏ ⵡⵉⵙ 152, ⵎⴰⵛⴰ ⵔⵔⴱⴻⵃ-ⵏⵏⴻⵙ ⴷⴻⴳ ⵜⴻⴼⵔⵉⵇⵜ ⴷⴻⴳ ⵢⴻⴱⵔⵉⵔ ⵏ ⵓⵙⴻⴳⴳⴰⵙ-ⴰ ⴷⴻⴳ ⵍⵇⴰⵀⵉⵔⴰ (ⵎⴰⵚⴻⵔ) ⵢⴻⵙⵙⵓⵍⵉ-ⵜⵜ-ⵉⴷ ⵖⴻⵔ 50 ⵏ ⵜⵎⴰⵔⵉⵔⵉⵏ ⵜⵉⵎⴻⵣⵡⵓⵔⴰ ⵏ ⵓⵎⴰⴹⴰⵍ.

ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ ⵏ ⴷⴷⴰⵡ ⵏ 18 ⵏ ⵢⵉⵙⴻⴳⴳⴰⵙⴻⵏ ⵜⴽⴻⵎⵎⴻⵍ ⵜⴻⵜⵜⴰⵍⵉ-ⴷ ⴰⵔⵎⵉ ⴰⵢ ⴷ-ⵜⴻⵡⵡⴻⴹ ⵖⴻⵔ ⵓⵎⴽⴰⵏ ⵡⵉⵙ 40.

ⵜⵉⴽⴽⴻⵍⵜ-ⴰ, ⴰⵜⵜⴰⵏ ⴷⴻⴳ ⵓⵎⴽⴰⵏ ⵡⵉⵙ 33. ⴷ ⵡⴰ ⴰⵢ ⴷ ⴰⵎⴽⴰⵏ ⵉⴳⴻⵔⵔⵣⴻⵏ ⴰⴽⴽ ⴰⵢ ⴷ-ⵜⴻⵡⵡⵉ ⵉⴱⴱⵧⵓ ⵢⴻⵔⵏⴰ ⵎⴰⵣⴰⵍ ⵜⴻⵙⵄⴰ ⵜⴰⴳⵏⵉⵜ ⴰⴽⴽⴻⵏ ⴰⴷ ⵜⴻⵙⵙⴻⵍⵀⵓ ⴰⵙⴻⵜⵜⴻⴼ-ⵏⵏⴻⵙ ⴷⴻⴳ ⵍⴻⵡⴷⴰⵕ ⴰⵢ ⴷ-ⵢⴻⵜⵜⴻⴷⴷⵓⵏ.

ⵜⴰⵎⴰⵔⵉⵔⵜ-ⴰ ⵜⴰⴷⵣⴰⵢⵔⵉⵜ ⵎⴰⵣⴰⵍ ⴰⴷ ⵜⴻⵜⵜⴻⴽⴽⵉ ⴷⴻⴳ 3 ⵏ ⵢⵉⵎⵙⵉⵣⴻⵡⵔⴻⵏ ⵉⴳⵔⴰⵖⵍⴰⵏⴻⵏ ⴷⴻⴳ ⵜⴻⵎⵔⵉⴽⵜ ⵏ ⵓⴳⴰⴼⴰ ⴷⴻⴳ ⵜⴳⴰⵔⴰ ⵏ ⵏⵡⴻⵎⴱⴻⵕ ⴷ ⵜⴻⵣⵡⴰⵔⴰ ⵏ ⴷⵓⵊⴻⵎⴱⴻⵕ ⵏ 2015, ⵢⴻⵔⵏⴰ ⴰⴽⴽ ⵉⵎⵙⵉⵣⴻⵡⵔⴻⵏ-ⴰ ⴰⴷ ⴰⵙ-ⵉⵍⵉⵏ ⵜⵉⴳⵏⴰⵜⵉⵏ ⴰⴽⴽⴻⵏ ⴰⴷ ⵜⴻⵔⵏⵓ ⴰⴷ ⵜⴻⵔⴱⴻⵃ ⵜⵉⵏⵇⵉⴹⵉⵏ.

ⴷⴻⴼⴼⵉⵔ ⵜⴻⵍⵖⵓⵖⴰ ⵏ ⴰⴱⵉⴻⵔⵜⵧ ⵊⵓⵠⴻⵏⵉⵍ ⵎⴻⵅⵉⵛⴰⵏⵧ ⴰⵢ ⴷ-ⵢⴻⵍⵍⴰⵏ ⴳⴰⵔ 16 ⴷ 22 ⵏⵡⴻⵎⴱⴻⵕ ⴷⴻⴳ ⵎⴻⵅⵉⵛⵧ, ⴰⴷ ⵜⴻⵜⵜⴻⴽⴽⵉ ⵉⴱⴱⵧⵓ ⴷⴻⴳ ⵜⴻⵥⵔⵉⴳⵜ (ⵟⴰⴱⵄⴰ) ⵜⵉⵙ 29 ⵏ ⵜⴻⵇⴱⵓⵛⵜ ⵏ ⵢⵓⵛⴰⵜⴰⵏ ⴰⴷ ⴷ-ⵢⵉⵍⵉⵏ ⴳⴰⵔ 23 ⴷ 28 ⵏⵡⴻⵎⴱⴻⵕ ⴷⴻⴳ ⵜⴻⵎⴷⵉⵏⵜ-ⴰ.

ⵙⴰⴽⴽⵉⵏ, ⴰⴷ ⵜⴻⴷⴷⵓ ⵉⴱⴱⵧⵓ ⵖⴻⵔ ⴼⵍⵧⵔⵉⴷⴰ (ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ) ⴰⵏⴷⴰ ⴰⴷ ⵜⴻⵜⵜⴻⴽⴽⵉ ⴷⴻⴳ ⵜⴻⵍⵖⵓⵖⴰ ⵏ ⴻⴷⴷⵉⴻ ⵀⴻⵔⵔ, ⴳⴰⵔ 30 ⵏⵡⴻⵎⴱⴻⵕ ⴷ 6 ⴷⵓⵊⴻⵎⴱⴻⵕ, ⵙⴰⴽⴽⵉⵏ, ⴰⴷ ⵜⴻⵔⵏⵓ ⴰⴷ ⵜⴻⵜⵜⴻⴽⴽⵉ ⴷⴻⴳ ⵧⵔⴰⵏⴳ ⴱⵧⵡⵍ ⴳⴰⵔ 7 ⴷ 13 ⴷⵓⵊⴻⵎⴱⴻⵕ.

ⴷⴻⴳ ⵜⴻⵍⵖⵓⵖⴰ ⵏ ⴰⴱⵉⴻⵔⵜⵧ ⵊⵓⵠⴻⵏⵉⵍ ⵎⴻⵅⵉⵛⴰⵏⵧ, ⵉⴱⴱⵧⵓ ⵜⴻⵔⴱⴻⵃ-ⴷ ⵜⵉⵎⵍⵉⵍⵉⵢⵉⵏ-ⵏⵏⴻⵙ ⵜⵉⵎⴻⵣⵡⵓⵔⴰ ⵎⴳⴰⵍ ⵜⵎⴰⵚⵔⵉⵜ ⵍⴰⵎⵉⵙ ⴰⵍ-ⵀⵓⵙⵙⴻⵉⵏ ⴰⴱⴷⴻⵍ-ⴰⵣⵉⵣ (6-2, 6-3) ⴷ ⵜⵎⴰⵔⵉⴽⴰⵏⵉⵜ ⵏⴰⴷⵉⴰ ⴳⵉⵣⴷⵧⵠⴰ (6-3, 6-3), ⵎⴰⵛⴰ ⵜⴻⵅⵚⴻⵔ ⴷⴻⴳ ⵜⵓⵣⵣⵢⴰ ⵜⵉⵙ 3, ⴰⵙⵙ ⵏ 20 ⵏⵡⴻⵎⴱⴻⵕ ⵎⵉ ⵜⵓⵔⴰⵔ ⵎⴳⴰⵍ ⵜⵎⴰⵔⵉⴽⴰⵏⵉⵜ ⴰⵍⴻⵅⴰⵏⴷⵔⴰ ⵙⴰⵏⴼⵧⵔⴷ.

ⴷ ⴰⵛⵓ ⴽⴰⵏ, ⵍⴻⵎⵎⴻⵔ ⵉⴱⴱⵧⵓ ⴰⴷ ⴷ-ⵜⴰⵡⵉ ⴰⵎⴻⵛⵡⴰⵕ ⵉⴳⴻⵔⵔⵣⴻⵏ ⵓⴳⴰⵔ ⴷⴻⴳ 3 ⵜⴻⵍⵖⵓⵖⵉⵡⵉⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⴰⴷ ⵜⴻⵙⵙⵉⵡⴻⴹ ⴰⴷ ⵜⴻⵙⵙⴻⵍⵀⵓ ⴰⵙⴻⵜⵜⴻⴼ-ⵏⵏⴻⵙ ⴰⵎⴰⴹⵍⴰⵏ, ⵉⵎⵉ ⵢⴰⵍ ⵢⵉⵡⴻⵏ ⵙⴻⴳ ⵢⵉⵎⵙⵉⵣⴻⵡⵔⴻⵏ-ⴰ ⴷ ⵜⴰⴳⵏⵉⵜ ⵉ ⵓⵔⴱⴰⵃ ⵏ ⵡⴰⵟⴰⵙ ⵏ ⵜⴻⵏⵇⵉⴹⵉⵏ.