ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴱⵖⴰⵏ ⴰⴷ ⴷ-ⵙⴷⵓⵇⵇⵙⴻⵏ ⵍⴻⵎⵛⴰⵡⵕⴰⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴱⴷⴰ ⵓⵎⴰⵣⵓⵏ (ⵎⴰⴱⵄⵓⵜ) ⵓⴷⵎⴰⵡⴰⵏ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵏⴻⵥⵔⵓⴼ ⵓⵜⵔⵉⵎ, ⵛⵀⵔⵉⵙⵜⵧⵒⵀⴻⵔ ⵔⵧⵙⵙ, ⴰⵙⵙ ⵏ ⵍⴻⵜⵏⵉⵢⴻⵏ, ⵜⵉⵔⵣⵉ ⵖⴻⴼ ⵜⴻⵎⵏⴰⴹⵜ ⴰⴽⴽⴻⵏ ⴰⴷ ⵢⴻⵄⵔⴻⴹ ⴰⴷ ⴷ-ⵢⴻⵙⴷⵓⵇⵇⴻⵙ ⵍⴻⵎⵛⴰⵡⵕⴰⵜ ⴳⴰⵔ ⵎⴻⵕⵕⵓⴽ ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ.
ⴷⴻⴳ ⵓⵃⵔⵉⵛ ⴰⵎⴻⵣⵡⴰⵔⵓ ⵏ ⵜⴻⵔⵣⵉ-ⵏⵏⴻⵙ ⵖⴻⴼ ⵍⴻⵣⵣⴰⵢⴻⵔ, ⵢⴻⵍⵍⴰⵏ ⴷ ⵜⴰⵎⵓⵔⵜ ⵜⴰⵎⴰⵏⴰⵢⵜ (ⵎⵓⵔⴰⵇⵉⴱⴰ) ⵖⴻⵔ ⵢⵉⴷⵉⵙ ⵏ ⵎⵓⵔⵉⵟⴰⵏⵢⴰ, ⵢⴻⵎⵍⴰⵍ ⵓⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ.
ⵜⵉⵔⵣⵉ ⵏ ⵎⴰⵙⵙ ⵔⵧⵙⵙ ⵜⴻⵍⵍⴰ-ⴷ ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵍⴰ ⵜⵜⴳⴻⵏ ⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵙ ⵓⵙⴷⵓⵇⵇⴻⵙ ⵏ ⵍⴻⵎⵛⴰⵡⵕⴰⵜ ⴳⴰⵔ ⵙⵉⵏ ⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ (ⵎⴻⵕⵕⵓⴽ ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ).
ⴷⴻⴳ ⵜⴳⴰⵔⴰ ⵏ ⵜⴻⵔⵣⵉ-ⵏⵏⴻⵙ, ⴰⴷ ⴷ-ⵉⵇⴻⴷⴷⴻⵎ ⵓⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵕⴰⴱⵓⵍ ⵉ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵓⵇⴱⴻⵍ ⵜⴻⵔⵣⵉ ⴰⵢ ⵢⴻⵣⵎⴻⵔ ⵎⵍⵉⵃ ⵍⵃⴰⵍ ⴰⴷ ⵜⵜ-ⵢⴻⴳ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴻⵎⵏⴰⴹⵜ-ⴰ ⴰⴽⴽⴻⵏ ⴰⴷ ⵢⴻⵙⵙⴻⵇⵏⴻⵄ ⵎⴻⵕⵕⵓⴽ ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴰⴽⴽⴻⵏ ⴰⴷ ⵎⵄⴰⵀⴰⴷⴻⵏⵜ ⴰⴷ ⴱⴷⵓⵏⵜ ⵍⴻⵎⵛⴰⵡⵕⴰⵜ ⵡⴰⵔ ⵛⵛⵓⵔⵓⴹ.
ⵜⴰⵙⵡⵉⵄⵜ-ⴰ, ⵍⴻⵎⵛⴰⵡⵕⴰⵜ ⵏ ⴼⴻⵔⵔⵓ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵃⴻⴱⵙⴻⵏⵜ.
ⵍⴻⵎⵛⴰⵡⵕⴰⵜ ⵜⵉⵏⴻⴳⴳⵓⵔⴰ ⴳⴰⵔ ⵎⴻⵕⵕⵓⴽ ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵍⵍⴰⵏⵜ-ⴷ ⴷⴻⴳ ⵎⴻⵖⵔⴻⵙ ⵏ 2012 ⴷⴻⴳ ⵎⴰⵏⵀⴰⵙⵙⴻⵜ (ⴷⴻⴳ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵜⴻⵎⵔⵉⴽⵜ).
ⵜⴰⴳⵏⵉⵜ-ⴰ ⵜⴻⵙⵙⴰⵡⴻⴹ ⴰⵖⵔⴻⴼ ⴰⵚⴻⵃⵔⴰⵡⵉ « ⴰⴷ ⵢⴻⵙⵕⵓⵃ ⴰⵙⵙⵉⵔⴻⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴰⵚⴻⵃⵔⴰⵡⵉ ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⴰⵢ ⵢⵓⵣⴻⵏ ⵉ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⴰⵏⴷⴰ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⵜⴰⵍⵓⴼⵜ-ⴰ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵜⵄⴻⵟⵟⴻⵍ ».
