ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵓⵔⵉⵛⵉⵧ ⵎⴰⵛⵔⵉ ⵢⴻⵜⵜⵡⴰⴼⵔⴻⵏ ⴷ ⴰⵙⴻⵍⵡⴰⵢ ⵏ ⴰⵔⴳⴻⵏⵜⵉⵏⴻ

ⴱⵓⴻⵏⵧⵙ ⴰⵉⵔⴻⵙ – ⴰⵙⵉⵀⵔⴰⵏ ⵎⴰⵓⵔⵉⵛⵉⵧ ⵎⴰⵛⵔⵉ ⵢⴻⵔⴱⴰⵃ ⴰⵙⵙ ⵏ ⵍⵃⴻⴷⴷ ⵜⴰⴼⵔⴰⵏⵜ ⵏ ⵜⴻⴷⵡⵉⵍⵜ ⵜⵉⵙ ⵙⵏⴰⵜ ⵏ ⵜⴻⴼⵔⴰⵏⵜ ⵜⴰⵙⴻⵍⵡⴰⵢⴰⵏⵜ ⵏ ⴰⵔⴳⴻⵏⵜⵉⵏⴻ ⴰⴷ ⵢⴻⴱⴷⵓ ⵙ ⵡⵓⴷⴻⵎ ⵓⵏⵚⵉⴱ ⴰⵎⴰⵀⵉⵍ-ⵉⵙ ⴷⵉ 10 ⴷⵓⴵⴰⵎⴱⴻⵔ.

ⵎⴱⴰⵄⴷ ⴰⴼⵔⴰⵏ ⵏ ⵡⴰⵣⴰⵍ ⵏ 91% ⵏ ⵍⴻⵚⵡⴰⵜ, ⵍⵎⵉⵔ ⵏ ⴱⵓⴻⵏⵧⵙ ⴰⵉⵔⴻⵙ ⵎⴰⵓⵔⵉⵛⵉⵧ ⵎⴰⵛⵔⵉ, 56 ⵉⵙⴻⴳⴳⴰⵙⴻⵏ, ⵢⴻⵡⵡⵉ ⴰⵣⴰⵍ ⵏ 52,11% ⵎⴳⴰⵍ 47,89% ⵉ ⵡⴻⵅⵚⵉⵎ-ⵉⵙ ⴷⴰⵏⵉⴻⵍ ⵙⵛⵉⵧⵍⵉ, ⴷ-ⵉⴱⴻⴷⴷⴻⵏ ⵙ ⵢⵉⵙⴻⵎ ⵏ ⵜⴷⵓⴽⴽⵍⴰ ⵜⴰⵥⴻⵍⵎⴰⴹⵜ.

ⵜⴰⵙⴻⵍⵡⴰⵜ ⵜⴰⵥⵍⵎⴰⴹⵜ ⵛⵔⵉⵙⵜⵉⵏⴰ ⴽⵉⵔⵛⵀⵏⴻⵔ, ⵢⴻⵍⵍⴰⵏ ⴷⵉ ⵜⵇⴰⵛⵓⵛⵜ ⵏ ⵍⴰⵃⴽⴻⵎ ⵙⵉ 2007 ⵜⵉⵏ ⴷ-ⵉⵅⴻⵍⴼⴻⵏ ⴰⵔⴳⴰⵣ-ⵉⵙ, ⵓⵔ ⵜⴻⵣⵎⵉⵔ ⴰⵔⴰ ⴰⴷ ⴷ-ⵜⴱⴻⴷⴷ ⵉ ⵜⵉⴽⴽⴻⵍⵜ ⵜⵉⵙ ⵜⵍⴰⵜⴰ, ⵜⴻⴳⴷⴻⵍ ⴰⵢⴰ ⵜⴰⵎⴻⴷⴰⵡⵜ.

ⴰⴽⴽⴻⵏ ⴽⴰⵏ ⴷ-ⴱⴻⵔⵃⴻⵏ ⵙ ⵢⵉⴳⵎⴰⴹ ⵉⵎⴻⵣⵡⵓⵔⴰ, ⵜⴻⵏⴷⴰⵀ ⵜⵎⴰⵖⵕⴰ ⴷⴻⴳ ⵢⵉⴷⵉⵙ ⵏ ⵡⵉⴷ ⵉⵃⴻⵎⵎⵍⴻⵏ ⵍⵎⵉⵔ ⵏ ⴱⵓⴻⵏⵧⵙ ⴰⵉⵔⴻⵙ, ⵢⴻⵎⴳⴻⵔⵡⵉⵏ ⴷⴻⴳ ⵢⴻⵖⵕⴻⵎ ⴰⵎⴰⵜⵓ ⵏ ⵜⴷⵓⴽⴽⵍⵉ ⵛⴰⵎⴱⵉⴻⵎⵧⵙ (ⴰⴷ ⵏⴱⴻⴷⴷⴻⵍ).

"ⵏⴻⴼⵕⴰⵃ ⵏⴻⵣⵣⴰⵀ. ⵜⴰⵏⴻⵎⵎⵉⵔⵜ. ⵜⴰⵏⴻⵎⵎⵉⵔⵜ ⵉⵎⵉ ⵜⵓⵎⵏⴻⵎ ⴱⴻⵍⵍⵉ ⵏⴻⵣⵎⴻⵔ ⴰⴷ ⵏⴻⴱⵏⵓ ⴰⵔⴳⴻⵏⵜⵉⵏⴻ ⵉ ⵏⴻⵜⵜⴰⵔⴳⵓ. ⴰⵇⵍⵉ ⴷⴰ ⴰⵛⴽⵓ ⵜⴻⴱⵖⴰⵎ", ⵉⴷ-ⵢⴻⵏⵏⴰ ⵓⵙⴻⵍⵡⴰⵢ ⵓⴼⴼⵔⵉⵏ ⵉ ⵢⵉⵎⴰⵖⵏⴰⵙⴻⵏ ⴷ ⵡⵉⴷ ⵜ-ⵉⵃⴻⵎⵎⵍⴻⵏ.