Asebter amenzawi

Taqbuct n Yucatan n Utinis: Tɛedda Ibbou ɣer tuzzya tis snat

MEXICO – Tɛedda tmarirt tadzayrit n utinis, Ines Ibbou, ɣer tuzzya tis snat n Teqbuct n Yucatan ay la d-yettilin gar 23 d 28 Nwembeṛ deg Mexico, yerna yella-d waya degffir ma terna tamarirt tamiksikit Maria-José Portillo Ramirez s sin n yiḥricen (6-3 d 6-2) deg yiwet n temlilit ay d-yellan ass n letniyen tameddit.

I usmekti, Ibbou d nettat ay d talɣuɣt n Tefriqt n ddaw n 18 n yiseggasen, yerna tusa-d deg umkan wis 33 deg usettef amaḍlan. Deg tuzzya-nnes ay d-yetteddun, ad turar mgal tmarirt taparaguayit Laura Escauriza wukud d-temlal yagi deg telɣuɣa n Abierto-Juvenil Mexicano ay d-yellan, ula d nettat, deg Mexico.

Taqbuct-a tis 29 n Yucatan (Tafesna 1ut) ttekkant deg-s kra seg tmaririn n utinis timxeyyrin akk deg umaḍal.

Deffir telɣuɣa n Abierto-Juvenil Mexicano (16 ɣer 22 Nwembeṛ) d Teqbuct n Yucatan (23 ɣer 28 Nwembeṛ), ad teddu Ibbou ɣer Florida (deg Yiwanaken Yeddukklen n Temrikt) anda ad tettekki deg umsizwer n Eddie Herr gar 30 Nwembeṛ d 6 Dujembeṛ, sakkin, ad tettekki deg umsizwer n Orange Bowl gar 7 d 13 Dujembeṛ.

Lemmer ad d-tawi amecwaṛ yelhan, talɣuɣt-a n Tefriqt n ddaw 18 n yiseggasen ad tezmer ad tesselhu asettef-nnes deg umaḍal imi yal yiwen seg yimsizewren-a tezmer ad d-terbeḥ deg-s aṭas n tenqiḍin.