Asebter amenzawi

Iɣlanen Yeddukklen ɛewwlen ad ssuggten axeddim i ferru n taluft taṣeḥrawit

LEZZAYER TAMANEɣT – Ɛuhden Yiɣlanen Yeddukklen akken ad ssuggten ussisen (maǧhudat) i unadi n tifrat i taluft n Uneẓruf Utrim s uqader n lqanun agraɣlan d terzi n umaru amatu n Yiɣlanen Yeddukklen, Ban Ki-moon, ɣef temnaḍt deg wayyuren ay d-yetteddun « akken ad yettekki netta s timmad-nnes » deg tifrat tadumant.

« Yessaram Mass Ban Ki-moon ad yerzu ɣef temnaḍt-a deg wayyuren ay d-yetteddun akken ad yettekki netta s timmad-nnes deg unadi n tifrat i taluft-a ay yeqqimen acḥal », ɣef wakken ay d-yenna umazun udmawan (mabɛut caxṣi) n umaru amatu n Yiɣlanen Yeddukklen i Uneẓruf Utrim, Christopher Ross, ay d-yebdan ass n letniyen tirzi ɣef tmura n temnaḍt.

Tella-d terzi n Mass Ross i lmend n ukemmel n wussisen (maǧhudat) n Yiɣlanen Yeddukklen i ferru n taluft n Uneẓruf Utrim i lmend n usduqqes n lemcawṛat gar sin n yidisan ay terza taluft (Meṛṛuk d Terni n Polisario) i lmend n ferru aneggaru aydeg aɣref aṣeḥrawi ad iɣellet azref-nnes n ugguccelman (taqrir al-maṣir).

« Amaru amatu n Yiɣlanen Yeddukklen, Ban Ki-moon, yessuter-iyi-d ad ssuggteɣ ussisen akken ad nnadi tifrat iwatan tineɣtusin (qararat) yemgerraden n Useqqamu n Tɣellist (amn) n Yiɣlanen Yeddukklen », ɣef wakken ay d-iwekked, i lmend n ussewliwel n tɣawsiwin ay iḥebsen taswiɛt-a.

Lemcawṛat tineggura gar sin n yidisan ay terza taluft llant-d deg Meɣres n 2012 deg Manhasset, deg Yiwanaken Yeddukklen n Temrikt.

« Yessefk ad tger asurif d ameqran taluft-a uqbel tgara n 2015 », ɣef wakken ay d-iwekked Ban Ki-moon deg uṛabul-nnes n Yebrir n 2014.