Asebter amenzawi

Yessefk uwliwel i uqabel n tegnit n wass-a

LEZZAYER TAMANEɣT – Iger-d tiɣri uneɣlaf amenzu, Abdelmalek Sellal, ass n lexmis deg Ɛin Ddefla, i wakk Idzayriyen akken ad begsen akken ad qablen tagnit n wass-a deg yiwet n teswiɛt aydeg tamnaḍt « ur terkid ara ».

Mass Sellal ay igan tirzi n uxeddim d ussefqed ɣef twilayt n Ɛin Ddefla, iger-d tiɣri i Yidzayriyen akken ad begsen i uqabel n tegnit-a, am wakken ay d-yenna d akken Lezzayer « tella-d d tigzirt n talwit deg temnaḍt icewwlen ».

Seg yidis n tdamsa, yenna-d uneɣlaf amenzu d akken Lezzayer « tebda abrid niḍen seg wasmi ay ɣlint ssumat n upitṛul ay d-yeglan s lateṛ ɣef umedxul n uwanak (dawla) ».

« Tewɛeṛ tegnit, maca tifratin atenti gar yifassen-nneɣ », ɣef wakken ay d-iwekked Mass Sellal deg yiwen n umyager d yifellaḥen i lmend n umulli wis 41 n ussebded n Tdukli Taɣelnawt n Yifellaḥen Idzayriyen.

« Ur nettalas ara ad neg tuccḍa », ɣef wakken ay d-iɛeyyen, ladɣa imi la d-yettban d akken « ssuma n upitṛul ur tettali ara deg 2016 yerna arma d 2017 ay yella ḍḍmeɛ akken ad tali ».

ɣef waya ay d-yenna uneɣlaf amenzu d akken tessefk tdamsa « tamlellayt » (badila) aydeg d tafellaḥt ad yilin d « amutur ».

Dɣa ɣef waya ay d-iger tiɣri i yifellaḥen akken ad gen ugar n wussisen (maǧhudat) akken ad ɛawden ad d-sduqqsen aḥric-nsen yerna ad newwɛen tadamsa taɣelnawt, am wakken ay d-iwekked d akken yessefk ad ttwasnernint lfirmat d lluzinat n tuččit.