Asebter amenzawi

Tixazzabiyin n Paris: aṭas ay iḥedṛen deg temḍelt n Djallal-Eddine Sebaa deg Txencelt

TIXENCELT – Aṭas ay iḥedṛen, ass n lexmis deg Ɛin Ṭṭwila (Tixencelt) deg temḍelt n Djallal-Eddine Sebar (27 n yiseggasen) ay yemmuten deg txazzabiyin n Paris ass n 13 Nwembeṛ yezri.

D tiwinas (mi’at) n yimezdaɣen seg temdint-a aydeg d-ilul d waṭas seg wid ay as-yettilin ay d-yusan, ɣer temḍelt-a aydeg ḥedṛen yiduba idiganen d uwali, deg yiwet n tegnit n leḥzen d ussiweḍ n ṛṛeḥma.

Deg lxeḍba-nni n temḍelt, iwet-d limam deg uxeddim-nni arebrab ay yeglan s tmeddurin tilemriyin (abriya’), yerna yenna-d d akken axeddim am wa ixulef azalen n Lislam.

Tafekka n Djallal-Eddine Sebaa, adzayri wis sin ay yemmuten deg txazzabiyin n Paris, tewweḍ-d seg Paris ass n laṛebɛa ɣer unafag agraɣlan n Mostefa-Benboulaid n Tbatent, uqbel ma wwin-tt ɣer twilayt n Txencelt.