Asebter amenzawi

Aɣlif n uxeddim yessefray ad yemmeṛki 2 n yimelyunen n yifellaḥen deg ḍḍmana

ƐIN DDEFLA – Yenna-d uneɣlaf n uxeddim, Mohamed El Ghazi, ass n lexmis deg Ɛin Ddefla d akken aɣlif-nnes la yessefray ad yemmeṛki 2 n yimelyunen n yifellaḥen deg unagraw n tɣellist tanmettit (ḍaman iǧtimaɛi) yerna deg taggayt n yixeddamen ay ixeddmen ɣer yiman-nsen.

« La nessefray ad nemmeṛki 2 n yimelyunen n yifellaḥen deg unagraw n tɣellist tanmettit », ɣef wakken ay d-yenna uneɣlaf deg yijifeṛ n yiwet n terzi ay iga uneɣlaf amenzu ɣef twilayt n Ɛin Ddefla, yerna aya d aḥric seg tḥemla n usḥulfu n yixeddamen akken ad mmeṛkin iman-nsen.

« Nettkel ɣef Tdukli Taɣelnawt n Yifellaḥen Idzayriyen ad tettekki deg wanect-a yerna ad temmeṛki anect akk umi tezmer d ifellaḥen deg unagraw-a yerna ulac ccek ad ten-yenfeɛ waya », ɣef wakken ay d-yenna uneɣlaf, ay d-yernan d akken « ccɣel-a ur yesɛi ara talast deg wakud ».