ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷ ⵜⵍⴻⵎⵎⴰⵙⵉⵏ: 8% ⵙⴻⴳ-ⵙⴻⵏⵜ ⴰⵢ ⵉⵃⴻⴱⴱⵙⴻⵏ ⴷⴻⴳ ⵓⵙⴻⴳⴳⴰⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵉⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷ ⵜⵍⴻⵎⵎⴰⵙⵉⵏ ⴰⵢ ⵉⵃⴻⴱⴱⵙⴻⵏ ⴷⴻⴳ ⵍⴻⵣⵣⴰⵢⴻⵔ ⵡⵡⴹⴻⵏⵜ ⵖⴻⵔ 8%, ⵎⴰ ⴷ ⴰⵎⴹⴰⵏ (ⵄⴰⴷⴰⴷ) ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴰⵢⵏⵓⵜⵉⵏ ⴰⵢ ⵍⴰ ⴷ-ⵢⴻⵜⵜⵏⵓⵍⴼⵓⵏ ⵙⵉⵎⴰⵍ ⵍⴰ ⵉⵔⴻⵏⵏⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵜⵎⴰⵔⵓⵜ ⵜⴰⵎⴰⵜⵓⵜ ⵏ ⵓⵖⵍⵉⴼ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ), ⵔⴰⴱⴻⴰ ⴽⵀⴻⵔⴼⵉ.

« ⴰⵎⴹⴰⵏ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷ ⵜⵍⴻⵎⵎⴰⵙⵉⵏ ⵢⴻⴽⴽⴰ ⵉ 900.000 ⴷⴻⴳ ⵍⴻⵣⵣⴰⵢⴻⵔ ⵢⴻⵔⵏⴰ ⵙⵉⵎⴰⵍ ⵍⴰ ⵔⴻⵏⵏⵓⵏⵜ ⵜⵜⵏⵓⵍⴼⵓⵏⵜ-ⴷ ⵙ ⵜⵖⴰⵡⵍⴰ ⵙⴻⴳ ⵓⵙⴻⴳⴳⴰⵙ ⵖⴻⵔ ⵡⴰⵢⴻⴹ, ⵎⴰ ⴷ ⵜⵉⴷ ⴰⵢ ⵍⴰ ⵢⴻⵜⵜⵎⴻⵜⵜⴰⵜⴻⵏ ⵢⴻⵜⵜⴻⵣⵣⵉ ⵓⴼⵎⵉⴹⵉ-ⵏⵙⴻⵏⵜ (ⵏⵉⵙⴱⴰ) ⴳⴰⵔ 7 ⴷ 8%, ⵢⴻⵔⵏⴰ ⴰⴽⴽⴰ ⴰⵢ ⵜⴻⵍⵍⴰ ⵓⵍⴰ ⴷ ⵜⴰⵍⴻⵎⵎⴰⵙⵜ ⵜⴰⵎⴰⴹⵍⴰⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴽⵀⴻⵔⴼⵉ ⴷⴻⴳ ⵢⵉⵊⵉⴼⴻⵕ ⵏ ⵓⵏⵎⴰⴳⴻⵔ ⴰⵖⴻⵍⵏⴰⵡ ⵏ ⵓⴱⴷⴰⵄ ⴷ ⵢⵉⴳⵍⴰⵏ ⵉⴷⴰⵎⵙⴰⵏⴻⵏ.

ⴷ ⴰⵛⵓ ⴽⴰⵏ, ⵜⴻⵏⵏⴰ-ⴷ ⴷⴰⵖ ⵎⴰⵙⵙⴰ ⴽⵀⴻⵔⴼⵉ ⴷ ⴰⴽⴽⴻⵏ ⵓⵍⴰ ⵎⴰ ⵍⵍⴰⵏⵜ 900.000 ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷ ⵜⵍⴻⵎⵎⴰⵙⵉⵏ ⴷⴻⴳ ⵍⴻⵣⵣⴰⵢⴻⵔ, ⴰⵢⴰ ⵓⵔ ⴷ-ⵢⴻⵜⵜⴽⴰⴼⵉ ⴰⵔⴰ ⵖⴻⴼ ⵍⴻⵃⵙⴰⴱ ⵏ ⵢⵉⵎⴻⵣⴷⴰⵖⴻⵏ ⴰⵢ ⵢⴻⵍⵍⴰⵏ ⴷⴻⴳ ⵜⵎⵓⵔⵜ ⵢⴻⵔⵏⴰ ⵢⵓⵙⴰ-ⴷ ⵡⴰⵢⴰ « ⴷⴷⴰⵡ ⵜⵍⴻⵎⵎⴰⵙⵜ ⵜⴰⵎⴰⴹⵍⴰⵏⵜ (ⵎⵓⵜⴰⵡⴰⵙⵙⵉⵟ ⵄⴰⵍⴰⵎⵉ) ».

ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵍⴻⵣⵣⴰⵢⴻⵔ ⵜⴻⵙⵄⴰ « ⵜⵉⵣⴻⵎⵎⴰⵔ ⴷ ⵜⵉⵎⴻⵇⵔⴰⵏⵉⵏ » ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⵖⴻⵔ ⵜⵍⴻⵎⵎⴰⵙⵜ ⵜⴰⵎⴰⴹⵍⴰⵏⵜ, ⵍⴰⴷⵖⴰ ⵙ ⵓⵙⵙⵉⴼⵙⴻⵙ ⴰⵢ ⵢⴻⵙⵙⴰⴼⵙⴻⵙ ⵓⵏⴰⴱⴰⴹ ⵉⵙⵓⵔⵉⴼⴻⵏ ⵉ ⵢⵉⵍⴻⵎⵥⵉⵢⴻⵏ ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏ ⵜⵉⴽⴻⴱⴱⴰⵏⵉⵢⵉⵏ.

ⵜⴻⵏⵏⴰ-ⴷ ⵎⴰⵙⵙⴰ ⴽⵀⴻⵔⴼⵉ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⴰⵢⴻⵏ ⴰⵢ ⵢⴻⵙⵄⴰⵏ ⴰⵣⴰⵍ, ⵜⴰⵙⵡⵉⵄⵜ-ⴰ, ⵎⴰⵛⵉ ⴷ ⵜⵉⵎⴻⵔⵏⵉⵡⵜ ⵏ ⵓⵎⴹⴰⵏ ⵏ ⵜⴽⴻⴱⴱⴰⵏⵉⵢⵉⵏ ⵡⴰⵏⴰⴳ ⴷ ⴰⴹⵎⴰⵏ ⵏ ⵜⵎⴻⴷⴷⵓⵔⵜ-ⵏⵙⴻⵏⵜ.

ⵜⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴻⵙⵄⵓ ⵍⴻⵣⵣⴰⵢⴻⵔ ⴰⵏⴰⴳⵔⴰⵡ (ⵏⵉⴹⴰⵎ) ⴰⵖⴻⵍⵏⴰⵡ ⵏ ⵓⴱⴷⴰⵄ ⵉ ⵍⵎⴻⵏⴷ ⵏ ⵓⵙⵏⴻⵔⵏⵉ ⵏ ⵜⴽⴻⴱⴱⴰⵏⵉⵢⵉⵏ ⴷ ⵓⵙⵙⵉⴷⴻⴼ ⵏ ⵜⵎⵓⵔⵜ ⵖⴻⵔ ⵜⴷⴰⵎⵙⴰ ⵜⵓⵎⴹⵉⵏⵜ (ⵔⴰⵇⵎⵉⵢⵢⴰ).

ⵖⴻⴼ ⵡⴰⵢⴰ ⴰⵢ ⴷ-ⵢⴻⵙⵏⵓⵍⴼⴰ ⵓⵖⵍⵉⴼ ⴰⵔⵔⴰⵣ ⴰⵖⴻⵍⵏⴰⵡ ⵏ ⵓⵙⵏⵓⵍⴼⵓ ⵉ ⵍⴼⴰⵢⴷⴰ ⵏ ⵢⵉⵍⴻⵎⵥⵉⵢⴻⵏ ⴰⵢ ⴷ-ⵢⴻⵙⵏⵓⵍⴼⵓⵢⴻⵏ ⵜⵉⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ, ⵢⴻⵔⵏⴰ ⴰⵔⵔⴰⵣ ⵏ ⵓⵙⴻⴳⴳⴰⵙ-ⴰ ⴰⴷ ⵢⴻⵜⵜⵓⵏⴻⴼⴽ ⴷⴻⴳ 7 ⴷⵓⵊⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.