Asebter amenzawi

Timlilit n USM Lḥeṛṛac d CR Belouizdad ass n ljemɛa 11 Dujembeṛ

LEZZAYER TAMANEɣT – Timlilit n USM Lḥeṛṛac d CR Belouizdad, snat seg teɣlamin timeqranin n Lezzayer Tamaneɣt, ad d-tili ass n ljemɛa 11 Dujembeṛ ɣef 4s00 n tmeddit deg usarir n 5 Yulyu, ɣef leḥsab n wahil ay d-tessuffeɣ Temɣunt n Tcirt n Uḍar Tasadurant.

Timlilit-a ad d-tili deg wass wis 14 n wurar n Temɣunt (rabiṭa) 1ut, d ass n wurar ad yebḍun ɣef 3 n wussan yerna ad yebdu s temlilit gar NA Ḥusin Day d CS Qsenṭina ad d-yilin ass n 10 Dujembeṛ ɣef 5s00 n tmeddit deg Usarir n 20 Ɣuct (Lezzayer Tamaneɣt).

Deg wass n 11 Dujembeṛ, nnig temlilit n USM Lḥeṛṛac-CR Belouizdad, tella daɣ temlilit gar USM Leblida d JS Ṣawra.

5 n temliliyin tineggura n wass wis 14 ad d-ilint ass n ssebt, 12 Dujembeṛ, yerna tella gar-asent temlilit gar USM Lezzayer d DRB Taǧnant.

Ass wis 13 n wurar ad d-yili ussan n 27 d 28 Nwembeṛ.