ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵣⵣⵢⴰ ⵜⴰⴳⵔⴰⵖⵍⴰⵏⵜ ⵏ ⵓⵙⵏⴰⵙⵖⴻⵍ ⵏ ⵙⵀⴰⵔⵊⴰⵀ: 6 ⵏ ⵢⵉⴷⵣⴰⵢⵔⵉⵢⴻⵏ ⴰⴷ ⵢⴻⵜⵜⴻⴽⴽⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 6 ⵏ ⵢⵉⵎⴻⵙⵏⴰⵙⵖⴰⵍⴻⵏ (ⴷⴰⵔⵔⴰⴵⵉⵏ) ⵉⴷⵣⴰⵢⵔⵉⵢⴻⵏ ⴰⵢ ⵢⴻⵜⵜⴻⴽⴽⵉⵏ ⴳⴰⵔ 28 ⵏⵡⴻⵎⴱⴻⵕ ⴷ 2 ⴷⵓⵊⴻⵎⴱⴻⵕ 2015 ⴷⴻⴳ ⵜⵓⵣⵣⵢⴰ ⵜⴰⴳⵔⴰⵖⵍⴰⵏⵜ ⵏ ⵓⵙⵏⴰⵙⵖⴻⵍ ⵏ ⵙⵀⴰⵔⵊⴰⵀ (ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ) ⴰⵢⴷⴻⴳ ⴰⴷ ⵜⵜⴻⴽⴽⵉⵏ ⵢⵉⵏⴰⴷⴷⴰⵍⴻⵏ ⵙⴻⴳ 18 ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍ-ⴰ.

ⵜⴰⵥⵔⵉⴳⵜ (ⵟⴰⴱⵄⴰ) ⵜⵉⵙ 3 ⵏ ⵜⵓⵣⵣⵢⴰ ⵏ ⵙⵀⴰⵔⵊⴰⵀ ⴰⴷ ⵜⵜⴻⴽⴽⵉⵏⵜ ⴷⴻⴳ-ⵙ, ⵎⴻⵏⵖⵉⵔ ⵍⴻⵣⵣⴰⵢⴻⵔ, ⵜⵉⵖⵍⴰⵎⵉⵏ ⵜⵉⵖⴻⵍⵏⴰⵡⵉⵏ ⵏ ⵎⴰⵚⴻⵔ, ⵜⴰⴳⴻⵍⴷⴰ ⵜⴰⵙⴰⵄⵓⴷⵉⵜ, ⵍⴻⴽⵡⵉⵜ, ⴱⴻⵃⵕⵉⵏ, ⵊⵓⵕⵊⵢⴰ, ⵎⴰⵍⵟⴰ, ⴰⴼⵖⴰⵏⵉⵙⵜⴰⵏ, ⵙⴻⵢⵛⵀⴻⵍⵍⴻⵙ, ⵜⴰⴳⴷⵓⴷⴰ ⵏ ⵜⴻⴼⵔⵉⵇⵜ ⵜⴰⵍⴻⵎⵎⴰⵙⵜ, ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ, ⵓⴳⴰⵏⴷⴰ, ⴰⵣⴻⵔⴱⵉⴵⴰⵏ ⴷ ⵎⴻⵕⵕⵓⴽ.

ⴰⵃⵔⵉⵛ ⴰⵎⴻⵣⵡⴰⵔⵓ ⵏ ⵜⴻⵎⵙⵉⵣⵣⴻⵍⵜ-ⴰ ⴷⴻⴳ-ⵙ 140 ⵏ ⵢⵉⴽⵉⵍⵓⵎⵉⵜⵔⴻⵏ ⵢⴻⵔⵏⴰ ⴰⴷ ⴷ-ⵢⵉⵍⵉ ⴷⴻⴳ ⵓⵎⵏⴻⵏⵏⵉⴹ ⵓⵎⴷⵉⵍ ⴷⴻⴳ ⵢⵉⵣⴻⵏⵇⴰⵏ ⵏ ⵜⴻⵎⴷⵉⵏⵜ ⵏ ⵙⵀⴰⵔⵊⴰⵀ. ⴰⵃⵔⵉⵛ ⵡⵉⵙ ⵙⵉⵏ ⴷⴻⴳ-ⵙ 170 ⵏ ⵢⵉⴽⵉⵍⵓⵎⵉⵜⵔⴻⵏ ⵢⴻⵔⵏⴰ ⴰⴷ ⵢⴻⴱⴷⵓ ⵙⴷⴰⵜ ⵓⵙⵔⵉⵔ (ⵏⴰⴷⵉ) ⵏ « ⵎⴻⵍⵉⵀⴰ ⵛⵍⵓⴱ », ⵎⴰ ⴷ ⴰⵡⵡⴰⴹ ⴰⵜⴰⵏ ⴷⴻⴳ « ⵀⴰⵎⵔⵉⵢⴰ ⵛⵍⵓⴱ ».

ⴰⵃⵔⵉⵛ ⵡⵉⵙ 3 ⴰⴷ ⵢⴻⴱⴷⵓ ⵙⴻⴳ ⵜⴻⵙⴷⴰⵡⵉⵜ ⵏ « ⴻⵍ-ⵇⴰⵙⵙⵉⵎⵉⵢⴰ », ⴰⴷ ⵉⴼⴰⴽ ⴷⴻⴳ « ⴻⵍ-ⵎⴰⴷⴻⵎ ⵛⵍⵓⴱ » ⵢⴻⵔⵏⴰ ⵍⵍⴰⵏ ⴷⴻⴳ-ⵙ 170 ⵏ ⵢⵉⴽⵉⵍⵓⵎⵉⵜⵔⴻⵏ. ⵎⴰ ⴷ ⴰⵃⵔⵉⵛ ⴰⵏⴻⴳⴳⴰⵔⵓ (120 ⵏ ⵢⵉⴽⵉⵍⵓⵎⵉⵜⵔⴻⵏ) ⴰⴷ ⵢⴻⴱⴷⵓ ⵙⴻⴳ ⵓⵅⵅⴰⵎ ⵏ ⵜⴼⵉⴷⵉⵕⴰⵍⵉⵜ ⵏ ⵓⵙⵏⴰⵙⵖⴻⵍ ⵏ ⵍⵉⵎⴰⵕⴰⵜ ⵢⴻⵔⵏⴰ ⴰⴷ ⵉⴼⴰⴽ ⴷⴻⴳ ⵓⵙⴰⴳⴻⵏ (ⵎⴰⵔⵚⴰ) ⵏ « ⴷⵉⴱⴰ-ⵛⵍⵓⴱ ».

ⵜⵓⵣⵣⵢⴰ-ⴰ ⵜⴻⵜⵜⵡⴰⵎⵎⴻⵕⴽⴰ ⵙⴻⴳ ⵓⵙⴻⴳⴳⴰⵙ ⵏ 2013 ⴷⴻⴳ ⵡⴰⵀⵉⵍ ⵏ ⴰⵙⵉⴰ-ⵜⵧⵓⵔ, ⵢⴻⵔⵏⴰ ⴰⴷ ⵜⵜⴻⴽⴽⵉⵏⵜ ⴷⴻⴳ-ⵙ ⴰⵟⴰⵙ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵜⴰⵙⵢⴰⵡⵉⵢⵉⵏ. ⴰⵎⴻⵛⵡⴰⵕ-ⵏⵏⴻⵙ ⵍⵍⴰⵏ ⴷⴻⴳ-ⵙ ⵙ ⵓⵊⴻⵎⵎⴰⵍ 600 ⵏ ⵢⵉⴽⵉⵍⵓⵎⵉⵜⵔⴻⵏ.

ⵉⵙⵎⴰⵡⴻⵏ ⵏ ⵢⵉⴷⵣⴰⵢⵔⵉⵢⴻⵏ ⴰⴷ ⵢⴻⵜⵜⴻⴽⴽⵉⵏ: ⵎⴰⵏⵙⵧⵓⵔⵉ ⴰⴱⴷⴻⵔⵔⴰⵀⵎⴰⵏⴻ-ⵏⴰⵙⵙⵉⵎ ⵙⴰⵉⴷⵉ-ⴰⴱⴷⴻⵔⵔⴰⵀⵎⴰⵏⴻ ⴱⴻⵛⵀⵍⴰⴳⵀⴻⵎ-ⴱⵧⵓⴰⵍⴻⵎ ⴱⴻⵍⵎⵧⴽⵀⵜⴰⵔ-ⴰⴱⴷⴻⵍⴽⴰⴷⴻⵔ ⴱⴻⵍⵎⵧⴽⵀⵜⴰⵔ-ⴰⴱⴷⴻⵍⵍⴰⵀ ⴱⴻⵏⵢⵧⵓⵛⴻⴼ.

ⵡⵉⴷ ⴰⴷ ⵢⴰⵣⵣⵍⴻⵏ ⴷⴻⴳ ⵢⵉⵎⵓⴽⴰⵏ-ⵏⵙⴻⵏ ⵎⴰ ⵜⴻⵔⵔⴰ ⵜⵎⴰⵔⴰ: ⴰⵣⵣⴻⴷⵉⵏⴻ ⵍⴰⴳⴰⴱ, ⵀⴰⴷⵊ ⴱⵧⵓⵣⵉⴷ ⴽⴰⵔⵉⵎ-ⴰⴷⵉⵍ ⴱⴰⵔⴱⴰⵔⵉ.

ⴰⵙⵍⴻⵖⵎⴰⵢ (ⵎⵓⴷⴰⵔⵔⵉⴱ): ⵎⴰⵍⴻⴽ ⵀⴰⵎⵣⴰ.