ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵓⴼⵜ ⵏ ⵍⵉⴱⵢⴰ: ⵍⴻⵣⵣⴰⵢⴻⵔ ⵜⴻⵙⵎⴻⵏⵢⴰⴼ ⵜⵉⴼⵔⴰⵜ ⵜⴰⵙⴻⵔⵜⵉⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵍⴻⵣⵣⴰⵢⴻⵔ ⵍⴰ ⵜⴻⵜⵜⴻⴽⴽⴰⵢ ⴷⴻⴳ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵍⵉⴱⵢⴰ ⵙ ⵓⵎⵛⵉⵡⴻⵕ ⵢⴻⵔⵏⴰ ⵍⴰ ⵜⵅⴻⴷⴷⴻⵎ ⵖⴻⴼ ⵍⴻⴱⵏⵉ ⵏ ⵜⵙⵓⴷⴰ (ⵎⵓ’ⴰⵙⵙⴰⵙⴰⵜ) ⵜⵉⵍⵉⴱⵉⵢⵉⵏ ⴷ ⵓⵙⵙⴻⴵⵀⴻⴷ-ⵏⵙⴻⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴰⴽⴽ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵖⴻⴼ ⵜⴰⵍⵓⴼⵜ ⴷⴻⴳ ⵍⵉⴱⵢⴰ.

ⴰⵙⴰⵔⴰⴳ-ⴰ ⵜⵜⴻⴽⴽⴰⵏ ⴷⴻⴳ-ⵙ ⴰⵟⴰⵙ ⵏ ⵢⵉⵎⴰⵣⵣⴰⴳⴻⵏ (ⵎⵓⵅⵜⴰⵚⵚⵉⵏ) ⴰⵢ ⴷ-ⵢⴻⵙⵙⴰⵡⵍⴻⵏ ⵖⴻⴼ « ⵜⴰⵍⵓⴼⵜ ⵜⴰⵍⵉⴱⵉⵜ ⴷ ⵍⴰⵜⴻⵕ ⴰⵢ ⵜⴻⵙⵄⴰ ⵖⴻⴼ ⵜⵖⴻⵍⵍⵉⵙⵜ ⴷ ⵓⵔⴽⴰⴷ ⵏ ⵜⵎⵓⵔⴰ ⵏ ⵍⵎⴻⵖⵔⴻⴱ ⴷ ⵢⵉⴳⵍⴰⵏ ⵏ ⴼⴻⵔⵔⵓ-ⵏⵏⴻⵙ », ⵢⴻⵔⵏⴰ ⵢⴻⵍⵍⴰ-ⴷ ⴷⴻⴳ ⵜⴻⵙⴷⴰⵡⵉⵜ ⵏ ⵍⴻⵣⵣⴰⵢⴻⵔ ⵜⵉⵙ 3.

Ɣⴻⴼ ⵍⴻⵃⵙⴰⴱ ⵏ ⴱⴻⵍⴽⴰⵛⴻⵎ ⵉⵔⴰⵜⵏⵉ, ⵙⴻⴳ ⵜⴻⵙⴷⴰⵡⵉⵜ ⵏ ⵜⵓⵙⵙⵏⵉⵡⵉⵏ ⵜⵉⵙⴻⵔⵜⵉⵢⵉⵏ ⴷ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⵢⴻⵍⵍⴰ-ⴷ ⵉ ⵍⵎⴻⵏⴷ ⵏ ⵜⵉⴼⵉⵏ ⵏ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵉ ⵜⴰⵍⵓⴼⵜ-ⴰ.

ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵙⴷⴰⵡⴰⵏⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴰⵔⴰⴳ-ⴰ ⵏⵏⴰⵏ-ⴷ ⴷ ⴰⴽⴽⴻⵏ ⵙⵄⴰⵏ ⴰⵙⵙⵉⵔⴻⵎ ⴰⴷ ⵜⴻⴼⵔⵓ ⵜⴰⵍⵓⴼⵜ ⴰⵢ ⵉⵃⵓⵣⴰⵏ ⵜⴰⵎⵓⵔⵜ-ⴰ ⵜⴰⵄⵕⴰⴱⵜ ⵢⴻⵍⵍⴰⵏ ⴷⴰⵖ ⴷ ⵜⴰⵎⴰⵙⵍⴰⴹⵜ (ⵄⵓⴹⵡ) ⵙⴻⴳ ⵜⴷⵓⴽⵍⵉ ⵏ ⵍⵎⴻⵖⵔⴻⴱ.

ⵜⴰ ⴷ ⵜⴰⵍⵓⴼⵜ ⴰⵢ ⵢⴻⴹⴹⴼⴻⵏ, ⵉⵎⵉⵔ-ⴰ, 4 ⵏ ⵢⵉⵙⴻⴳⴳⴰⵙⴻⵏ ⴷ ⵓⵣⴳⴻⵏ, ⴷⴻⴼⴼⵉⵔ ⵎⴰ ⵢⴻⵖⵍⵉ ⵓⴷⴰⴱⵓ ⵏ ⵓⵎⵏⵉⵔ ⴰⵇⴱⵓⵔ ⵏ ⵍⵉⴱⵢⴰ, ⵎⵧⵓⴰⵎⵎⴰⵔ ⴽⴰⴷⵀⴰⴼⵉ.

ⵜⴰⵍⵓⴼⵜ ⵜⴰⵙⴻⵔⵜⵉⵜ ⴰⵢ ⵉⵃⵓⵣⴰⵏ ⵜⴰⵎⵓⵔⵜ-ⴰ ⵢⴻⵜⵜⴱⴰⵏ-ⴷ ⴷ ⵓⴳⵓⵔ ⴰⴷ ⵉⵄⴻⴷⴷⵉⵏ, ⵖⴻⴼ ⵍⴻⵃⵙⴰⴱ ⵏ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⴷⴻⴳ ⵡⴰⵙⵙⴰⵖⴻⵏ ⵉⴳⵔⴰⵖⵍⴰⵏⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴰⵔⴰⴳ-ⴰ.

ⵜⴰⵍⵓⴼⵜ ⵏ ⵍⵉⴱⵢⴰ ⵜⴻⵎⴳⴻⵔⵔⴰⴷ ⵖⴻⴼ ⵜⵉⴷ ⵏ ⵄⵉⵔⴰⵇ ⴷ ⵙⵓⵢⴰ, ⴰⵏⴷⴰ ⵓⴳⵓⵔⴻⵏ ⵍⵍⴰⵏ ⴳⴰⵔ ⵜⴻⴳⵔⴰⵡⵉⵏ ⵜⵉⵜⵏⵉⵢⵉⵏ ⴷ ⵜⴻⴳⵔⴰⵡⵉⵏ ⵏ ⴷⴷⵉⵏ, ⵢⵉⵍⵉ ⴷⴻⴳ ⵍⵉⴱⵢⴰ, ⵓⴳⵓⵔⴻⵏ ⴰⵜⵏⵉ ⴳⴰⵔ ⵜⴻⴳⵔⴰⵡⵉⵏ ⵜⵉⵙⴻⵔⵜⵉⵢⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ.

ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴽⴰⵙⵉ (ⵏⵉⵇⴰⵛ) ⵡⴻⴽⴽⴷⴻⵏ-ⴷ ⴷⴰⵖ ⴷ ⴰⴽⴽⴻⵏ ⵜⴰⵍⵓⴼⵜ-ⴰ ⵜⴻⵣⵎⴻⵔ ⴰⴷ ⵜⴻⴼⵔⵓ ⵢⴻⵔⵏⴰ ⵜⵉⵍⵓⴼⴰ ⵜⵉⵍⵇⴰⵢⴰⵏⵉⵏ ⴷ ⵜⵉⴷ ⴰⵢ ⵉⵡⴻⵄⵕⴻⵏ ⴷ ⵜⵉⵍⵓⴼⴰ ⴰⵢ ⵢⴻⵇⵇⵏⴻⵏ ⵖⴻⵔ ⴷⴷⵉⵏ ⴷ ⵜⵏⴻⵚⵍⵉⵜ.