Asebter amenzawi

Tamɣunt tis 2: JSM Bgayet d USM Belɛebbas fuken s ulac ɣer ulac

LDZAYER TAMANEɣT – Tiɣlamin n JSM Bgayet d USM Belɛebbas fukent s 0 ɣer 0 ass n ssebt deg Usarir n Tdukli n Lmeɣreb, deg tgara n wass wis 13 n Temɣunt tis 2 n Mobilis n tcirt n uḍar ay d-yellan ass n ljemɛa.

Timlilit-a ur teffiɣ la ɣef teɣlamt n Bgayet, wala ɣef tin n Belɛebbas, ladɣa imi lemmer d ay terbiḥ Bgayet, ad tali s yiwen n umkan deg usettef, yerna lemmer d Belɛebbas ay irebḥen, tili d nettat ad yuɣalen d tamezwarut deg usettef deg umkan n CA Tabatent.

JSM Bgayet tesḥassef aṭas ɣef temlilit-a ur tessaweḍ ara ad tt-terbeḥ deg temdint-nnes, ladɣa imi ur tessaweḍ ara ad tessidef iswi n tyita n temqasit deg tedqiqt tis 39, mi t-yezgel Chehima.