ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⴰⵙⵙⴻⵄⵔⴻⵇ ⵏ ⵎⴻⵕⵕⵓⴽ ⴷ ⴰⵄⴻⵡⵡⵉⵇ ⵉ ⵜⵉⴼⵔⴰⵜ
ⵛⵀⴰⵀⵉⴷ ⴻⵍ-ⵀⴰⴼⴻⴷⵀ (ⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ) - ⵜⵉⴷⴷⵉⵜ ⵜⴰⵇⵓⵔⴰⵏⵜ ⵏ ⵎⴻⵕⵕⵓⴽ, ⴰⵙⵙⴻⵄⵔⴻⵇ-ⵏⵏⴻⵙ ⴰⵙⴻⵔⵜⵉ ⴷ ⵜⵉⴳⵉⵜ ⴰⵢ ⵜⵓⴳⵉ ⴰⴷ ⵜⴻⵎⵛⵉⵡⴻⵕ ⵣⴳⴰⵏ-ⴷ ⴷ ⵉⵄⴻⵡⵡⵉⵇⴻⵏ ⵉⵎⴻⵇⵔⴰⵏⴻⵏ ⴰⵢ ⵉⵔⴻⴳⵍⴻⵏ ⴰⴱⵔⵉⴷ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴼⵔⵓⵏ ⵜⴰⵍⵓⴼⵜ ⵜⴰⵚⴻⵃⵔⴰⵡⵉⵜ ⴰⵢⵢⴻⵙ ⴷ-ⵢⴻⵍⵀⴰ ⵓⵎⴰⵣⵓⵏ (ⵎⴰⴱⵄⵓⵜ) ⵏ ⵓⵏⴻⵥⵔⵓⴼ ⵓⵜⵔⵉⵎ, ⵛⵀⵔⵉⵙⵜⵧⵒⵀⴻⵔ ⵔⵧⵙⵙ, ⴷ ⵓⵙⵙⵉⵙⴻⵏ ⴰⵢⵢⴻⵙ ⴼⴻⵕⵃⴻⵏ ⴷⴰⵖ ⵢⵉⵚⴻⵃⵔⴰⵡⵉⵢⴻⵏ ⴷ ⵜⵎⵓⵔⴰ ⵜⵉⵎⴰⵏⴰⵢⵉⵏ ⵏ ⵍⴷⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ. ⵜⵉⵖⵔⵉ ⴰⵢ ⴷ-ⵉⴳⴻⵔ ⴱⴰⵏ ⴽⵉ-ⵎⵧⵧⵏ ⵉ ⵡⵓⵖⴰⵍ « ⵡⴰⵔ ⵛⵛⵓⵔⵓⴹ » ⵖⴻⵔ ⵍⴻⵎⵛⴰⵡⵕⴰⵜ ⴳⴰⵔ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵎⴻⵕⵕⵓⴽ ⴷ ⴰⵢⴻⵏ ⴰⵢ ⴷ-ⵉⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ ⴰⵢ ⵍⴰ ⵜⵜⴳⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⴻⴳ 2007 ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵜⴰⵍⵓⴼⵜ-ⴰ, « ⵎⴰⵛⴰ ⵡⴻⵔⵄⴰⴷ ⵓⵔ ⵢⴻⵙⵙⴰⵡⴻⴹ ⵡⴰⵢⴰ ⵖⴻⵔ ⵓⴳⵎⵓⴹ ⵢⴻⵜⵜⵡⴰⵙⵙⴻⴼⵔⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵒⵧⵍⵉⵙⴰⵔⵉⵧ ⵖⴻⵔ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵀⵎⴻⴷ ⴱⵧⵓⴽⵀⴰⵔⵉ.
ⵓⵙⵙⵉⵙⴻⵏ ⵏ ⴼⴻⵔⵔⵓ ⵏ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⵙ ⵜⴰⵍⵡⵉⵜ ⴷⵉⵎⴰ ⵎⵎⵓⴳⴳⵔⴻⵏ-ⴷ ⴰⵄⴻⵡⵡⵉⵇ ⵏ « ⵜⴰⵖⴻⵔⵜ » ⵏ ⵎⴻⵕⵕⵓⴽ ⴰⵢ ⵢⴻⵇⵇⵉⵎⴻⵏ ⵜⴻⴹⴹⴻⴼ ⴷⴻⴳ « ⵜⴼⵓⵍⵎⴰⵏⵜ » (ⵃⵓⴽⵎ ⴷⴰⵜⵉ) ⵢⴻⵇⵇⵏⴻⵏ ⵖⴻⵔ ⵜⵓⴹⴹⴼⴰ ⵏ ⵡⴰⴽⴰⵍ ⵢⴻⵔⵏⴰ ⵜⴰ ⴷ ⵜⵉⴼⵔⴰⵜ ⵓⵔ ⴷ-ⵉⴳⵉⵔⴻⵏ ⴰⵔⴰ ⴷⴻⴳ ⵍⴻⵃⵙⴰⴱ ⴰⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ ⴰⵚⴻⵃⵔⴰⵡⵉ. ⵖⴻⴼ ⵍⴻⵃⵙⴰⴱ ⵏ ⵢⵉⵎⴰⵏⴰⵢⴻⵏ (ⵎⵓⵔⴰⵇⵉⴱⵉⵏ), ⵎⴻⵕⵕⵓⴽ ⵎⴰⵣⴰⵍ-ⵉⵜⵜ ⵍⴰ ⵜⵅⴻⴷⴷⴻⵎ ⴰⴽⴽⴻⵏ ⴰⴷ ⵜⴻⵙⵙⴻⵅⵚⴻⵔ ⵓⵙⵙⵉⵙⴻⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵉ ⵍⵎⴻⵏⴷ ⵏ ⴼⴻⵔⵔⵓ ⵙ ⵜⴰⵍⵡⵉⵜ. ⴰⴳⴻⵍⵍⵉⴷ ⵏ ⵎⴻⵕⵕⵓⴽ ⵢⴻⵔⵣⴰ ⵖⴻⴼ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵙ ⵜⵉⵏ ⵏ ⵓⵏⴱⴰⵛ ⵢⴻⵔⵏⴰ ⵙⵉⵏ ⴽⴰⵏ ⵏ ⵡⵓⵙⵙⴰⵏ ⴷⴻⴼⴼⵉⵔ ⵎⴰ ⵉⴳⴰ-ⴷ ⴱⴰⵏ ⴽⵉ-ⵎⵧⵧⵏ ⵜⴰⵙⴻⵖⵔⵓⵜ-ⵏⵏⴻⵙ (ⵜⴰⵚⵔⵉⵃ), ⵎⴰ ⴷ ⴰⵏⴻⵖⵍⴰⴼ ⴰⵎⴻⵕⵕⵓⴽⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵏⵏⴰ-ⴷ ⴰⵡⴰⵍ ⵓⵔ ⵢⴻⵍⵍⵉⵏ ⴷⴻⴳ ⵓⵎⴽⴰⵏ-ⵏⵏⴻⵙ ⵉ ⵍⵎⴻⵏⴷ ⵏ ⵓⵙⵙⴻⵅⵚⴻⵔ ⵏ ⵛⵛⵖⴻⵍ ⵏ ⵎⴰⵙⵙ ⵔⵧⵙⵙ ⴷ ⵓⵎⴷⴰⵍ ⵏ ⵜⴻⵡⵡⵓⵔⵜ ⴷⴻⴳ ⵡⵓⴷⴻⵎ-ⵏⵏⴻⵙ ⴰⴽⴽⴻⵏ ⵓⵔ ⵉⵔⴻⵣⵣⵓ ⴰⵔⴰ ⵖⴻⴼ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ.
ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵄⴰⵡⴷⴻⵏ ⵡⴻⴽⴽⴷⴻⵏ-ⴷ ⴰⴱⴷⴰⴷ-ⵏⵙⴻⵏ ⵓⵎⵎⵉⴷ ⵖⴻⵔ ⵢⵉⴷⵉⵙ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵢⵉⵚⴻⵃⵔⴰⵡⵉⵢⴻⵏ ⵢⴻⴷⴷⵔⴻⵏ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ, ⵢⴻⵔⵏⴰ ⵡⴻⴽⴽⴷⴻⵏ-ⴷ ⴷⴰⴽⴽⴻⵏ « ⵔⵧⵙⵙ ⵢⴻⵣⵎⴻⵔ ⴰⴷ ⵢⴻⵔⵣⵓ ⵖⴻⴼ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵢⴰⵍ ⵜⴰⵙⵡⵉⵄⵜ, ⵓⵍⴰ ⵎⴰ ⵢⴻⵍⵍⴰ-ⴷ ⵡⴰⵢⴰ ⴱⴻⵕⵕⴰ ⵉ ⵜⵓⵖⴷⴰⴹⵜ-ⵏⵏⴻⵙ (ⵎⵓⵀⵉⵎⵎⴰ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ».
